ديوانية سوالف حريم اللي فوق الثلاثين حياكم الله ..........

[*سكون*]

بنت العاشره .. ممكن توضحين شنو علاقتج بهالانسانه ؟

 

[همسات ليالي]

هلا ام عفاااااااااااف وينج عقب ذيج السخونه

طمنينا عليج

 

[! بنت العاشره !]

علاقتي فيها لي معاها 9 سنين من تزوجت فهمتي منو

لغز صار ههههههههههههههههههه

الذكيه تعرف

 

[اثمان]

علاقتي فيها لي معاها 9 سنين من تزوجت فهمتي منو

لغز صار ههههههههههههههههههه

الذكيه تعرف

اخت زوجج

 

[همسات ليالي]

اذا في شخص كان بينك وبينه عشره وذكريات حلوه

ومع الايام تحول هالشخص شئ موطبيعي او يمكن هو كان كذا بس انا ما لاحظت

المهم يغر منج فوق الخيال ويراقبج بكل شئ اتوقع لدرجه بالليل ما ينام يفكر فيج جاه القولون بسبتي وتقليد اعمى ينتقد وبعد فتره القاها مقلدتني

اختي قالت لي ليش تحترين استانسي في احد شايل همج
ههههههههههههههههههههههه

وصرت استانس وعادي بس زاد صار الشئ

قلبه اسود مثل الفحم يعني اتكلم بصفا نيه تلقينها كانها بحرب ترد بقوه وتهاجم واعوذ بالله

ليش كذا ما ادري شلون تبي ربي يوفقها وهي بهالطريقه

وانا اطوف حتى اختها اللي اكبر منها عادي صج في غيره حريم العاديه تصير بكل بيت

بس قلوبنا صافيه انا عن نفسي واتوقع اهي بعد لكن الاولى ما ادري ليش

الحين تعبت ابي راحه نفسيه اقعد مافي حقد مافي خطط مافي نوايا
احب الفرفشه احب لما اقعد اخذ راحتي بمعنى الكل يعاملني مثل ما اعامله

بس مافي فايده تفكيرها ما يتغير


شتنصوحني اكمل طاف انا هذي سياستي منغلقه على نفسي بسبتها

بس احس زوجي مو سعيد

احسن شي تصير علاقتج معاها رسميه مادام راح تجي من وراها مشاكل

وانا اعتقد انها تصير لج حيل علشان جذي ما تقدرين تقاطعينها

 

[اثمان]

وهم اقولج خليج طبيعيه و هى مصيرها ترد و تكون طبيعيه معاج

 

[همسات ليالي]

انا توقعت جذي

من قلتي زوجي قام يزعل عرفت انها من اهل الزوج

بس للامانه

توقعت مرت حماج

 

[*سكون*]

خلي العلاقه بحدود .. عامليها بالزين وانسي ولا تنطرين شي منها .. ما تقدرين تقطعينها لأنها عمة عيالج .. ولا تواصلينها بزووووود اللي يخليها تدش بكل صغيره وكبيره بحياتج .. والله يهديكم وتمشي حياتكم بهدوء

 

[! بنت العاشره !]

مو هذي المشكله ما اعرف انا يا ابيض يا اسود

بس قاعده اشتغل اكون ايزي هههههههههههه مكينه بضبطها


ومرات اقول اهم شئ زوجي راضي علي اهم شئ

بس امي كلا تنتقدني ليش انتي مقاطعه وهالشكل

بس انا حسيت طريقتي مريحتني اني اكون سطحيه وفقط بالمناسبات احسن شئ شرايكم انتو
مو احسن

 

[ام عفاف الكويت]

هلا والله بخير الله يسلمكم

دشيت المستشفى الجمعه اللى طاف ورخصوني الاثنبن الساعه 12الظهر

حرارتي وصلت 40 وعطوني دربات ومغذيات لانه حاشني جفاف

ساعه يقولون حراره ساعه يقوولون ماكو ماي حول المشيمه وساعه يقولون نزله معويه اخر شي الحمدلله نزلت جرارتي صارت 36,9 :cxxxp:

 

[*سكون*]

خير الأمور الوسط

 

[*سكون*]

سلامات أم عفاف وما تشوفين شر .. وديري بالج على نفسج

 

[! بنت العاشره !]

خلي العلاقه بحدود .. عامليها بالزين وانسي ولا تنطرين شي منها .. ما تقدرين تقطعينها لأنها عمة عيالج .. ولا تواصلينها بزووووود اللي يخليها تدش بكل صغيره وكبيره بحياتج .. والله يهديكم وتمشي حياتكم بهدوء

مو اللي ذابحني للامانه انها تحب عيالي مع تفرقه بسيطه تصير بكل بيت مع عيال الاخت شئ طبيعي

وانا هالشكل الحين ماعاملها بما يرضي الله وادافع عنها بعد بدون لاتدري

اهم شئ رضى الرب علي ولا اتوقع منها شئ

يعني يعني اسوي خير واقطه بحر:tek:

 

[ام عفاف الكويت]

الشر مايلج قلبي شلون الغالي ؟ عساه احسن ورديتوا او بعد :tek:

 

[همسات ليالي]

ما تشوفين شر ام عفاف

وبنت العاشره

اهم شي ريلج وخالتج ام ريلج وخواته اذا زينين على راسي اشيلهم واذا لأ

ادخل بيتهم وسلام وعليكم السلام واطلع بس

واهم شي اهم شي لا تقصرين في شي من ناحيه موجب والا مناسبه معينه

 

[اثمان]

اجر و عافيه
ام عفاف

 

[*سكون*]

بنت العاشره .. ساعات الشيطان يحط أشياء ببالج انها ممكن تكون جذي وبالنهايه تلقينها أوهام بمخج وبس

بما ان علاقتكم طيبة لا انتي بحاجتها ولا اهي بحاجتج .. يعني الكلمة الطيبة تسوا الدنيا واللي فيها

لما تفكرين بينج وبين نفسج تلقين الدنيا ما تسوا نسوي ببعض جذي

 

[*سكون*]

أم عفاف الحمدلله بخير .. تسلمين حبيبتي

وان شا الله اذا كل الأمور زينه بنرد نهاية الأسبوع باذن الله

 

[! بنت العاشره !]

المهم يلا طاااااااااااااااااااااااف


الله يوفق الجميع ان شاء الله


ويصلح الامور اللهم امين

 

[*سكون*]

اللهم آمين