ديوانية اغاثا كريستي

[الروح المتوهجة]

رواياتها حلوة و كنت اقراها من ايام المراهقه

و منها تعلمت التفكير و التحليل , أثرت بشخصيتي وايد

صرت بوليسية مثلها ههههههههههههههههه

 

[planka]

بناااات
باركلولي تصلح لابتونبي
اشوف الديونية فاضية
ها اشلونكم مع اغاثا
انا خلصت توني الموت على ضفاف النيل
وبصرااااااااااااااااااااااااااااحة رووووعة
وكنت شاكة بالقاتل وطلع صحححححح
اشرايكم فيني

 

[planka]

واخيرا حصلت فى المنتدى روايات اجاثا كريسيتى
بس عندي اقتراح فى احد يقدر يحط روابط لروايات اجاثا المشكلة عندي القصص بس ما اعرف شلون احطهم كروابط حتى الكل يستفيد من الروايات

اقتراح حلووو ان ان شاء الله راح احط روابط منقولة وبالنسبة اشلون اتحطين اتمى البنات ايفيدونا​

 

[planka]

موضوع حلو بالنسبه لأمي لأنها تموووووووووووووووووووووووووووووووووت على قصص أجاثا كرستي وكله تقول لنا انها تعلمت منها وايد أشياء في حياتهاوعطتها خبره وأفكار وايد وعلمتها شلون تتصرف في المواقف وشلون تحلل وتوصل لنتيجة سألتها شنو أحلى قصة عجبتها قالت قطار الشرق أما آنا فقريت لها كم قصة وايد حلوين بس مو ذاكرة أساميهم

يااااي وناسة حبيت امج:dddds: يعني صارت مس ماربل 2​

 

[planka]

بناات
منو فيكم قدر يكتشف القاتل او شك فيه
انا الصراحة بس روايتين وهي الكاس الاخيرة والموت على ضفاف النيل
وانتوا ؟

 

[*peace*]

وهمن انا احلى قصة لها واختفى كل شي يااااااااااي لمن خلصتها قعدت يوم كامل محبطة وحالتي حالة كسرت خاطري فيرا لمن بقت بروحها اخر شي يااااااااااي تحطيم هالقصة

شسم هالرواية شوقتووووووووووني عليها
:ada:​

اسمها (واختفى كل شيء ) لاااااااااااااتطوفج
هالقصه انباع منها 100 مليون نسخه سوت ثوره
.

 

[planka]

يااااااااااي شوقتيني عليها
بس ولا مرة شفتها

 

[الإسراء]

مشكووورة حبيبتي ,,
بصراحة ولا مرة قريت لها

 

[planka]

بدون اسم اقري لها وراح تدمنين
وينكم
ليش الديونية فاضية
عندك خبر وينج ولا لاهية بالدراسة:eh_s(6):​

 

[Mulan]

والله شوفي آنا كنت أمووووووووووووووت على القراءة

بس صار لي سنتين ما أدري اشفيني ما أقدر أكمل حتى ثلاث صفحات

انزين قبل شريت لأغاثا رواية المرآة المكسورة (طبعا البطلة آنسة ماربل) بس ما كملتها

من قرتها فيكم ؟؟

 

[حيادر]

انا اللي عجبتني اكثر شي

ثلاثة عشر لغزا

وفي لغز منهم اللي يروحون الغابة بالليل ويدخلون مثل معبد مهجور وتطلعلهم ينية ومادري شنو

كنت بالثانوية وقتها ويوم قريت هالجزء مت من الخوف مادري ليش لووووووول

 

[Mulan]

ثلاثة عشر لغزا

شوقتيني عليها حيادر .. بشتريها إن شاء الله

ويا رب أقدر أكملها

 

[اثمان]

السلام عليكم

انا قبل كنت اقرأ لها وصراحه قصصها تشوق وتخرع

لحد الحين اذكر القصه بس مو ذاكره اسمها اللى فى الجزيره يجتمعون مدعوين ما يعرفون بعض بروحهم وينقتلون وراحد وراء الثانى

واخر واحد ينتحر بنفسه من كثر الضغط عليه ولانه اكثرهم اجرام ظل اخر واحد يتعذب من الخوف من القتل

 

[ناز]

امووووووت عليها ودايما لما اسافر اخذ كتابها معاي وانا ما احب الا الكتب http://www.qtruni.com/upload/upload/wh_498074764.jpg من دار النشر هذي لانه الباجي مو اصليه والمسلسل ودي اشوفه متى يحطونه؟؟

 

[rawona]

انا من عشاق اغاثا كريستي ..

اعشق عبقريتها بالكتابه وثقافتها الواسعه واحب مغامراتها باسفارها اللي بينت من خلال رواياتها

قريت كل قصصها اللي انشرتها دار الاجيال للطباعه والنشر وهذا موقعهم


www.al-ajyal.com


زمن احب رواياتها على قلبي


جريمه في ملعب الغولف <<< اول روايه اشوفها بالتلفزيون كفيلم واول روايه اقراها


من رواياتها

الجريمة الغامضة في ستايلز

جريمة في قطار الشرق السريع

ذاكرة الافيال


تحريات باركر باين


لغز سيتافورد


البيت المائل



قضايا مس ماربل الاخيره


جريمة في الكاريبي


عدالة السماء


السيانيد المتلألئ


الفتاة الثالثه



الاربعه الكبار



السرو الحزين


5 خنازير صغيره


ليل لا ينتهي



جريمة العيد


جريمة في القريه


موت السيدة ماغنتي


في النهاية يأتي الموت


الحصان الاشهب



فندق بيرترام



جريمة في القريه



ذو البدله البنيه



قطار 4.50 من بادينغتون



مأساة من ثلاث فصول



جريمة في بغداد



خداع المرايا



مقتل روجر اكرويد



موت اللورد ادجور



الاربعه الكبار


ابزيم الحذاء


ركوب التيار



مبنى الرجل الميت



ثلاثه عشر لغزا



المرآة المكسوره



خطر في البيت الاخير



الاصبع المتحرك



قضايا بوارو المبكره



مغامرة كعكه العيد




الستاره



الجريمة النائمة



ثم لم يبق احد



شركاء في الجريمة



محنة البرئ



الساعات




موت وسط الغيوم



جثة في الكتبه



ابجدية القتلى



موت فوق النيل



جريمة القطار الازرق


وعندي لها وايد روايات باللغة الانجليزيه بالاضافه الى سلسلة افلام بوارو كامله وسلسله الانسه ماربل على دي في دي

وعندي الفلمين ليل لا ينتهي
ثم لم يبقى احد



بصراحه كاتبه نابغه :stars:

​

 

[chance chanel]

قريت الطائرة المفقوده وشارية اربع قصص من سنين في المكتبة ما لقيت وقت اقراهم
اللي يشدني في قصصها ان القاتل في النهاية مايكون هو اللي في بالك
قصصها عملوها مسلسل كنت اتابعه على ام بي سي فور الحين مايعرض

 

[rawona]

قريت الطائرة المفقوده وشارية اربع قصص من سنين في المكتبة ما لقيت وقت اقراهم
اللي يشدني في قصصها ان القاتل في النهاية مايكون هو اللي في بالك
قصصها عملوها مسلسل كنت اتابعه على ام بي سي فور الحين مايعرض

اي المسلسل او بالاحرى سلسلة الافلام التلفزيونيه لاغاثا كريستي كانوا يعرضونها mbc4 من 3 سنوات برمضان وبالاخص بال10 ايام الاخيره


انا عندي كل السلسله للافلام التلفزيونيه مالت بوارو

وبعض قصص الانسه ماربل على دي في دي وللحين ماخلصتهم كلهم ​

 

[نماين]

انا ويني عنكم

عاد انا اموت عالقراية خاصة هالايام مودي لاغاثا كريستي

وتوني مخلصة روايتها موت السيدة ماغنتي

وبادية بمغامرة كعكة العيد ( مجموعة قصص بطلها بوارو )

ومن احلى الروايات الي قريتها لها

الجريمة النائمة

المرآة المكسورة

جريمة في قطار الشرق السريع ( روعة ماتتصورون من القاتل )

قطار 4.5 من بادنغتون

ذاكرة الافيال

الفتاة الثالثة

ذو البدلة البنية

موت فوق ضفاف النيل


هذا الي اتذكره اللحين


والي ما حبيتها رواية الاربعة الكبار ما عجبني جوها وجو الحرب والجاسوسية احب الجو العائلي

 

[rawona]

عاد انا رواية الارعه الكبار عجبني فيها شي واحد لو تعرفينه بتضحكين علي لوول

ان فيها ارتباط للكونتيسه الروسيه مع بوارو .. في كتاب اغاثا بعنوا "قضايا بوارو المبكره" كان في قصه عنوانها الدليل المزدوج .. اللي السارقه تكون الكونتيسه الروسيه وبوارو كان يستلطفها بما قبضوا عليها وراحت بحال سبيلها في رواية الارعه الكبار كانت موجوده مع الاشرار واللي صدمني بالروايه ان بوارو عنده اخ توأم!!

كانت حلوه بس طريقتها مختلفه عن باجي الروايات :eh_s(3):
​

 

[chance chanel]

راوونا العرب شعب لايقرا ولكنه يشاهد هههههههههه
القاتل اخوه التوأم عليها خيال اغاثا زي افلام الهنود صح طريقتها غريبة احسها فكرة في الوقت بدل الضايع شوقتيني اقراها