دياي بتتبيلة الصلصات المتنوعة مع العسل .. بالصور

[غروب]

السلام عليكم،،

أكيد وايد مجربين دياي بالفرن متبل بالصلصات وكل وحده لها طريقتها الخاصة، أنا الصراحة أحب أجرب ووايد أحب الصلصات فأشتري أنواع وأشكال، وهذي وحده من الطرق اللي أسويها على طول واللي ذاقوها عجبتهم، الطبق حلو مع عيش بالزعفران أو مع بطاط مقلي، من زمان مصوره وماصارت لي فرصة أنزل الموضوع.

الطريقة سهلة وسريعة بس تسوون التتبيلة وتدخلونها الفرن، ومرات أتبل الديايه من الليل وأخليها بالثلاجة وثاني يوم أدخلها الفرن أحلى تصير بعد،.

المقادير:
دياي
صلصات (راح أحط الصور)
فلفل أسود وملح
خل
مكعب ماجي
ثوم وزنجبيل
بصل
روب
عسل
ليمون
زعفران منقوع بالماي وماي الورد

الطريقة:
أول شي تيبون الصلصات التالية، وتحطون من كل صلصة ملعقة كبيرة أو أكثر حسب الرغبة:

صلصة Hp وصلصة اسمها ترياكي

صلصة باربكيو وصلصة Honey mustard

صلصة حمرا فيها حبيبات فلفل ماعرف اسمها طعمها حار حلو، وصلصة ستيك، ودبس الرمان

عسل ملعقة واحد كبيرة أو 2 حسب الرغبة

خل

ملعقتين من ماي الزعفران، خلطتي دايما زعفران+ ماي+ ماي ورد+ هيل مطحون

روب طاسه كاملة

عصير ليمونتين أو أكثر أنا أحبه حامض

بصل مفروم ناعم

ثوم مهروس مع مكعب ماجي وزنجبيل

يتبع،،

 

[غروب]

الدياي نقطعه 8 أجزاء ونشيل الجلد ونغسله

نحط كل الصلصات السابقة بالبايركس

وبعدين نضيف الدياي ونرش عليه فلفل أسود وملح

ونخلطه مع الصلصة

ونغطي البايركس بالقصدير وندخله الفرن، يبيله تقريبا ساعة ونص، المفروض إن ماينشف وايد وتظل معاه التتبيله لأنها لذيذة جدا مع العيش :wqedqw:.. يعني بعد الساعة ونص نشيل القصدير ونفتح الفرن من فوق عشان يتحمر ونقلبه عالويه الثاني ونخليه يتحمر بعد وبعدها يكون جاهز للأكل وهذي صورته بعد ماطلعته من الفرن

[/]

ملاحظة: الصلصات ممكن تغيرونها حسب اللي عندكم، يعني أنا ما أتقيد دايما بهالصلصات مرات تنقص ومرات أضيف أشياء ثانيه.

 

[athora]

:eh_s(7):تسلم ايدج

 

[همسة ورد]

تسلم ايدج حبيبتي بس الصووره الاخيره مو طالعه

 

[غروب]

athora
الله يسلمج يارب مشكورة

همسة ورد
الله يسلمج يارب وهذي الصورة الأخيرة

 

[شندوخه]

تسلم ايدج احب سوالف الصلصات والتبربس لوووووول
لا ان شاءالله بجربها لان شكلها يشوق

 

[أم عزيـز]

تسلم ايدجحبيبتي بس جنه شغلها وايد

على العموم ما تقصرين يالغاليه

 

[ام الفهد712]

تسلم ايدج يااقلبي

 

[barbiya tota]

من خلطته مبين عليه طعمه لذيذ.............تسلم الأيادي

 

[ام عمار]

تسلم ايدك ومشكورة

 

[غروب]

تسلم ايدج احب سوالف الصلصات والتبربس لوووووول
لا ان شاءالله بجربها لان شكلها يشوق

أهلين شندوخه، الله يسلمج يارب..
إي أنا نفسج أحب أخبص والحمدلله النتيجة موفقة :yaaaaaarb:
جربيها وإن شاء الله تعجبج،.

تسلم ايدجحبيبتي بس جنه شغلها وايد

على العموم ما تقصرين يالغاليه

الله يسلمج عزيزتي،
لا ترى مو صعب، السالفة بس يبيلها جيش من الصلصات
يوم مري الجمعية واخذيلج كذا نوع وجربي، ومشكورة عالمرور :eh_s(7):

تسلم ايدج يااقلبي

يسلم قلبج يارب، وتسلمين عالطلة :eh_s(7):

من خلطته مبين عليه طعمه لذيذ.............تسلم الأيادي

تسلمين عزيزتي،،
ومشكورة عالمرور الطيب :eh_s(7):

تسلم ايدك ومشكورة

الله يسلمج يارب وتسلمين عالمرور الحلو :eh_s(7):

 

[بساط الريح]

تسلم ايدج

 

[غروب]

تسلم ايدج

الله يسلمج يارب، مشكورة عالمرور :eh_s(7):

 

[جارة القمر]

مشكووووووره

 

[أسـيـل]

يعطيك العافيه

 

[نونيا]

والله سهله الطريقه تسلم ايدج على يوم انجربها

 

[غروب]

جارة القمر
العفو ويا هلا بهالطلة :eh_s(7):

أسيل
الله يعافيج يارب وتسلمين عالمرور :eh_s(7):

والله سهله الطريقه تسلم ايدج على يوم انجربها

الله يسلمج يارب، وإن شاء الله تعجبج لما تجربينها وبالعافية مقدما :eh_s(7):

 

[أم منصور]

تسلم ايدج حبيبتي

 

[صوت الناى]

تسلمين يا الغالية علي هالتتبيلة وان شاء الله اجربها
عساج علي القوة
صج صج وايد عاجبتني طريقتج

 

[غروب]

أم منصور
الله يسلمج يارب، ومشكورة على طلتج الحلوه :eh_s(7):

تسلمين يا الغالية علي هالتتبيلة وان شاء الله اجربها
عساج علي القوة
صج صج وايد عاجبتني طريقتج

الله يسلمج حبيبتي، والله يقويج يارب، وإن شاء الله الطعم يعجبج مثل ما عجبتج الطريقة وبالعافية مقدما :eh_s(7):