- إنضم
- 3 مارس 2008
- المشاركات
- 836
- مستوى التفاعل
- 0
- النقاط
- 0
السلام عليكم
امس جربت وصفه حلوة وخفيفة وسهله واهم من كل هذا صحية وماتحتاج مجهود وممكن اتسوين منه كمية وتجمدينها وتستخدمينها اي وقت
عاد ما اعرف احط صور في المندي ولا جان وريتكم شلون صارت
انا سويت ماعون واحد دياي يعني 3 صدور
المهم
المقادير
صدور دياي انا استخدم ابوعلي وايد عجيب
طحين اسمر كامل
بيضة
3-5 ملاعق حليب خالي دسم
ملح
فلفل
بهار دياي
توست اسمر انا استخدم توست مركز السلطان الاسمر مكتوب عليه fiber
زيت رش oil spray
تحصلون الزيت الرش في مركز سلطان في زيرو فات وفي زيت زيتون رش وعادي بدون كالوري
الطريقة
غسلي دياي بشوية خل
عقبها طقية بالمطرقة عشان اذا في اي الياف تتكسر ويصير طري
رشي ملح وفلفل عليها وخليها
بهالوقت حطي التوست بالفرن او شواية على رقم 3 انا استخدم شواية وحمصيه
عقب طحنية بمطحنة البهارات
انا استخدمت 3 توستات + نص ملعقة ملح+رشة فلفل +ربع ملعقة بهار دياي
وخلطيهم وذوقيه وشوفي ملوحته اذا عاجبتج او لا
حطي البقصمات اللي سويتيهم في برطمان ونستخدمينه وقت ماتبين
المهم
خلطي البيضه مع الحليب وهم رشة ملح وفلفل
الحين
حطي الدياي بالطحين بعدين البيض بعدين البقصمات وغطيهم عدل في كل واحد منهم ومتى ماحتجتي بقصمات استخدمي من البرطمان
عقب ماتخلصين
حطي بالفريزير يمسك
دايم البقصمات اي شي تسوينه خليه نص ساعة على الاقل يمسك بالفريزر عشان مايتفتت عندج البقصمات
عقب رشي الصينية بالoil spray ورشي الدياي من صوبين بال oil spray
وحطيه بالفرن حرارة 180
لمدة 15-17 دقيقة طبعا انتي شوفي شطثر يحتاج
انا عندي فرن كهرياء صغير فوايد مساعدني
وسلامتكم
وبالعافية
![[كـالا]](/data/avatars/m/179/179241.jpg?1621061730){kind=avatar}
