دورات لتعزيز الثقة بالنفس؟؟؟

[قلب راشد]

فعلا الخوف أو الرهاب الاجتماعي

عندج التوست ماستر اللي بالرميثيه يعالج هالحاله

واذا تبين دورات فيه مركز الراشد أو مهارات أو نادي ألوان أو نادي كيزين

وأي مساعده انا حاضره

 

[قلب راشد]

والحين بنزل لكم موضوع عن الرهاب الاجتماعي ان شاء الله يفيدكم

 

[قلب راشد]

نزلت الموضوع

هذا اللنك

http://www.q8yat.net/showthread.php?p=5570256#post5570256

 

[Miss LiLi]

امبي بنات حتى انا ... امبي كسرت خاطر روحي ... عبالي بروحي و ودي اروح مكان بس استحي اتكلم مع احد غريب عن هالحاله اللي فيني... اذا في احد غريب ياينا كله ارجف حتى اذا رحت بيت احد و ما اعرف اروح السوق بروحي و استغرب الناس تطلعني و كله اتخيل اني وانا قاعده امشي بطيح و احس اني هيلقيه و ما اعرف البس و استغرب البنات يسئلني عن لبسي و شيلاتي و بس وحده تسئل شكثر يتيمعون ... امبي شسوي ؟؟؟ شالحل ؟؟

 

[LadyBug]

السلام عليكم....اسمحولي هذي أول مشاركة لي في هالمنتدى الرائع

حبيت أفيدكم وأعطيكم نبذة عن التوست ماسترز
هو عبارة عن دورات للثقة بالنفس وتنمية الذات تأسس عام1924في كاليفورنيا بأمريكا
وتوسع وانتشر في العالم ويوجد حوالي 19 مركزفي الكويت ظهر لأول مرة في الكويت عام 1998
هو برنامج تطوعي القبول فيه حسب العمر من الصف العاشر فما فوق. يعلم القدرة على قراءة الناس والقدرة على ترتيب الأفكار والإنصات .وأنا شخصيا حضرتله مرة وعجبني وان شالله أسجل فيه لأني مثلكم . وطبعا على حسب اليوم الي يناسبج تختارين والوقت الي يناسبج فقط من 4.30إلى 6.30 ومن 7.30 إلى 9.30 مساء والشهادات مصدقة من أمريكا وممكن تحضرون كضيوف في البداية للتعرف على البرنامج. أنا المركز الي أروحلة عنوانة بالرميثية ق 2 بجانب مدرسة أبو تمام م.ب .
أتمنى إني فدتكم وشكرا .:eh_s(6):​

 

[AnaQ8tia]

بنات انا كنت مثلكم بس الحمد لله أخذت دوره عند د.ليلى الربعي الله يجازيها خير الحين صرت من أفضل ما يكون .... لا تيئسون وتقولون ماكو فايدة او الطريق طويل أو صعب ترى مافي شئ صعب اذا الانسان قرر وهو متاكد في داخل قلبه ان الله سبحانه وتعالى ما راح يخذله ...