دولاب الاكسسوارات

[أم أسامه]

السلام عليكم شلونكم حبايبي أبشركم حصلت أللي تبيع كبت الاكسسوارات لا وحسبته لي بمبلغ حلو مع التوصيل 45دينار وتعاملها وايد راقي وحبوبه لا يطوفكم بالذات اللون الوردي كلمة روووووووعه شوي عليه وشكله بالدار كشخه وهذا رقمها وجربوا يمكن للحين عندها أو خلص 60027299 ولا تنسوني من دعواتكم

 

[ربيع_الروح]

في بإيكيا

بس هالحجي من سنتين مادري إذا يبيعون منه ليلحين ولا لأ

بس مو نفس هالشكل غير

 

[ورقات]

مشكورررره

 

[أم أسامه]

صباحكم ورد إن شاءالله إذا قدرت بحاول أصورلكم كبت الاكسسوارات اللي شريته لونه وردي (( فوشي)) وأبيكم تعطوني رأيكم فيه بصراحة ....

 

[Mjnont '3lay]

^
^
^
جني اشم ريحة دعايه !!

 

[Mjnont '3lay]

بوريج صورة واحد عااااااااااااااااااجبني والله وانشاءالله بسوي عند نجار واحاول قد ما اقدر اكاسره

 

[Mjnont '3lay]

شوفيه من داخل الادرج ملبس مخمل واجد حلو والله باذن الله رح اسويه ..~

نصيحه سوي هذا احلى عشان الدروج اللي تبقى فاضيه تستغلينها تحطين فيها اسكارفات ولا ملافعج

 

[أم أسامه]

صباح الخير أنا حبيت أستشيركم وأقول كلمة حق عن البنت أللي تبيع الكبت وما اعتقد النصيحة أو الاستشاره تعتبر دعاية عموما احترم وجهة نظرج ولا تزعلين ماراح انزل حتى صورة الكبت وشكرا

 

[* قمر الكويت *]

بنات انا طلبته من البنت الي حاطين رقمها ...ب65

لانه بني محروق والا الالوان عندها ب45....

حسيت النجار ما راح يضبطه ولا راح يلبسه لي مخمل ...ومليت من حوسه الاكسسوارات

بس عاد الله يستر منه ان شاء الله يكون قوي وعملي ...​

اول شي ثانكس على طرحج الموضوع اختي صاحبة الموضوع

وام خالد عفيه فيدينا شرايج فيه من خشب وكواليتي ؟؟

يسوى سعره وشغله حلو ولا لا ؟؟؟

واذا قدرتي صوووريه

ناااطرينج فديتج

 

[Mona Lisa]

السلام عليكم

خواتي اللي تحب اسويلها نفسه وشغل نظيف واللون اللي تبونه حياكم ع الخاص

 

[الحـلا يحتويها]

يسوا نطلبه ولا لا​

 

[صمت المرافئ]

شوفيه من داخل الادرج ملبس مخمل واجد حلو والله باذن الله رح اسويه..~

نصيحه سوي هذا احلى عشان الدروج اللي تبقى فاضيه تستغلينها تحطين فيها اسكارفات ولا ملافعج

نصيحة يا اختي لا تفصلينه عند النجار
ما يضبطونه خاصة انه ملبس مخمل
والله تلقين مثله وأحلى منه بمحلات الاثاث بالفروانية
شفت مثله من سنة
واعتقد مازال موجود
يمكن الحين زادت الموديلات
والالوان متنوعة
وسعره من 45 الى 65 دينار
بس شي ... وايد حلو
​

 

[Mjnont '3lay]

صمت المرافئ وين صاير بالضبط بالفراونيه واخاف اروح واتعنى وما القى عاد حسافه خاطري بواحد نفس هذا حلو وعاجبني ويشيل كل الاكسسوارات

 

[yaamye]

انا شاريته ب 29 دينار ترس بالكويت عندي لون وردي ​

 

[غدووور الكويت]

حبوبه من وين شاريته ممكن اسم المحل

 

[صمت المرافئ]

صمت المرافئ وين صاير بالضبط بالفراونيه واخاف اروح واتعنى وما القى عاد حسافه خاطري بواحد نفس هذا حلو وعاجبني ويشيل كل الاكسسوارات

أذا تعرفين سوق الملاك الاخضر ما ادري الأزرق القديم
اللي يم محل عبد الوهاب بالضجيج
اللي بالسرداب ويشترون منه زل وأثاث
تلاقين بظهره محلات منها محل قرطبة
هذي المحلات يبيعون فيها كبت الاكسسوارات
اشكال وأنواع ... مثل اللي بالصورة
المحلات صايرة متقابلة ومغطية بمظلات السيارات
ومواقف السيارات بالوسط
والمحلات متكررة يعني مجمعين أو ثلاثة
ما أدري عاد فهمتي الوصف
حتى إذا تعرفين محل بيتك للأثاث
المحلات لاصقة فيه على جنب
يا رب تكونين فهمتي علي
​

 

[bo7#]

انا شاريته ب 29 دينار ترس بالكويت عندي لون وردي ​

من وين شاريته حبيبتي :eh_s(22):

 

[Lulu_Perla]

و الله خوووووووووووش شي
حدي ابي
انا فكرت بصندوق نفس صناديق الدزة الكبيرة للاكسسوارات يصير جنه خزانة

بس هذا احلى لان فيه مرايا


اللي طلبته شلوووووون الكواليتي يسوا ولا لا..؟؟؟؟؟؟؟

 

[اسرار الكون]

موجود بسيتي ستار العقيلة ب 29 دينار زالت اجره بالمول تبيعك 80 ما ادري مرصع بالألماس وانا ما ادري

 

[أم أنومي]

أنا شريته من سيتي ستار العقيلة ب ٢٩ ابيض ونفس الي منزلته بالصورة وايد حلووو وعملي بس الجرارات صغار وفي منه ألوان