ديوانية بيت العمر

[sara3]

امم امم امم يعنى تبين موديرن نفس مشكلتى


الجوازات ذكرينى بالمحلات

:0bee2e8d89::0bee2e8d89::0bee2e8d89:

 

[aldana]

:0bee2e8d89::0bee2e8d89::0bee2e8d89:

يبي له جوله كبيره على محلات الشويخ دوار الجوازات و الي تعرف بعد خل تقول لنا
مابي افصل لان الي شفتهم عند الواوان مو حلوين مادري ماعجبني و الي عند الفارسي الوانه محدوده و غالي

 

[sara3]

يبي له جوله كبيره على محلات الشويخ دوار الجوازات و الي تعرف بعد خل تقول لنا
مابي افصل لان الي شفتهم عند الواوان مو حلوين مادري ماعجبني و الي عند الفارسي الوانه محدوده و غالي

اوكى ما ذكرتى لى اسماء محلات الجوازات حايشنى زهايمر منة مع انى حست فية وايد

شوفى اللى اذكرة البانيو غير مكانة وفتح يم دوار الجوازات وعندة شغلات جديدة

مكانة يم ايكيا القديم على الشارع عند مدخل قيصرية الاثاث

بعد دوار الجوازات الحميضى دشية عندة شغلات وبعد ما تعدينة بشوى فى دخلة

مثل قيصرية شوفى محلاتهم

لمن تطلعين من القيصرية وبعد الحميضى فى محل عندة سوالف ميكى وشخصيات كرتونية حق اليهال

الحين خلصنا امشى شوى على ايدك اليسار الشايع دشى شوفية

وانتى طالعة منة على الزاوية الرفاعى عندة شغلات حلوة

فى مجمع رميح بحولى فوق شغلات واوووووووو

بعد فى محل مو حواليهم اسمة تايلز اند مور حلوة شغلاتة وممكن تطلبين من الكتلوج هذا بشويخ

وروحى صن سيتى تلقين شغلات وايد حلوة شوفى واحد اسمة كوريان

امانة اذا لقيتى خزاين ومغاسل مع كبتاتهم لون تفاحى بيج احمر علمينى

سامحينى على اسامى المحلات قتلك زهايمر خخ خخ خخ

 

[sara3]

مساء الخير

فجوات جدارية مثل ما وعدتكم

 

[الوردة المكنونة]

نرجع للوردة المكنونة وافياش الكهرباء

ضرورى ونقطة لاتستهينون فيها

انذار الحريق لازم تركبونها فكلمية عنها

التلفون راح يكون نظام بدالة فقولى له

تبين تركبين كاميرات هم قولى له

تبين اتسوين نظام تشغيل سماعات اوديو راديو وتسجيل هالسوالف ترى من الحين علميه

سوى سنسر حق الاضاءة مالت السور


هذا اللى يحضرنى الحين وناطرة منك تعليق

مشكوره وايد شغلات استفدت بس المطبخ تو الناس عليه يعني تونا خالصين الاسود بس يبي افكر بكلامج بجدية وبالنسبه للكهرباء الكهربائي من الشركة والصراحه الشركة ما قصرت قالولي اختاري اللي تبين ان شاء الله تبين 10 بلاكات بالغرفه حاضرين عموما انا قعدت اليوم وسويت مثل ما قلتي سويت تصور للاثاث ومكان البلاكات وسجل على المخطط اكسات لوول

 

[الوردة المكنونة]

الله وااايد حلوين ينفع اسويهم بعد ما خلصت من الاسود ​

مساء الخير

فجوات جدارية مثل ما وعدتكم

 

[sara3]

مشكوره وايد شغلات استفدت بس المطبخ تو الناس عليه يعني تونا خالصين الاسود بس يبي افكر بكلامج بجدية وبالنسبه للكهرباء الكهربائي من الشركة والصراحه الشركة ما قصرت قالولي اختاري اللي تبين ان شاء الله تبين 10 بلاكات بالغرفه حاضرين عموما انا قعدت اليوم وسويت مثل ما قلتي سويت تصور للاثاث ومكان البلاكات وسجل على المخطط اكسات لوول

المطبخ من الحين حبيبتى واسالى اى كان انتى لاتتخوفين انتى منتى شارية شى الحين بس تبين مخطط احسن من باكر اتصفين السيراميك واتردين اتكسرينة

واذا على محلات المطابخ اختارى واحد ودشى لة وشوفى الترحيب اصلا هم يبون زباين
على فكرة مطبخك كم مساحتة عندى موضوع عن المطابخ احط لك الرابط شوفية

الفجوات الجدارية يفضل ان بالاسود بس حتى الحين يصير وهم تالى يصير

كلمى الشركة اصلا اهم بيستانسون لان كل شى بحسابة اصلا اهم يموتون على التغييرات اللى اتسوينها لان فيها مصلحة لهم

بالنسبة حق 10 بلاكات يدرون منتى حاطتهم انتى شوفى بالعقد اشكثر حاطين لك وعاد كل زيادة بتكون على حسابك

اى صج ضرورى ذكريهم بنقطه كهرباء للشتر وضرورى اتسوين الشتر من الحين مخفى اكرر مخفى لا تتوهقين بعدين:eh_s(14):وتالى تصغر درايشك

اى صج نقطة كهربا فى دار الخدم حق الانتركم

ولاتنسين غرفة الغسيل حدى مكان الغسالات والنشافة ومكان المغسلة لاتعطينهم فرصة يطشونهم فى الغرفة وايضيعون عليك المساحة وموفقة وحاضرين باللى تامرين

 

[sara3]

رابط المطابخ يا وردة مكنونة

http://q8yat.net/showthread.php?t=167134

 

[اخت فروحه]

الوردة المكنونه :

ماشاء الله سارا ما قصرت قالت لج عن كل شي

بس لحب أأكد عالمطبخ من الحين تصممينه وهذي المعلومه استفدتها من الديوانية هني لما كنت بالاسود وما كنت مقتنعة فيها بس هم رحت وصممت وفعلا اشكرهم على هالمعلومة لان حيييييييييييييييل سهلت ونظمت لي الشغل وان من اشد المنصحين على تصميم الوطبخ من الاسود


وهم بالنسبه للفجوات صدقيني من الحين حدديها وكسري لها لان بعدين لما تكسرين راح يتشقق الشبك اللي يحطونه قبل المساح والطرطشه وراح تتلعوزون

ونقاط الكهرباء لازم تحددين مكان السرير عشان الابجورات عالكومودينو

 

[Um Saud]

مرحبا بنااااات عندي استفسار عن مغاسل الضيوف .......شنو الموديل الحين ...شالموضه ؟؟؟؟
عفيه ساعدوني

 

[sara3]

اهنى فوق الافرنجى

 

[sara3]

اهم شى لاتنسون الاضاءة

 

[sara3]

حبيبتى Um Saud يا تكون مثل اول صورة اوثانى صورة يا تكون المغسلة فوق الكاونتر يا داخل الكاونتر رخام او خزانة خشب
وكلة يعتمد على ذوقك وعلى الجديد المتوفر فى المحلات.انا عنى مااخترتة ولا قاعدة افكر فية مخليتة ليمن اسكن ان شاء الله لان كل شوى فى شى جديد يبيلك لفة

اى فى نقطة مغاسل الضيوف بما انهم معلقين نبهى على الصحى ان التسليك حقهم يكون قياسة مضبوط مو يوهقك وايسوى قياس مغسله ام كرسى
وموفقة وطلى علينا وافينا بالمستجدات وقولى اذا عجبك كلامى ولا لك راى ثانى ولا تنسين تخلينهم مغسلتين للضيوف افخم

 

[Um Saud]

حبيبتى um saud يا تكون مثل اول صورة اوثانى صورة يا تكون المغسلة فوق الكاونتر يا داخل الكاونتر رخام او خزانة خشب
وكلة يعتمد على ذوقك وعلى الجديد المتوفر فى المحلات.انا عنى مااخترتة ولا قاعدة افكر فية مخليتة ليمن اسكن ان شاء الله لان كل شوى فى شى جديد يبيلك لفة

اى فى نقطة مغاسل الضيوف بما انهم معلقين نبهى على الصحى ان التسليك حقهم يكون قياسة مضبوط مو يوهقك وايسوى قياس مغسله ام كرسى
وموفقة وطلى علينا وافينا بالمستجدات وقولى اذا عجبك كلامى ولا لك راى ثانى ولا تنسين تخلينهم مغسلتين للضيوف افخم

مشكووووووووووووووووووووووووره حبيبتي ماقصرتي لاخلا ولاعدم

 

[Um Saud]

انزين بغيت اسأل شنوو احسن الرخام الطبيعي ولا الصناعي للمغاسل ....... قالو لي الصناعي احسن الي بالبرازيليه ....نبي خبرتكم و تجاربكم مع النوعين ..........شكرااا

 

[اخت فروحه]

ام سعود انا افضل الرخام الطبيعي افخم وايد الصناعي ماعجبني كلش وبالنسبة للاشكال السوق مليان اخذيلج جولة

 

[اخت فروحه]

شخباركم اعضاء الديوانية وين وصلتوا وشنو اخر اخبار الفرارة؟؟؟


شيوخة سألتيني عن الالومنيوم ::

احنا تعاقدنا مع الروابط الكويتية البريطانية وركبوا الالومنيوم والجام خذوا القياسات يبيله 20 يوم

والابواب الخارجية هم خذوا قياساتها امس ويبيلها45 يوم على ماتخلص

وهم خذنا منهم الشتر


بالنسبة للارضيات باجي الدرج وبعض النعلات والعتب

 

[اخت فروحه]

سارا مشكورة عالصور الروعة


بغيت رايج في صبغ غرف العيال ::: انا أشوف ان السادة الالوان احلى بدون رسم ولا اشرايج؟

وورق الجدران كلش موعملي للعيال صح ؟؟؟

 

[اخت فروحه]

شيوخة الله يستر من المخالفات

 

[sara3]

انزين بغيت اسأل شنوو احسن الرخام الطبيعي ولا الصناعي للمغاسل ....... قالو لي الصناعي احسن الي بالبرازيليه ....نبي خبرتكم و تجاربكم مع النوعين ..........شكرااا

هلا حبيبتى انا تجارب ما عندى الا خشب من ايكيا


بس شوفى هذى المعلومات ونطرى البنات يفيدونك.

وشوفى سوى بحث على ردود ام وهابى لمن ركبت المطبخ فى الديوانية

المطابخ
هناك انواع من المطابخ
1- الخشب الطبيعى
هو الافضل على الاطلاق ولا يضاهيه اى من الانواع الاخرى وذلك لقيمة الطبيعية الغنية
2-الخشب الصناعى ( ام - دى - اف )
لا ينبغى ان نطلق عليه لفظ خشب فهو عبارة عن منتج من اعادة تدوير النفايات
3-الخشب الصناعى ( بى - فى - سى )
ايضا لا يستحق لقب خشب فهو منتج بترولى 100%
4- الالومنيوم
اما الالومنيوم فهو اسم مزيف حيث ان نسبة الالومنيوم فى اي مطبخ لا تتعدى 20% والباقى كلة من مادة الفرومايكا المصنوعة اصلا من الورق المضغوط (اتش - بى - ال )

اما انواع الرخام
1- رخام طبيعى
حتى تعرف ماذا تقتنى الرخام الطبيعى خصائصة انه ناتج عن تكلسات حجرية فى المغارات اسفل المحيطات فهو بارد بطبيعته والوانه فاتحة واكثر مرونه من الجرانيت
2- جرانيت طبيعى
الجرانيت ينتج عن الصخور الناتجه اصلا من الحمم البركانية فهو صلب ودافئ والوانه داكنه
3- رخام صناعى
اما الرخام الصناعى له مميزات عديدة ولكن بمنتهى الامانه ليس فى جمال الطبيعى فنحن اشخاص طبيعيون ونميل الى الطبيعه التى هى من صنع الخالق جل وعلا
مزايا الرخام الصناعى تمكنك من اختيار اللون الذى تريدة بكل دقه ولا تظهر له اى فواصل
وينتج باسماء عديدة وتصل الان الى ما يقرب من 100 اسم من مختلف بلدان العالم
واشهرهم - كوريان - فيجا ستون - ستارون - ال جى - افونايت - ويلسون ارت والكثير من الاسماء