ديوانية سوالف حريم اللي فوق الثلاثين حياكم الله ..........

[هوى الدار]

احب ترابها شسوى ودي افتك تعبت غير الثقل بسرعه اتعب من المشى وكله حرانه ودي اخلص شغلي وشغل عيالي للعيد من الحين
بس البلشه اغراض المدارس ليما الحين ماشريت شي لالي و لا لعيالي

 

[ام الفوز]

السلام عليكم بنات شلونكم

توني راده من السوق شريت كم شغله لعيالي للعيد
رحت سينيه بالسالميه وناسه بنات تشترين بدله تاخذين ثانيه مجانا شريت ثلاث بدل صبيان لعيالي ثلاث قطع كشخه وبدله بنوته للغاليه كل هذا لاني اخذ وحده والثانيه مجانا بسعر بدلتين وشريتلي طقم حوامل لي وطلعت قاطه اقل من عشرين دينار

وعليكم السلام هلا وغلا باختى هوى الدار عليج بالعافيه على المشتروات ويلبسونهم بالعافيه زين سويتى خلصتى انا والله هالسنه مرتاحه لا عيد ولا بطيخ بما انى مسافره فليش اشترى للعيد منو بشوفهم فقلنا احسن لنا اذا ولدى عطوه اجازه لانه فى مدرسه خاصه فما عندى فكره فى اجازاتهم قلنا بنطلع برا مدريد نروح لنا منطقه ونقعد فيها يومين ثلاثه نغير جو مو فكره حلوه

 

[رقي]

هوا الدار
ماشالله بيني وبينج
اسبوع و5 ايام
متا موعد ولادتج

 

[ام الفوز]

احب ترابها شسوى ودي افتك تعبت غير الثقل بسرعه اتعب من المشى وكله حرانه ودي اخلص شغلي وشغل عيالي للعيد من الحين
بس البلشه اغراض المدارس ليما الحين ماشريت شي لالي و لا لعيالي

الله يهون عليج هوى الدار جملج الحين ومتى شهرج

 

[هوى الدار]

ام الفوز زين شين العيد برا زين ما تحاتين لبس وكشخه وواجبات
وشين ما تكونين مع اهلج والعيد حلاته لمه

رقى انا ولادتى 26-11 اذا الله اراد

 

[هوى الدار]

انتي رقى متى ولادتج ؟

 

[هوى الدار]

الله يسلمج ام الفوز والله يسهل على كل حامل ان شاءالله

 

[ام الفوز]

ام الفوز زين شين العيد برا زين ما تحاتين لبس وكشخه وواجبات
وشين ما تكونين مع اهلج والعيد حلاته لمه

رقى انا ولادتى 26-11 اذا الله اراد

ايه والله لا اذكرينى والله انه دمعتى على طريف ولا اليوم ما ادرى اشفينى فينى كبت اعوذ بالله وعسي الله يسهل عليج وعلى كل حامل

 

[هوى الدار]

ام الفوز ولا يهمج علقه تفوت ولا حد يموت ما يخالف هالعيد ان شاءالله وبس وغيرها ان شاءالله بالديره مع اهلج
ام الفوز انتي ليش برا ؟ اذا بتجاوبين اوكي اذا لا عادي حبيبتي

 

[ضحى الكويت]

مسااااااااء الخير

هواى الدار الله يهون عليج ومبروووووووك وبالعافيه اللى شريته بس ما عرفت من اى سوق الان طريقتهم حلوه تاخذين ثنتين وحده مجانا حلو


رقى اشلونج يا قلى من زمان ما سولفت معااااااااج تونى ادرى انج حامل


غافله مشكوووووووووره يا عسل انتى كنت لابسه طاقية وفصختها علشانج تستاهلين

 

[هوى الدار]

هلا فيج صافيه خذيتهم من سينيه السالميه ومو بدلتين لا كل بدله جبالها وحده مجانا يعنى تشترين 2 بسعر 1

 

[ضحى الكويت]

هلا فيج صافيه خذيتهم من سينيه السالميه ومو بدلتين لا كل بدله جبالها وحده مجانا يعنى تشترين 2 بسعر 1

عليج بالعافيه بس اول مره اسمع بسينيه بالسالميه وين صاير يمه شنو بارز علشان بروح فى حق اكبار انا صبان عندى 2 واحد 12 وثانى 11 وبنتى 7 وجم اسعارهم تقريباااااااااااا

 

[هوى الدار]

بنات بالتلفزيون الحين معصومه استقالت ويقولون اقالت لم تستقيل يعني اقالوها غصب

 

[هوى الدار]

صافيه بالسالميه القديم صوب مذركير وبي اتش اس
وكبار مممممم ما اعتقد ماشفت لان عيالي صغار وكنت مركزه على بدلات الصغار بس ماشفت للكبار

 

[ضحى الكويت]

هوى الدار صافيه بالسالميه القديم صوب مذركير وبي اتش اس
وكبار مممممم ما اعتقد ماشفت لان عيالي صغار وكنت مركزه على بدلات الصغار بس ماشفت للكبار

اى دليته بس حسافه يمكن مافى كبار حق اعيالى مشكوره يا قلبى على التوضيح

 

[ام الفوز]

ام الفوز ولا يهمج علقه تفوت ولا حد يموت ما يخالف هالعيد ان شاءالله وبس وغيرها ان شاءالله بالديره مع اهلج
ام الفوز انتي ليش برا ؟ اذا بتجاوبين اوكي اذا لا عادي حبيبتي

الله كريم انا ريلى يشتغل فى السفاره يعنى حياتنا كلها تنقل الله يعينا بس ادعيلى ان الله يهون على غربتى

 

[النبع الصافي]

هوى الدار مبروك هالصفقه خخخخخ

ماشاءالله زين سويتي أنا بدلة ولدي مآخذتها بالصيف تنزيلات كاااااامله باقي

الجوتي تكرمين هذي حلاة العيال مايبين موديلهم البنات هم العله

 

[هوى الدار]

ام الفوز الله يخفف عليج غربتج وترجعين للديره بالسلامه

 

[ضحى الكويت]

ام الفوز الله يعيييييييييييينج ويهووووون عليج ان شاء الله والحين النت والتليفونات جنه اهلج يمج ويمكن خيره لج ما تدرين

فى ناس وايد يم اهلهم ولا اصلاا يحسون فيهم وبعيدين عنهم اهم شى تواصلج معاهم انا لو منج اشبكهم على المسنجر واسولف معاهم بالصوت واشغل الكام وناسه انا بالكويت واسوى مع اهلى جذيه الله يعين لو وضعى مثل وضعج تهقين شنو راح اسوى

 

[ضحى الكويت]

بنات انا رحت اليوم خيطت حق بنتى قرقيعان وصورت البدله لكم اشوى وانزلها :eh_s(15):