دورات لتعزيز الثقة بالنفس؟؟؟

[q8ia_cutaa]

صباح الخير بنات

بنات منو تعرف اماكن يسون دورات حق الثقة بالنفس؟ طبعا غير منى الغريب

لاني صراحة انا من عمري ماعندي ثقة والحين زايدة الحالة..

استحي من الناس .. استحي اسولف اخاف اقط شي غلط واتفشل وينقص ويهي

وانا حالتي تقريبا تشابه حالة LULITA ماعندي ثقة بنفسي واذا شفت احد يضحك احس انهم يحشون فيني

بس مو دايما ساعات وساعات ... ولما اشوف نفسي حلوة وجذي اتنح بعدين واقول الحمدلله والشكر صج انج ثقة لووووووووووووول

بس الحمدلله قاعدة اسنع من شكلي الحين بين دايت وكريمات ودكاترة للجلدية وجذي

بس ناقص هالثقة هذي مو راضية اترد

فمنو عندها فكرة عن الدورات هذي


وادري هذرت عليكم وايد :tomato2:

وثاااااااااااانكس

 

[دلعووووه]

قووووه حبوبه
وانا بعد مثلج لما اسولف اقط بدليات واخاف ساعات ومن المستحه ساعات احس راسي يدور
ياربي ساعات ارجف من المستحه وربي يضيق خلقي ماعندي ثقه بنفسي
قبل 3 سنين يوم تزوجت طارت هالمستحه بس يوم انفصلت ردت حليمه على عادتها القديمه :0bee2e8d89:
ابي اعالج من المستحه والرجفه ابي اصير اجتماعيه ابي اقعد مع الناس بس اخاف شسوي

 

[حرة الحرائر]

ربي يوفقكم وتحصلون اللي تبونه

إلا ،،، دلعوووه

ليش ما تستقبلين رسائل خاصة ؟؟

 

[vogue grl]

وناسه انا موبروحي انتي نفسي

 

[q8ia_cutaa]

دلعوووه

جنج انا لووول بس انا مو متزوجة ولما اتوتر جسمي يعرق خاصة جف ايدي واصييير حمممممممممممرة

الله كريم بس


اخت حرة
مشكورة على المرور

vogue grl

لوووول اي ماطلعت بروحي بعد اكو بنات وايد اظاهر جذي
الله يعينا :q

 

[Eng.shosha]

والله انا صرت نفسج انا ما كنت جذي كنت اجتماعيه وبسرعه اكون صداقات
ألحين صرت أستحي من الكل أخاف اتكلم ويتطنزون علي

 

[دلعووووه]

ربي يوفقكم وتحصلون اللي تبونه

إلا ،،، دلعوووه

ليش ما تستقبلين رسائل خاصة ؟؟

امبلا حبيبتي استقبل رسايل خاصه
ليش ماصار عندج ؟؟

 

[دلعووووه]

وي بنات صرنا شله نفس حالات بعض
تصدقون من ازور بيت ناس يعني مثل بيت عمي ولا خالي
يقدمولي شاي ولا عصير استحي ما اخذ لأني ادري ماراح اشربه راح ترجف ايدي
انا عارفه هالاشياء هذي كلها بتروح لما اتزوج لأن صج وقتها راح الخجل بكبره وصرت ريلاكس
بس دايم اراقب البنات اللي معاي بمدرستي اشوفهم يتكلمون عادي ويسولفون
واشوف حالتي من قلب يضيق خلقي ودي اتغير بس ماني عارفه حتى اختي اللي اصغر مني بسنه
نفس حالتي وصار معاي فوبيا الاماكن المرتفعه وايد صرت خوافه اوف صج شي متعب :0bee2e8d89:
الله كريم

 

[نيولوفر]

عندج مركز صلاح الراشد يسوون دورات وااايد مفيدة وفي بعد د. ليلى الربعي اللي بقرطبة واااااايد يمدحونها

 

[رشيقه]

انا كنت نفسكم بس عالجت نفسي بنفسي

والحمدلله صرت طبيعيه

هالحاله اسمها

(( الرهاب الاجتماعي ))

بحثوا عنها بالنت و بتلاقون الحلول و العلاجات الي تقدرين اطبقينها بنفسج

واي مساعده انا حاضره​

 

[ام حمود 81]

ايي اسمها ( الرهاب الاجتماعي ) قريت عنها و انيت منها بمراهقتي و الي طلعني من هالحاله لما توظفت و وجدت ذاتي بالشغل و تغلبت على انعدام الثقه هذا

والله يوفق الجميع

 

[الزين 83]

وناااااااااااااااااااااااااااااااااااسه يعني مو بروووووووحي بس انا على حسب المزاج الثقه عندي
يعني مراااات اكون كاااشخه وانا الكل يقولون عني حلوووووووه بس انا مو مصدقه وماعندي ثقه بنفسي ابي اشوف نفسي حلوه ماقدر وعندي بنت خالتي تعرف الحاله اللي فيني شافتني مره بزواره وانا كنت واثقه من نفسي حييل بس قالت لي ليش شكلج جذي مو حلوووو اليوم انتي مو شي انا صدقت وبالزواره نفسيتي خايسه وابي ارجع البيت بسرعه مع ان الكل كان يمدحني
وبعدين دقيت عليها بعد مارديين من الزواره قلت لها صج شكلي مو شي ماتت من الضحك قالت لي اضحك علييييييييييييج.
الحل: ابي تكون عندي ثقه بنفسي حتى لو قالولي انتي مو حلوه ابي اطنش بس ماقدر


وابي الدوره ضروري

 

[q8ia_cutaa]

هلا بنات ومشكورين على الردود وانا فيني من كل وحدة شوية لوووول يعني انا اكثر منكم

الزين 83
امبي جنج انا مرة بعرس ولد اختي كنت مسوية بدلتي نسخة ايلي صعب بالصدفة لقيت الخامة نفسها والكلف وخيطتها وطلع واااو وكنت صابغة شعري اشقر وحاطة ميك اب عند عبير الياسين ووكنت طالعة شحلاتي وكنت حيل مستانسة بس يتني وحدة جان تقول بدلتج جنها مالت الهنود @@ جان اصدقها وبين علي اني ضاق خلقي حتى مارقصت لووووول

اذا عرفتي شي عن دورات مني مناك علميني لاتنسين لول

 

[SILVER ROSE]

في كتب بجرير
او نوادي التوستماسترز

 

[q8ia_cutaa]

شنو نوادي التوستماسترز؟

احس جنها كاكاو ميلتيسرز لوول شكووو

 

[q8ia_cutaa]

up

up

up

 

[yam_yam]

مالج غير التوست ماستر روووووووووعة انا حضرت و ششفتهم بنفسي

 

[q8ia_cutaa]

هاي اختي يم يم

شنو التوست ماستر ماعرف عنه شي ؟؟ مال شنو

 

[تعب-قلبي]

نفسي انا ماكو ثقه واخاف اتكلم اقلط بشي
ابي دورات وين بالضبط

 

[ام مهدي الحلوه]

اي والله انا بعد نفسكم
مرات اتنازل عن حقي عشان المستحه الزايد عن اللزوم الي فيني
حتى ولدي بالمدرسه ما اقدر اروح اكلم الابلات من كثر ما استحي
عفيه اذا لقيتو مكان قولولي خلا ادش معاكم
و مشكـــــــــــــــــورين يا احلى كويتيات