ديوانية سوالف حريم اللي فوق الثلاثين حياكم الله ..........

[ضحى الكويت]

اي صافيه عليج بالعافيه

انا ابد هالاسبوع والله كلللللش ماطلعت من بيتي مو نازله توني وكل يوم عندي ناس يا من اهلنا يا رفيجاتي او الجيران تعرفين يهنون ويقهوون طبوع البدو

ناويه اودي عيالي السينما وانا ابي فره بالسوق بس مو اليوم ولا باجر لانه زواره اهلي يمكن السبت اوديهم وعقبه اروح السوق

الله يعافيج يا قلبى والله يعينج بس وناسه انا احب الناس تيينا بس انا ما احب اروحلهم هذا طبعى وبينى وبينج اذا يوج تفتكين من الطلعه والمصروف وناسه وانتى بيتج


على فكره هوى ترا انا ما احب اطلع وايد من البيت بس لو ما اعيالى وامى والله ما اطلع احب الهدوء اليوم بروح ستى سنتر بشترى كفرات للشاليه وبروح الشاليه باجر واقعد في وما راح ارجع البيت


تدرين لمن اروح الشاليه شنو هدوء واعيالى كله يلعبون وله يتسبحون وله يلعبون بالتراب وله بالبقيات وبليل دى فى دى يشتغل ومرتاحه وشاريتلهم 5 كراتين برد بس وناسه لى انا بالنسبه لليهال كلش ما احس فيهم كله لاهين عنى

 

[همسات ليالي]

الله يهنيكم صافيه زين سويتي احسن من الزحمه اللي بكل مكااااااااااان

 

[هوى الدار]

صافيه انتي عيالج بعد كبار ماشالله يعني يلتهون بالالعاب وماكو صياح الا كان بوس بوس بس والله مبين عليه هادي الله يخليه لح

انا عيالي اكبر واحد فيهم 7 سنين ولعبهم حلو بس مرات يقلب مصارعه ومطارح هههههههههه الله يهديهم ويخليهم

وان شاءالله تخلصين تجهيزج بسرعه وترتاحين

انا لما كنت بنزل شقتي هذى فريت فر بالسوق والله من التعب كنت اخذ اول شي يعجبني مالي خلق فراره والحمدلله توفقت

 

[هوى الدار]

هموس شلونج

انا بعد صافيه احب الناس تجيني لبيتي مو انا اروح

مرات كتغيير احب اروح بعد الاغلبيه ابيهم يجوني بيتي

هموس سؤال ماله علاقه
من وين تشترين لبناتج حق العيد ؟ وانتي صافيه بعد السؤال موجه لج

 

[ضحى الكويت]

الله يهنيكم صافيه زين سويتي احسن من الزحمه اللي بكل مكااااااااااان

الله يسلمج يا قلبى اى والله اقولج انا اتضايق لمن اروح اى مكان زحمه واشكال ما ودج اطالعينه استغفر الله واتوب اليه ، بس اقعد عشر تيام وله اسبوع وارجع لمن ابى ارجع علشان البيت لازم ارد له ما يرضون ولمن ما ابى ارد يحنون برجعون لمن اقولهم يالله البيت يقولون لا يما خلينا قاعدين صدقين اثاريهم يجذبون على وانا مصدقه تونى افهم السالفه يا حظى


وانتى امس رحتى الجاخور قريت مشاركتج وناسه والله العرزاله اللى يمنا بالشاليه عندهم عرزاله بس احنا لا بلكونات وشكل الحلو وايد حلو اللى سويتيه بالتوست بس ان شاء الله بسويه بس مالى خلق احوس بالمطبخ

 

[ضحى الكويت]

صافيه انتي عيالج بعد كبار ماشالله يعني يلتهون بالالعاب وماكو صياح الا كان بوس بوس بس والله مبين عليه هادي الله يخليه لح

انا عيالي اكبر واحد فيهم 7 سنين ولعبهم حلو بس مرات يقلب مصارعه ومطارح هههههههههه الله يهديهم ويخليهم

وان شاءالله تخلصين تجهيزج بسرعه وترتاحين

انا لما كنت بنزل شقتي هذى فريت فر بالسوق والله من التعب كنت اخذ اول شي يعجبني مالي خلق فراره والحمدلله توفقت

الله يخليهم لج ياربوتشوفين اعيال اعيالهم بالصحه والعافيه انا مخلصه بالشاليه بس تشطيبات اثاث خلصت سويت غنفات تهبل راقيه حق ممر الشاليه وحق صاله البحر وشريت تلفزيونات بلازماا وامس رحت شريت زل وطاولات واليوم الكفرات واشوى اشوى مالى خلق بس كل شى موجود وخالص بس اشياء انا ابيه اضافيه ما احب الابره تنقصنى كلشى ابيه مثل البيت تخيلى شريت ملابس وبجامات بس للشاليه حق اعيالى ما احب الشقله ابيهم ثابتين هناك بكبتاتهم

 

[همسات ليالي]

هلا هوى

والله ودي اشترى للعيد واخلص

حماتي راحت مجمع مريم تقول مسوين تنزيلات خذت حق بناته بس للامانه ما شفتهم

السنه اللي طافت والله خيطت لهم كلهم نفس الشي

صافيه

امس لما رحنا الجاخور والله وناسه بس ما ننام

وسوي هالحلووووووووو على ضمانتي يهبل وخفيف خاصه لي صااااااااااار بارد

وانا اسويه لما اشوف تاريخ التوست راح يخلص وعندي كريم كرامل من رمضان

سهل وبسيييييييييييييييييط

 

[ضحى الكويت]

هوى الدار


بنتى السنه اليايه تروح 3 ابتدائى واسمله عليها اللى يشوفها يعطيها اكبر طويله ومتروسه اشوى اشتريلها من مجمع العثمان فى محل اهناك اسمه مو ذاكرته بصراحه بس بدلاتهم مميزه وغاليه حلوه يعنى الان ماعندى الا هالبنت بس

 

[هوى الدار]

هموس وين خيطتيلهم ؟

صافيه احسن لج بدل شيل الجناط رايحين رادين زين تسوبن

 

[هوى الدار]

صافيه حتى انا ماعندي غيرها بنت وحده الله يخليها ويصلحها علشان جذى اسأل وصدقيني ماهمنى الفلوس عليها اهي اقط

 

[ضحى الكويت]

همسات


اى قريت مشاركتج الله يونسكم بالعافيه واليهال يغيرون بعد حرام وانتى ترتاحين بعد غير لمن تطلعين معاهم مجمعات بصيرون كله معاج وحنه ولويا غير سبحان الله


برجع للصفحه اللى قلتى فيها الطريقه وانا بقرا وبسوى وان شاء الله اضبطها وافهم لها الان ما تمعنت وتخيلتها اشلون انتى تسوينها عاد هناك بالشاليه محتاجين عندنا نيباليه شاذيه كل شى تعرف اخليها تشوفنى بس مره وبعدين اشغلها عليه اهيا اللى تسويلنا

 

[همسات ليالي]

عند وحده في بيان خياطها حلوووووو صاير قميص طويل بف وتحته ليجنز وجاكيت قصير وعلى الخصر حزام وسلاسل

مع الشباصات والربطه على الرقبه بس مشكلته انه رسمي حيل يعني جنه نفنوف استقبال واسم الله عليهم الكبيرة احمر والثانيه تركواز والثالثة وردي

صافيه انا بنتي الكبيرة مترووووووسه والثانيه هيكل

شسوي

والله احترت فيهم

 

[هوى الدار]

همسات عطيني رقم الخياط او عنوانه

 

[همسات ليالي]

اخليكم بودي عيالي النادي واشوووووووووفكم بالليل

 

[ضحى الكويت]

همسات


ربى يخليهم لج يارب اى تحتارين اذا بتورين حق بنتج المتروسه فخيطى انتى احسنلج انا هالسنه بنتى صارت بطه الله يعينى ما ادرى راح القالها بالعثمان وله لا شغلهم حلو ويعجبنى


انزين خمسات عطينا رقم المره اللى تخيط للعيد وتمدحين اخياطها وبجم والخامه منها وله منج انتى والمدين موجود عندها وله بعد انتى اللى تيبينه لها فصلى لنا الحجى ما احب الموجز


هوى الدار وينج لاتسكتين

 

[ضحى الكويت]

همسات

الله معاج والقلب داعيلج وديرى بالج من الطريج


هوى الدار


بعد سولفيلى


قاعده اكلمج واكل برد ماكدونالد

 

[همسات ليالي]

الرقم اطرش لكم على الخاص

واهي كل شي منها الخام والموديل بناتي كانت خامتهم شانتون واللجنز والجاكيت جنه زري مكتت حلوووو

وبيتهم بيان صوب القسايم الدوار اللي عليه شكل تمثال الحمامه هذا بيتهم

 

[ضحى الكويت]

همسات



مشكوره يا قلبى وربى يوفقج ان شاء الله ولا طولين علينا دشى بسرعه اول ما ترجعين للبيت

 

[هوى الدار]

ناطرتج هموس على الخاص لا تنسين

 

[همسات ليالي]

وصل الرقم

اشووووووووووووووفكم بالليل