ديوانية سوالف حريم اللي فوق الثلاثين حياكم الله ..........

[*سكون*]

السلام عليكم

 

[OmRashed]

هلا سكون وعليكم السلام

 

[*سكون*]

هلا فيج أم راشد

شلونكم وشخباركم ؟

 

[OmRashed]

الحمدلله بخير .. انتي اشلونج

واشلون ولدج ؟

 

[شمس؟]

هلاو سكوون اشلونج

 

[*سكون*]

الحمدلله بخير أم راشد .. عندنا تغيير ضماد يوم اليمعه والاسبوع الياي بحط له موعد بشوف الطبيب شيقول .. ان شا الله خير

انتي شخبارج ؟

 

[OmRashed]

سكون .. ان شالله خير وتشوفين اللي يسرج

الدكتور ماقالج شي على الورم وانه عادي ان شالله

 

[*سكون*]

الحمدلله أم محمد .. شلونج بعد الهجوم على كي دي دي ههههههههههه ؟

 

[*سكون*]

ان شا الله أم راشد

الدكتور آخر مرة لما رحنا حضرته ماخذ اجازة .. عسا يداوم انا غيرت حجوزاتنا أمس وأجلتها أسبوع ان شا الله يداوم وما يجدد اجازته

 

[OmRashed]

سكون .. ان شالله يداوم

انزين ليش ماوديتيه حق طبيب ثاني يشوف الجرح عشان تطمنين اكثر؟

 

[شمس؟]

سكون الله لا يراويج بلاعيمي مسكرة

الله يطمن قلبج على وليدج سكون

 

[*سكون*]

ما أدري ام راشد أبوه يقولي عادي وارمه من العمليه لازم تاخذ وقت ايده عشان ترجع طبيعيه .. بعدين اهني الأطبا أحسهم كل واحد يجابل شغله .. يعني لو اوديه ما يرضى أي طبيب يبدي رايه بعمليه اهو مو مسويها

أم راشد أحس اني اختياري للدوله غلط بس خلاص لازم اقنع روحي الخيره فيما اختاره الله

 

[*سكون*]

ما تشوفين شر أم محمد

والشر ما اييج حبيبتي

 

[شمس؟]

الشر ما اييج

انتي وين مودية ولدج سكون؟

 

[*سكون*]

فرنسا أم محمد

ضحكتني رفيجتي أمس تقولي لا تحاتين ترا انتي موديه ولدج فرنسا مو الصومال ههههههههههههه

 

[شمس؟]

والله ان الناس تمدح مستشفياتهم لكن هم كبشر ناشفين

 

[*سكون*]

البشر لو بتكلم عنهم شقول شعب ما عنده ذوق ولا نظام ولا شي خذا اسم عالفاضي

 

[شمس؟]

يعين الله

الله يردكم بالسلامه

 

[*سكون*]

اللهم آمين .. مشكورة حبيبتي

 

[OmRashed]

سكون .. ان شالله اختيارج مو غلط وبعدين هذي فرنسا بلد التجميل

مو اي ديره مودته وكل دوله ولها اختصاصها والله كريم لا تحاتين

ولا تبنين اوهام موبمحلها نطري وان شالله بتشوفين كل خير تطمني