ديوانية سوالف حريم اللي فوق الثلاثين حياكم الله ..........

[همسات ليالي]

بجرب هالحلو هووووووووووووى

 

[هوى الدار]

شكله لذيذ هموس

 

[هوى الدار]

جربيه هموس شحلاته والله

 

[هوى الدار]

هموس طبقه الكاكاو الثانيه نطري ليما تبرد شوي بالثلاجه تالي حطي الكريمه البيضا

 

[همسات ليالي]

ان شاء الله باجر يمعه خواتي بس

المشكله

نادي عيالي

 

[هوى الدار]

وشنو المشكله بنادي عيالج؟؟

صج هموس انتي وين مشركتهم ؟؟

 

[همسات ليالي]

المشكله ان ان اقعد الظهر وعلى الاربع اوديهم النادي ومن هنااااك اروح لاهلي

وناديهم نادي اليرموك سباحه

وثلاث مرات بالاسبوع

 

[هوى الدار]

بجم ووين واي ساعه؟

 

[همسات ليالي]

انتي عيالج ما شركتيهم بنادي

 

[هوى الدار]

سجلتهم بالقاعده الشاميه نفس الحلبيه

 

[همسات ليالي]

الاحد والثلاثاء والخميس

وفي بعد العكس السبت والاثنين والاربعاء

واهوا سعره 25

بس مع خصم الجمعية15

ساعه كل مره

بس انا ادخل ولدي الساعه 5 والبنات الساعه6

لمده شهر

 

[همسات ليالي]

حماتي نا امدحت القاعده الحلبية

تقول تنفع للشاطر مو المتوسط او الضعيف

انا عيالي اولى وثانيه عند حمزة الخياط

 

[هوى الدار]

الي بمشرف ؟

 

[طال السكوت]

مشكورين ع الديوانيه الحلوه

 

[هوى الدار]

حمزه الخياط زين ؟ ووين مكانه ؟ وبجم؟

 

[همسات ليالي]

اي اللي بمشرف

اهلا متعبه عسافها

 

[هوى الدار]

متعبه عسافها عيونج الحلوه وحياج الله

 

[همسات ليالي]

شوفي انا جربته مع بناتي الثنتين قبل6 سنين ومشى معاهم باولى وثانيه ابتدائي

وجربته السنه اللي طافت مع ولدي مو شي

قلب تجاري حيل

وما شركته هالسنه معاه

واهو كان ب100 وارتفع الي125

ولمده شهرين ومو اي احد تقبله يعني يعطيج اوراق ومذكرات قبل الدوره بشهرين

ومشكلته انج تحجزين هالسنه حق السنه اليايه

 

[أم بدير]

سهل والله ام بدير مايحتاج الاعشر دقايق <<اذا انت سريعه>>

اخذي الجدر وصبي فيه لتر حليب بارد مع 2كريم كرامل وثلاث استكانات شكر وخليه يغلي

تالي اخذي جيس التوست وقطعي الاطراف البنيه وعلى ما يخلص الكريم الكرامل

عقب

اخذي صحن الباريكس وصبي شويه من الكريم كرامل وصففي التوست وحطي فوقهم البسكويت مال المطاحن وصبي عليه الكريم الكرامل

وبعدين طبقه ثانيه توست وصبي فوقها الكريم كرامل

وحطيه بالثلاجه جم دقيقه واخرررررررررررر خطوة اخذي قيمر وحطيه كطبقه ثالثة

صدقيييييييييييييييييني محد راح يعرف ان هذا توست كلهم راح يقولون كيك ابيض

وبالعافيه مقدما

والله شكله حلو
بس الطبقه الاخيره قيمر بروحه؟
مو جنه القيمر بروحه مو حلو؟
أي نوع قيمر تحطين؟

 

[هوى الدار]

وي هموس شهالعباله

انا عيالي الحمدلله اشوفهم يستفيدون وزينين