ديوانية سوالف حريم اللي فوق الثلاثين حياكم الله ..........

[OmRashed]

هلا همسات .. وعليكم السلام

ومبارك علينا وعليج

 

[جولي @]

مساااااااااااء الخير مبارك عليكم الشهر

عمري 30 وماعندي عيال

 

[OmRashed]

مساااااااااااء الخير مبارك عليكم الشهر

عمري 30 وماعندي عيال

مساء النور .. علينا وعليج يتبارك ان شاءالله

 

[أم بدير]

السلام عليكم
مبارك عليكم الشهر

 

[OmRashed]

هلا ام بدير .. وعليكم السلام

ومبارك عليج الشهر

 

[أم بدير]

علينا وعليج ام راشد
شلونج وشخبارج

 

[توتا5]

مبارك عليكم الشهر

 

[OmRashed]

ام بدير .. انا بخير ولله الحمد انتي اشلونج ؟

هلا توتا .. علينا وعليج يتبارك ان شاءالله

 

[اثمان]

السلام عليكم

مبارك عليكم الشهر الكريم

 

[أم بدير]

عسى دوم بخير ام راشد. انا بخير الحمدالله
توته، اثمان
علينا وعليكم انشالله
شلونكم وشخباركم

 

[OmRashed]

هلا اثمان .. وعليكم السلام

وعلينا وعليج يتبارك ان شاءالله

 

[OmRashed]

تسلمين ام بدير واجمعين ان شاءالله

 

[اثمان]

هلا والله ام بدير وام رشود

حبيت اسلم عليكم

واشوفكم ان شاء الله بأقرب فرصه

السلام عليكم

 

[OmRashed]

ماقصرتي اثمان .. والله معاج ونشوفج على خير ان شاءالله

 

[أم بدير]

فمان الله اثمان
وانشالله نشوفج قريبا
ام راشد ماعندج طريقة سلطة chicken caesar
اهي مافيها الا خس ودياي مع الصوص
بس ما اعرف شلون الدياي
اخذ ستيك دياي عادي اشويه والا فيليله دياي والا اي شي
ابيها تطلع نفس المطاعم ومادري حتى اي صوص استخدم لأن شكثرهم ملوت السيزر سالاد بس مادري شنو احسن نوع

 

[OmRashed]

ام بدير انا اسوي سلطة السيزر بالدياي ..

يااسوي صدور الدياي اتبلها واشويها او ساعات على السريع اشتري الدياي الجاهز

صدور مشويه وبس اشويها وحطها فوق السطله تتطلع وايد حلوه

والصوص انا اسويه روب وميونيز وثوم اشويه وليمون وصلصة رانش اشويه تحطين عليها وبس تتطلع حلوه

والتوست اقطعه واسويه بالفرن لان فيه ناس يقلونه بالدهن ويصير موحلو

 

[أم بدير]

صلصة الرانش في منها انواع والا نوع واحد؟
وشكثر احط روب؟ مو وايد صح؟ عشان مايطلع طعم الصوص روب
انا عندي بدير مدمن هالسلطة كل يوم يطلبها ولوع جبدي تدرين ساعات حتى عالريوق لما اسئله شنو تبي تتريق يقولي هالسلطه
فقلت خل اتعلم اسويها له واعرم الخدامه بعد وافك عمري

 

[OmRashed]

ام بدير .. صلصة الرانش ماكو نوع معين اي شي جبالي اخذه

بالنسبه للصلصه قوطي روب تحطين عليه ثوم وليمون وميونيز قفشتين متروسه

وصلصه الرانش تخطين قفشه وحده متروسه طبعا لقفاش الحجم لكبير

والروب ماراح يبين طعمه وحتى ان ضقتيها وحسيتي فيها طعم الروب عادي لان لما تخلطينه مع الخس بتصير حلوه

 

[OmRashed]

ايه تذكرت ان فيه صلصة رانش يصير لونها موابيض تكون غامجه هذي مااخذها

لان دايما اخذ اللي لونها فاتح واشتري الجبن موزاريلا المبشور الناشف يصير بعلبه لها فتحات من فوق

هذي لما اخلط الصلصه مع الخمس واحط التوست المحمش .. والتوست احلى من الخبز بالطعم :eh_s(6):

وبعدين احط الدياي فوق وارش عليها من هالجبن تتطلع تينن نفس شكل سلطة المطاعم واحلى بعد

 

[أم بدير]

اي جبن البارميزان اهو الي جنه بودر خشن هذي عندي منها
بس لازم امر الجمعية الصبح اخذ صلصة الرانش
يعني هم لازم امر الجمعية لأن في جم طبخه يبيلها كذا شغله مو عندي
ماشالله كثر ما جهزنا وجيّلنا حق رمضان.. هم اول يوم رمضان الجمعية ماتندش من كثر الناس الي ناسين شغلات
انا نسيت اهم شي
زعفران
احد ينسى زعفران لما يروح يشتري اغراض الجمعية؟!
خصوصا برمضان!
باجر بسوي السلطة انشالله مع الفطور
وشكرا جزييييييييلا عالمساعدة