ديوانية سوالف حريم اللي فوق الثلاثين حياكم الله ..........

[ياسمينا]

هلا برهوفه والنبع الصافي
والشيهانه كيف اصبحتواااا

 

[النبع الصافي]

ياهلا رهوفه وياسمينا وباقي البنات

مستخدمين مايطلع كل البنات ليييييييش؟؟

 

[سبائك]

هلا والله رهوفه احنا بخير انتي شلونج؟؟؟

 

[رهوف]

هالدوانية صج شي .... شخباركم

هلا ياسمينا

قيل هالدوانية كنت احس المنتدى كله عشرينات وتعش الحين الحمدلله ردتلي ثقتي بعمري

 

[سبائك]

هههههههههههههه

لا ياسمينا انا موقفه على ال18 والي بتعديني الله يحفظها خخخخخخخخ

رهوفه لازم تسوين رفرش ولا ما تطلع لج الردود اليديده

 

[رهوف]

هلا بسبااااااااجه .... تدامون ولا بإجازة

وما رديتو عالسؤال في حل تطلع عندكم الردود بدون ماتسووون ريفريش ولا ماكو؟؟؟؟؟؟

 

[رهوف]

ادعوا لي اليوم بديت ريجيم وايد حلو حاطته وحدة من الخوات وتقول ينزل من 6 الي 8 بإسبوعين ...قبل رمضان

 

[شيهانه كويتيه]

هلا برهوفه والنبع الصافي
والشيهانه كيف اصبحتواااا

هلا والله ياسمينتنا الحمدلله طلعت الفجر من المنتدي علق معااي:eh_s(14): وتحسفت لان ماكلن فيني نوم ورحت غصبت نفسي ليما نمت ههههههههههههههه انتي شخبارج واشلونكم بنااااااااااات من عليه القهوه العصر وانا بجيب لكم احلي لقيمات من ايديني تهبل تستاهل بؤكم خخخخخخخخخخخخ

 

[ياسمينا]

احنا باجازه ودواماتنا 2=9
ياشين دوام الخميس بنات مع او ضد عطله الجمعه والسبت
يللا تصويييييييت

 

[ياسمينا]

رهوفه اي واحد؟؟؟؟؟ مال طالب الشمري رجيمج؟؟؟؟

 

[رهوف]

والله عادي نتعود عالإجازة السبت بس الزوارات بتنقلب

 

[ياسمينا]

فديييييتج يالشيهانه خلاص علي القهوه المحوجه بعد اشتبون
الحين قاعده اشرب جاي اخضر منو تبي

 

[النبع الصافي]

رهوفه الله ييسر لج الضعف بصحه وعافيه ويقوي إرادتج

والله أنا من اسبوعين مسويه ريجيم وماانزل كيلوين إلا تجي

هالعله ( الدوره ) وتخرب كل شي الله يعييننا بس الصدق

انه لازم حركه مع الريجيم والا النتيجه تطول !!

 

[رهوف]

ياسمينا اهي مو كاتبه انه ريجيم طالب بس كاتبه العنوان ريجيم ينزل 6 ال8

بس وايد حلو آنا مجربته من قبل ونزلت عليه بس مو كثر ما اهي تقول!!!

 

[رهوف]

النبع الصافي الله يسلمج يا قلبي ونضعف آنا وياج بصحة وعافية وكل وحدة بتضعف والساااااامع يقول آمين

 

[النبع الصافي]

العطله هذي البلشه شلون نتعود عليها !!

 

[ياسمينا]

لا الريجيم مع الحركه والمشي ينزل بسررعه
يلا صوتوا للعطله

 

[شيهانه كويتيه]

شكلي متنت شوي بس عاد مومتينه حيللللللللللل جني زايده بس بخفف الاكل والكاكاو احسن لان وزني 73كنت 70 بس الله يستر ماحب المتن تسير ازنودي جنها تفيخه اهي بالذات ولا جسمي مع المتن يتوزع بكل مكان بس هالزند جنني علي مامتن شوي الا صار كوره اف مليت منه ماعندكم شي له بناات

 

[النبع الصافي]

المشكله لبسي حق العيد لالالالالالالازم أفش عشان يزبط

 

[رهوف]

بنتي دشت علي مخترعة تقول للحين سهرانه والله خربنا هالمنتدى عبالها من امس ماتدري نمت وقعدت وشبكت

وبالنسبة للإجازة ما كنت مأيدة بس مو بكيفنا