ديوانية شموسه ورينبو...الي ولادتها بالصيف تتفضل تقرق معانا

[بنت النوخذة]

هاي بنت النوخذة:eh_s(8):
على البركة اللقب الجديد
بالنسبه لعوار الظهر واسفل البطن صار صديقي العزيز مايحب يفارقني كله معاي من اول ما حملت و العوار لازق لدرجه اذا ما عورني شي استغرب اقول الله يستر ليش ظهري موقاعد يعورني
الله يعين العباد​

يبارك فيج حبيبتي والله شنو نسوي نبي يهال الحمدالله على كل حال عوار ظهر وبطن أهون من شي ثاني الله يسهل على أمه محمد ياربي

 

[Cute Kitty]

الفرحه السجينه
مشكوووره عزيزتي على خبر التنزيلات
شكلي بروح انور عاد كنت مأجلتها لي بعدين

جاكليت
هلا عزيزتي شلونج ؟
وناسه من امس وانا ودي بباسكن تسلمين حبيبتي على الصوره الي تبرد على القلب
اليوم ان شاء الله بخلي زوجي ايبلي مو مثل امس كشت فيني

اوشال
واي ليش جذي صج شكله يعور القلب

بنت النوخذه
هالعوار لابد منه بس شنسوي لازم نتحمل علشان الغوالي

 

[الفرحه السجينه]

بنت النوخذه هذي اغراض النفاس اللي كتبتها الغاليه رينبو ما قصرت ..ياالله جهزي قلم وورقه

يالله اليوم بكتبلكم الاشياء اللي تحتاجونها حق النفاس وبنات ياريت اتذكروني بالاشياء اللي اكون ناسيتها وعشان جوكليته ناسيه وايد سوالف انذكرها


ترا هالاغراض اهي نفسها اللي اتحطونها بجنطه المستشفى كل وحده على حسب حاجتها او المده اللي راح اتم في المستشفى وطبعا حسب المستشفى لان في مستشفيات توفر وايد اشياء انا عن نفسي اولد بالصباح فاحسب حسابي بكل شي حتى الصابون اللي بالحمام تكرمون اوديه معاي


يالله نبتدي


_ راح تحتاجين 3- 4 قمصان نوم للمستشفى للاستقبال ولازم اتراعين انهم مفتوحين بزراير عشان الرضاعه بعض القمصان نوم ايون فيهم فتحات حق الرضاعه بس انا ما احبهم افضل الازرارات وانا اخذهم من محل اسمه كادوه بالسندس بالسرداب امبيه شفيني جني سويت دعايه وايد حق المحل خخخخ وآخذ منهم بعد تكرمون نعال حق المستشفى يكون نفس لون الدراريع


_ اربع بجايم نوم انا بصراحه اخذ دراريع قطن من فاشن مل مفتوحين صوب الصدر بزراير ونص جم مريحين حق النوم بس في ناس تفضل بجايم بنطرونات اللي يريحكم بس لازم يكون مفتوح صوب الصدر عشان الرضاعه


_ 4 ستيانات على الاقل ملوت الرضاعه قطن واخذي مقاس اكبر من مقاسج قبل الحمل بس لازم يكونون مريحين ونفس الوقت شادين انا اخذ هم من مذر كير ايون اثنين مع بعض وسعرهم عشر دنانير بس انا وايد ارتاحلهم ولا تنسون قطن حق الحليب اللي تستخدمونهم مره وحده وتقطونهم انا استخدم ماركة بيجون وفي ماركه جونسون وشيكو انتو اخذو اللي يريحكم ولا تنسون كريم مرطب حق الصدر انا استخدم كريم اسمه بيبانثين اخذه من الصيدليه وفي كريم يبيعونه بسنتر بوينت لنفس الغرض


_ 3 شلحات على الاقل اللي ايون من غير ستيان انا اخذ خام الستان اخر نفاس خذيتهم من سوق الجميع وهذول البسهم تحت قمصان النوم ملوت النفاس لان اغلبهم يشفون


_ اندر وير قطن انا اخذهم سوري قطن 100% واخذ مقاس ضيج عشان يشد ويريح على الاقل تحتاجين 2 و شورت قطن وضيج عشان الفوط الصحيه ما تتحرك يمين وشمال هم 2 ولا تنسون صراوبل داخليه على الاقل 6 -7 وراح تحتاجون دلاغات عشان ادفون ريولكم ولا تقولون صيف وحر لان نفاس لازم وحده ادير بالها من الهوا عشان ما يدخل بالعظام وبالجسم


_ راح تحتاجون 1-2 ملفع حق المستشفى في ناس ما تلبس ملفع بس طبعا عشان ساعات الدكتور يمر الصبح او رياييل من اهلكم وهم حق طلعتج من المستشفى ولا تنسون بنات عبايه حق طلعتج من المستشفى وامطة واللي متنقبات لا تنسون اتحطون نقاب بالجنطه وراعو ان يكون الملفع مو من النوع اللي بسرعه يتعفس


_ والقائمة هذي حق جنطة المستشفى ضروريه

( فوطه ويفضل انها تكون غامجه وحده حق السباحه ووحده حق الويه صغيره في ناس ما تتسبح بس انا اغسل جسمي عقب الولاده بالفوطه من غير ما اخذ دوش - فوط صحيه -شامبو - صابون ايد - كريم مرطب - زبده كاكاو - معجون اسناس - فرشاة اسنان - مشط - شبابيص - مشابك للشعر - قوطي كلينكس - نعال حق الحمام عزكم الله - مناديل ديتول المعقمة - جياس فاظيه حق الهدوم الوسخه - نوته تسجلين فيها رقم الغرفه ومن هالسوالف حق البوم البيبي -قلم - مكياج خفيف حق اللي اتحب اتحط - فلوس خرده بونص وبو دينار احتياط - شاحن تلفون - كاميرا )


_ لعبه ايحبها البيبي اللي قبل اتحطينها في جنطة الولاده وتقولينله انها من اخوه


_ طقم كفر حق المستشفى


بنات يا ريت اذا انا ناسيه شي اتذكروني واتمنالكم ولاده سهله واتمنى الله يرزقكم الذريه الصالحه

اختى الفرحه السجينه الله يسهل عليج انشا الله

اول شي القطن راح تحتاجينه بالاربعين لان الحليب يكون كميته اكثر من حاجه الياهل وبعدين يكون صدرج مو متحكم بالكميه وبالفتره يعني عقب ما تطلعين من الاربعين انشا الله واترضغين اذا تعطين الياهل رصعه بتايم معين فتشوفين صدرج بروحه يدر حليب واذا قاعده اترضعينه من صدر اتشوفين الصدر الثاني بروحه يدر حليب ويدمرج فانتي اتحطين القطن عشان ما تدمرين انا اعطيج مثال يعني مثلا وحده اترضع البيبي الساعه سبع وعقبها اترضعه الساعه تسع وبعدين عشر وتعود على هالفترات المحدده واذا صار باجر وطوفتي رضعه اتشوفين الصدر بروحه يدر حليب وطبعا هالحجي مو بالاربعين لان البيبي ماله وقت معين بالرضاعه فاذا اترضعين راح اتشوفين الحليب يدر بكل فتره وهم اذا صادف وطلعتي واتذكرتي البيبي راح يدر حليب ترا هالشي ما يصير بكل الناس بس انا يوم كنت ارضع عيالي يصير معاي


والكريم هذا اتحطينه على صدرج اهو مرطب عشان التشققات اللي اتصير بالحلمه وترا ضروري حق البجر لان الحلمه تكون مو متهيئه حق الرضاعه وترا عادي اتحطينه واترضعين البيبي في انواع منه ما اتضر البيبي بس انتي اذا حطيتيه مسحي بفوطه فيها ماي دافي وفي ماركة تشيكو مناديل خاصه حق تعقيم الصدر

وستيانات الرضاعه تلقينهم بكل مكان بس انا جربت اللي بمذر كير احسن شي وارتحت عليهم

بالنسبه للفوط انا استخدم الويز مع اني ادري انهم حارين وايبون الحساسيه بس احسه الوحيد اللي ما يدمر واهو حار لانه نايلون بس استخدمه اول الايام بعدين استخدم فام لان قطن وانا ما يسويلي حساسيه

والمميات بو جيس انا ما عندي فكره عنهم قريت عنهم بالمنتدى بس ما احس انهم عمليين انا استخدم بيجون

 

[nonia]

بنات سوري على هالسؤال بس انا من امس واحس بضغط من تحت اتهقون عادي والا اراجع الدكتوره ؟؟؟؟

 

[آخر حبيبة]

مرحبا بناااااات....
والله سوالفكم تونس ما ينمل منها.....
انا ولادتي 31/8 منو معاي؟؟؟
جهزت كل شي خلصت من أغراض البيبي بس باقي الأشياء البسيطة إلي أشتريها آخر شي وشريتلي قمصان نوم حق البيت والمستشفى بس أنا الحين محتارة بسوي أستقبال بالمستشفى بس أخاف الكل مسافر وما يسوى كل اللوية والتعب اشرايكم؟؟؟؟؟
وقاعدة أفكر شنو أوزع لما أولد كاكاو وفناتق والي عندها فكرة حلوة تقولي عفية وخل نسمع شنو بتسوون انتوا يا حلوين....

 

[Cute Kitty]

هلا هبه
انا ولادتي بعد بشهر ثمانيه ان شاء الله
والله نفسج بالاول فكرت اسوي استقبال بالمستشفى بس الحين هونت لانه شفت انه الكل بيكونون مسافرين فماله داعي انتي سئلي وتأكدي اذا موجودين سوي اذا نفس حالتي اكثرهم مسافرين ما تسوى اللويه

 

[فروتى]

هلالا بنوتات وحشتونى وايددددددددددددد ما شاء الله العدد زاد انا كنت وياكم بالتجمع الاول والحين بنضم مرة ثانيه لديوانيه رينبو وشمس وقمر شخباركم ياحلوات وشخبار الببيهات انا شاء الله تكونوا بخيررر فات الكثيررررر وما بقى الا القليل دخلنا بالجد الله يسهل للجميع تتوقعون الوقت الولاده اللى يحدده السونار مضبوط ولا لا؟

 

[rainbow_brite]

هاي بنوتات:eh_s(8):



وهاي كروشات :eh_s(8):


وهاي دبدوبات اللي يعجبكم :eh_s(8):



انا انشغلت هاليومين اللي طافو




اختي الصغيرونه ولااتصدقون انها اصغيرونه برابعه ثانوي وحفلة تخرجها يوم الاربعا اللي طافت اكسرت خاطري خواتي اللي اكبر منها بالجامعه وامتحانات وما عندهم وقت يودونها


عاد وديتها الفنار وشرت تكرمون جوتي من ناين ويست عاد انا من شفت الصنادل والجواتي ودي اشتريهم كلهم تشوقت عالكعوبه العاليه وانا حامل كله واطي


ورحت خذيتها شيله وطلعنا مرينا على محل كاكاو وشرينه الكاكاو حق التخرج والله من الفراره بالليل بس نومت اليهال وعلطول نمت حتى ما شبكت والله اكسرت خاطري بغتني اروح لها الحفله بس ما قدرت والله ثقيله ما لي خلق


ويومها صج الصبح رحت موعدي ريلي حن على وقالي بطلع من الدوام وبمرج اوديج والا لو علي انا جان ما رحت صايره مالي خلق ريلي يقول شخبار الياهل ما ندري عنه شي حمالي بالبجر كل يومين السوي سونار خخخخخخ وحمالي بولدي الثاني كنت ما اطوف ولاموعد وكنت اخذ مثبتات وكان حاله خاصه متابعيني عدل :eh_s(15): لاني قبلها طرحت هالمره ما ادري شفيني صايره مالي خلق اخر مره رحت بالشهر الخامس او اخر الرابع



المهم الدكتوره سوتلي سونار والحمد الله كل شي زين وطبعا اكدتلي انه ولد مع ان سونار عادي بنات بس اتصدقون يبين واضح عاد واهي تسوي سونار والا ريلي يضحك يقول ان الياهل خشمة كبير مثل ولدي الكبير خلودي مت من الضحك ويقولي هذا الياهل نسخة خلودي بعد عمري والله اسم الله عليه


بنات بس اتصدقون وزني وايد زاد



طبعا عطيت الدكتورة التحليل اللي كنت مسويته بالمواساة وطلع فيني فطريات وعطتني كريم وتحاميل


وسلامتكم هذا كل شي :eh_s(8):

 

[rainbow_brite]

هلالا بنوتات وحشتونى وايددددددددددددد ما شاء الله العدد زاد انا كنت وياكم بالتجمع الاول والحين بنضم مرة ثانيه لديوانيه رينبو وشمس وقمر شخباركم ياحلوات وشخبار الببيهات انا شاء الله تكونوا بخيررر فات الكثيررررر وما بقى الا القليل دخلنا بالجد الله يسهل للجميع تتوقعون الوقت الولاده اللى يحدده السونار مضبوط ولا لا؟

هلا والله فروتي


عاش من شافج



:eh_s(9): :eh_s(9): :eh_s(9):



نورتي التجمع وشالدنيى فيج غطيتي عنا وبصراحه انتي اللي وحشتينا وحياج الله بالتجمع اليديد


انشا الله متى ادشين شهرج

 

[مي الحلوة]

شلونكم بنات...:eh_s(8): :eh_s(8):
انا صارلي كم يوم بالشهر التاسع..وبصراحة تعبانه تعب مو طبيعي..
يجينى عوار ويمسك بطنى ويروح وانا ما ادري هذا العوار طلوق ولا لا
لان انا بولاداتي كله ينزل معاي ماي ولما ادخل المستشفى اهم يعطوني طلق صناعي...حاسه بتعب مو طبيعي غير النفسيه الزفت...
طيب حبيت استفسر عادي اسوى سونار يبين اذا في انفباضات وطلوق
بالرحم..ولا لازم فحص داخلي..:eh_s(22): :eh_s(22):

 

[فروتى]

هلا والله فروتي


عاش من شافج



:eh_s(9): :eh_s(9): :eh_s(9):



نورتي التجمع وشالدنيى فيج غطيتي عنا وبصراحه انتي اللي وحشتينا وحياج الله بالتجمع اليديد


انشا الله متى ادشين شهرج

هلا بالغاليه عقب 3 ايام بدش شهرى ان شاء الله مبرررررروك لتخرج اختج والله فرصه انج روحتى وياها السوق وشفتى شنو اليديد بالسوق انا بعد احب الكعب العال حيلللللللل ولهت عليه

الحمد لله انج اطمانيتى على البيبى صج يبان بالسونار العادى رفيجتى تقول جذى بعد بس انا ماللحظ شى ودايما مغطى نفسه بايده ماادرى مستحى من منو منى ولا من الطبيبه لوووووووووووووووووول
ان شاء الله مافيج الا العافيه يقلبى انت خذى التحاميل والكريم وان شاء الله خير يا عمرى

بخصوص الوزن حتى انا صرت دبدوبه بس عندى امل ارد مثل الاول عقب الولاده ان شاء الله

المهم سلاماتنا:eh_s(17): :eh_s(9):

 

[rainbow_brite]

بنت النوخذة صاجة والله الوقت يمشى السابع مر علي بسرعه الله يعينا على الثامن والتاسع الله يسهلهم علينا
وكلولولولوش عاللقب اليديد عقبال الذهبي


:eh_s(17):



نونيا حياج الله بديوانيتنا وبالنسبه للجنطة مو تو الناس زهبيها وافتكي انا شارية كل شي بس بصراحة مالي خلق احطهم بالجنطة ومتكيسله والشي اللي مخليني اتحبط الاغراض اللي بوديهم بيت امي لان نفاسي راح يكون عند امي الله يعين ما ادري شنو اودي وشنو اخلي حق اليهال



:eh_s(17):



ام آلاء والله ما الحق عالبارد وكلة احس عطشانه ومن كثر ما اكل برد وعصاير بارده صار فيني احتقان واذا البيبي ما تحرك شربي عصير برتقال طبيعي يقولون يحرك الياهل او اكلي بصل خخخخخ بس ما انصحج بالاخيره هاهاها


:eh_s(17):




جاكليت مشكوره على صور البيبيات اللي اتشوق وعالبرد بعد وسلامتج من الكحة


:eh_s(17):

الفرحة السجينة الله يسهل عليج ومشكورة على لستة المحلات اللي مسوية تنزيلات


:eh_s(17):





اوشال هذا البيبي اللي انتي حاطة صورتة بالاسبوع الثلاثين يعني تقريبا مثلنا الحين يكسر الخاطر يعني مو بس احنا تعبانين بالحمال والثقل حتى الياهل متفقص وعلية



:eh_s(17):




هبة حياج الله معانا وانشا الله البنات يفيدونج انا ولا مرة سويت استقبال بمستشفى


:eh_s(17):




نونيا اذا قصدج العوار من تحت مثل الطقة وجنة الياهل بيطلع ترا شي طبيعي بالشهر السابع انا كل حملاتي جذيه بس كل مره احس بنفس الخرعه لانها تكون فجاة


:eh_s(17):



مي الحلوة الله يسهل عليج وتولدين بالسلامة انشا الله شوفي اذا العوار مو منتظم ما اعتقد طلق ترا انا نفسج كلة ينزل على الماي ويعطوني طلق صناعي واتوقع اذا تبين تتاكدين اذا اهو طلق يبين بالتخطيط مو السونار

:eh_s(17):

 

[rainbow_brite]

هلا بالغاليه عقب 3 ايام بدش شهرى ان شاء الله مبرررررروك لتخرج اختج والله فرصه انج روحتى وياها السوق وشفتى شنو اليديد بالسوق انا بعد احب الكعب العال حيلللللللل ولهت عليه

الحمد لله انج اطمانيتى على البيبى صج يبان بالسونار العادى رفيجتى تقول جذى بعد بس انا ماللحظ شى ودايما مغطى نفسه بايده ماادرى مستحى من منو منى ولا من الطبيبه لوووووووووووووووووول
ان شاء الله مافيج الا العافيه يقلبى انت خذى التحاميل والكريم وان شاء الله خير يا عمرى

بخصوص الوزن حتى انا صرت دبدوبه بس عندى امل ارد مثل الاول عقب الولاده ان شاء الله

المهم سلاماتنا:eh_s(17): :eh_s(9):

الله يبارك فيج وانشا الله ادشين شهرج ويسهل عليج وانشا الله بعد الولاده لاحقين عالريجيم

 

[rainbow_brite]

بنات حبيت اقولكم انا كنت رايحة الرحاب بشتري ابجورة عاد في محل يبيع كفرات بالدور الارضي يم اللي يبيع الذرة قلت خل امر اشوف مع ان عندي كفر بس الشوفه ابلاش عاد عنده والله كفرات خاصة حق المستشفى مقاسهم يناسب سرير مقاسة 120 والوانهم بيج واوف وايت وذهبي وسعرة تقريبا 40 دينار وداخلة 10 قطع الكفر والشرشف والكشكش وكوشية ومخدتين ومفرش حق الطاولة اللي يمج وتلبيس كلنكس وتكرمون نعال واللي اتحب اتشوف تروح الرحاب رقم المحل 36 واعتقد اسمة كلاس ما ني متاكدة

 

[makeup story]

قوة بطات شلونكم شخباركم
يالله فات الكثير مابقى الا القليل الله يسهل علينا كلنااا
وانا للحين ماخلصت اغراض البيبي ولا اغراضي مالي خلق اروح السووق


مي الحلوة : يبين اذا طلق او لا بالتخطيط مال البيبي احسن شي

 

[nonia]

رينبو حبيبتي والله محد رد على غيرج انتي معاي بالضبط بس احس بشي جنه بيطلع من تحت جنه ضغط وماكو نوم كلش واحس بتعب امس واليوم فجأه بس حدي مخترعه مادري ليش

 

[nonia]

بنات حبيت اقولكم انا كنت رايحة الرحاب بشتري ابجورة عاد في محل يبيع كفرات بالدور الارضي يم اللي يبيع الذرة قلت خل امر اشوف مع ان عندي كفر بس الشوفه ابلاش عاد عنده والله كفرات خاصة حق المستشفى مقاسهم يناسب سرير مقاسة 120 والوانهم بيج واوف وايت وذهبي وسعرة تقريبا 40 دينار وداخلة 10 قطع الكفر والشرشف والكشكش وكوشية ومخدتين ومفرش حق الطاولة اللي يمج وتلبيس كلنكس وتكرمون نعال واللي اتحب اتشوف تروح الرحاب رقم المحل 36 واعتقد اسمة كلاس ما ني متاكدة

حلفي ابيه سعره اينن بس للأسف عندي كفر وقاطه عليه شئ وشويات . اتصدقين لأن احنا دايما نستعيل لو انتركد شوي

 

[donat]

بنات حبيت اقولكم انا كنت رايحة الرحاب بشتري ابجورة عاد في محل يبيع كفرات بالدور الارضي يم اللي يبيع الذرة قلت خل امر اشوف مع ان عندي كفر بس الشوفه ابلاش عاد عنده والله كفرات خاصة حق المستشفى مقاسهم يناسب سرير مقاسة 120 والوانهم بيج واوف وايت وذهبي وسعرة تقريبا 40 دينار وداخلة 10 قطع الكفر والشرشف والكشكش وكوشية ومخدتين ومفرش حق الطاولة اللي يمج وتلبيس كلنكس وتكرمون نعال واللي اتحب اتشوف تروح الرحاب رقم المحل 36 واعتقد اسمة كلاس ما ني متاكدة

بروح اشتريه وناسة يصلح لي لاني ما راح اسوي استقبال بالمستشفى

 

[الفرحه السجينه]

السلام عليكم


شلونكم شخباركم :eh_s(9):


بنات عندي لكم خبر حلووووووووو



أنـــــــــــــــــــــــار مسوي تنزيلات لحقوا عليه والله خوش تنزيلات ولحد آخر الشهر يعني اقل من اسبوع وينتهي بس انتوا عارفين شغله شلون حلوووو وعنده اكياس وسراير وجناط زووووغه واطقم .... اليوم مريت عليه بس حسافه ما كنت عامله حسابي يمكن هاليومين برجع له



وبيبي لووووف مسوي 50% خصم هم حلو وتلقطون منه شكثر شغلات





حتى خان الخليلي مسوي خصومات وعنده شغلات للنفاس من ملابس وفيه قسم للمواليد بس ما دشيته



مذركير قالولي تنزيلاتهم بتصير بشهر 8




السوق كله خصوووومات يعني انصحكم تشترون من الحين وتستغلون الفرصه

 

[الفرحه السجينه]

اي صج بنات انا صارلي يوم منتفخه رجولي حيللل تخرع وما اقدر امشي واجد واحس بتعب ..وانا صارلي تقريبا اسوبع اتعب لا مشيت وعلى طول اقعد وامس امي واختي يقولون اشفيهم رجولج منتفخين انتي مو حاسه ... طلع صج وانا مو منتبهه اثاري هالتعب كله من نفخة الرجول الظاهر صارلها اسبوع تنتفخ شوي شوي


امي تقول هذا زلال .... زين اهو من شنو ؟ لا يكون سكر ؟؟


عاد صايره ما امشي الا وبطل الماي معاي وعزكم الله كله اروح الحمام

باجر ان شاءالله موعدي وبقول للدكتورة بس هم بسألكم عن الزلال شنو سببه ومنو صار معاها