- إنضم
- 1 يوليو 2007
- المشاركات
- 906
- مستوى التفاعل
- 0
- النقاط
- 0
انشــــــــــر لتعم الاستفاده ومحد يطيح بيد هالابليس
مااأقووول الا حسبي الله ونعم الوكيل...
يااا بناااااات انتبهوا انتبهوا
في واحد يقول ان اييب خدم من جميع الجنسيات 240 دينار وكفاله ثلاث شهووور
واسمه ابو سعود ساكن بالقرين
يابنات احذروا احذروا منه
امس امي دقت عليه وقالت له عندك خدم قال ايه قالت له امي طيب وين مكانك وليش الخدم رخاص عندك
قال الصراحه انا ماعندي رخصه تجاريه واجيب خدم من مكاتبهم في بلادهم وانا ماعندي مكان انتواعد في مكان
وشوفوا شقال لامي..
طيب انتي تسوقين او سايق
قالت له امي اي اسوق
قالها اوكي تعالي في مكان الفلاني
قالت له امي طيب ليش ماتجينا في البيت او نجيك في البيت انا وولدي
قال لا اختي انا مااقدر اطلع بيوت وبيتنا كله ناس>>>شوفوا كلامه بس كله الغاااز
قالت له امي خلاص وين انتلاقى
قالها المكان الفلاني
وسبحان الله يابنات امي كانت بتروح بسيارتها بس قالت مالي خلق بخلي السايق يوديني
ويوم جات المكان
قالها تعالي من ورا عند الشجره
يوم راحت امي اول مااشافها
قال مو انتي تقولين انج بتجين بسيارتج ليش منو معاج
قالت وانت شكو انا معاي سايق
قال طيب تفضلي وحط ملف الصور الخدم على الكشن سيارته اللي قدام وفتح الباب
قال ادخلي السياره واختاري
قالت له امي لا عطني الملف بختار بسيارتي
يبنات والله ربي ستر علي امي
يوم خذت الملف وركبت امي سيارتها بتختار الا ويحرك وانحاش
وفتحت امي الملف الا كله اوراق بيض فاضيه
يعني معناته انه جذااب
مااقول الا حسبي الله على هالاشكال..
وانتبهوا يابنات اللي يواعدكم في مكان عام لازم احد كبير معكم
وبعدين يوم اخوي درا بسالفه قال هذا قانونه عقاب سجن مؤبد لانه يتاجر بالبشر بدون رخصه
ويبيع خدم منحاشين
انتبوا يابنات
والبنت اللي كتبت عن الموضوع يمكن على نياتها وماتدري فأنتبوا يابنات..
وهذا رقمه65035084
وكل يوم له اسم مره سعود مره عبدالعزيز
وللعلم اللحين بدا يسوق حق نفسه بالمنتديات
والله يستر علينا وعليكم...
(الموضوع الذي ذُكر أعـلاه منقـول )
