دورولي حل الحين مع هالآدمي اللي بيجنني 

[الأمل لحظه]

السلام عليكم ورحمه الله وبركاته ،،،،


في البدايه ماادري شسالفه بعض المواضيع موراضيه تنزل مع انها عاديه مااشوف فيها شي يمنع انها تنطرح !!!!
ثاني شي والمهم ...
بنات انا بيجنني هالادمي اللي عندي >>>> اللي هو زوجي .. اول شي طبعه دايم يسافر ومتعوده على نظامه هذا بس من عرفته دايم يتشكى مني اني مااشتاقله واني مو مثل الحريم اللي يموتون على سوالف ..... وماتطلبينها وانج غريبه ... وان هذا اللي يخليني اسافر ... ( على فكره سفره دايم بشغل مو خرابيط)
المهم دايم على هالموال من التشكوي وهمن دايم ردي انه هذا طبعي ومرات ارقعها اني استحي واني من النوع الحيوي مع اني مدري شسالفتي صج صايره بارده من بعد الولاده بشكل مو طبيعي وزادته حبوب المانع خلتني طوفه مره وحده !!!!


اللي صار اني بعد هذا وعيت على روحي وقلت اصحي يامره لازم تسوين شي لا يضيع الرجال منج وتروحين فيها ،، وفعلا اشتغلت على روحي وصرت اثقف روحي واتعلم شلون حتى لو ماابي الشغله احاول اسويها غصب بصدر رحب وبدا يبين فيني التغير بشكل واضح حتى نفسيتي تغير ورحت وغيرت بكل شي حتى ملابسي بالبيت وغرفتي وقمصان النوم كلها غيرتها عشان ينتبه اني كلش مو الاوليه ،،،،،
كل هذا اوكي ..



المصيبه اللي صارلي بعد كل هذا الرجال قام يتنحش مني ويقول انتي شفيج شصاير فيج شماكله >> قلت له لاني قبل كنت اكل حبوب والحين ترمتها ورديت انا الاوليه ..
بس صج ماقام يناديني مثل اول ولا يبين عليه الشوق اللي قبل !!
عجزت افهمه هالرجال !! شلي المفروض اسويه ؟؟ من اللي مرت عليها هالحاله

مرات احسه يتغلا ومرات احسني صج مااستحي لو قاعده على ثقافتي المتواضعه كان احسن 

 

[أم ريم]

و الله هذا طبع الرياييل ما يترس عينهم إلا التراب

 

[أم ريم]

بعدين يمكن انتي كانت نقلتج قوية ما ييتيله بالتدريج فالظاهر الريال لي الحين مو مستوعب الوضع خلج مثل ما يبي بس على الخفيف

 

[ماني من الناس]

قعدي معاه وفهمي منه شصاير

 

[شادن33]

هههههههههه
زالله ضحكتيني
حلوه هذى انتي شماكله
المفروض يستانس مو اهو اللي كان يلمح الله يهديه
ولا انتي يمكن انهديتي عليه فجأة خخخ
والريال اخترع
خليج بالوسط عشان لايكش منج
يعني خليج غامضه اشوي في هالسالفه بالذااات
عشان اذا يبي اهلا وسهلا اذا لا خير وبركه

 

[لمى الهاجري]

موشرط بالملابس والزينة الريال بعضهم يحبون وحدة جريئة تطلب حركات فهمتي علي

 

[mrs.perfect]

وااااااي
ريلج صج يحير
بس هم ترا الرياييل الذربه مايحبون اللي كلش تفصخ الحيا ولا اللي مقطعه الحيا
يحبون بين وبين
يعني اذا طالب منج شي غريب وانتي راضيه مو على اوكي حبيبي ولا يهمك
لا تغلي بدلع انج ودج بس مستحيه يعني لاتعطينه الاأ املك ولا اللي افا عليك
خليها بين وبين

خليه يسعالج شوي بس بدون لا تهدين حيله

بس زين ان الحمدلله ريلج صريح ومانحاش برره يدور اللي يبيه بهالعذر
فحمدي ربج واقري المعوذات ترا في حريم شايفين الويل من رياييلهم وبالنسبه لهم انتي عايشة بنعيم فديري بالج

 

[Patcholli]

وان هذا اللي يخليني اسافر ... ( على فكره سفره دايم بشغل مو خرابيط)

عذر اقبح من ذنب ..!!
اسمحيلي جذاب يقولج هالكلمه ..!!

الحين اهو يقولج شغل صج يعني مفروض متى ماطلعله شغل يسافر ..!!
بس شكو يرقع ويقول ان السبب انتي عقب ..؟؟
ليش اذا سافر شنو راح يسوي اهناك يعني عشان يلهى عن وضعكم ؟؟

حبيبتي بطلي عقلج ولاتصيرين غشيمه ..!!
يسافر عشان سفر ولا يسافر عشانج انتي مافهمنا ..؟؟

 

[قموووره]

اي حبيبتي عادي اغلب الرياييل يحبون يطلعون نفسهم الفلته الخطير وعندهم علشان اثبت هذا لازم ادور خلل فيج وممكن يكون فعلا يطمح لحياة زوجيه افضل الي صار انه تفاجا انه مو قد كلامه خخخخخ وايد رياييل جذيه توهق البطل وقام اهو الي يتنحش اهو مستانس اكيد لمه غيرتي من نفسج بسً بالعربي الريال انهد حيله او تعب علشان جذيه الحين قام يتنحش
قوليله مو انت كنت تبي جذيه؟شفيك الحين ؟ طبعا هالسؤال راح يكون دقره له ههههههه
الريال مهما تسويله يتعنفق انتي ثقلي عليه شوي يعني مو نفس اول ولا الحين خلج وسط
وقوليله الي يقط كلام يا يكون قده يا مايقوله ههههههههه لان انا كنت اقول حق ريلي جذيه خخخخخخخ ​

 

[شادن33]

قموووره كفت ووفت الجدعه

 

[مكتومه]

ترى مو بس زوجك اتوقع في ازواج << عندهم نفس النظريه لا عطيتيه صار يتنحش ويتغلى ويدلع وان صديتيه او مو صديتيه يعني اذا صار مو بالج ها الشي حط فيج عيوب وقال بارده وما ترضين ماتهتمين .. انتي زي ماقالو البنات خليج وسط .. وحتى اذا صرتي وسط برضو مو عاجبه <<

ترى زوجك بدايه زواجنا مثل زوجي بالضبط .. يعني الوضع بيتغير ان شاء الله ومع الوقت بتفهمين نفسيته

والله يساعدج

 

[قموووره]

قموووره كفت ووفت الجدعه

هههههههه ضحكتيني
ياعيوني​

 

[قموووره]

والله مكتومه انا عطيته درس ولعنت خيره قتله مو انت الي تبي جذيه ؟انا مو على كيفك !
لان قبل كان يهددني ويقول مره وحده ماتكفيني قلت ولا اهدك وهديته وقم ياخذ حبوب خخخخخخخ حتى الي كان نافش ريشه ويبي يتزوج علي قالي ترى انا مو قدج قتله اي لمه تقط كلمه خلك قدها ولا لا تقطها وبس تادب الريال ورجعنا طبيعيين ​

 

[Gifts&Occaions]

الله يعينج

 

[زوجة عزيز]

حبيبتي تجربي منه راضيه بكل الطرق شكله وايد حاط بقلبه عليج او كان محتاج لج وانتي رديتيه ترا الريايل يتغيرون بسرعه ومايتحملون المرا اللي تردهم الله يسخره لج

 

[سوسو حبيبتى]

قموره هههههههههههه صادقه

وضحكتني والله

انا اسووي نفسك اقول له بس كفي بيتك الاول وبعدين اتجوز هههههههههه احبطه ويتلم ويسكت

حبيبتي صاحبه الموضوع خليكي وسط

وحقريه ااى حقريه بس بالعقل

يعني كلميه بس خير الكلام ما قل ودل

اعملي له اكله وشربه ونظفي بيتك بس باعتدال مو تزودي ولا تنقصي

لبسك خليه عاادي زي الاول واحيانا بدلي والبسي الجديد يعني باختصار جننيه


خليه يقوول فى سره مالها دي؟؟

الرجاله يبي لهم حيل وغموض

وشوي شوي هاتتعلمي وتعرفي طريق ومفتاح جوزك وساعتها هاترتاحي

 

[أكذب عليك]

خير الامور اوسطهم 
لابغاج بيجيج لاتحاتين ولاجاج تقدرين تخلينه يستمتع
غير جذي لاتعطين اكثر من عمرج

الوجال لابغا شي يبين عليه ومايستحي انه يطلبه عكس المرا
بس عادي خلي يستمتع معاج موشرط تبينين انه لازم يصير شيسمونه
يمكن يبي شغلات رومنسيه


وانتي ادري بزوجج ياعمري

 

[تبيني آرضى عليك]

آآآآآآآآآآآآآآآآآآآب

 

[حبيبي مالكني]

مرة جربي منه ومره بعدي
يعني ريلج مايحب الروتين جددي

 

[جذابه بنت ذيابه]

اعرفي شخصيته حلليه اعرفي شنو يبي شنو يحب !!

وعامليه مثل ما يبي و عطيه حقه وزود ..