دود الراس

[انا البطه البلديه]

السلام عليكم بنات شلونكم ان شاء طيبين

بناتانا ما ادري موضوعي في مكانه الصح والا لا

بغيت اسال احد منكم سمع عن احد فيه دووود بالراس
ا
معانا وحده بالمستشفى فيها دود بالراس سووا لها اشعه بالراس وقالوا انها فيها 3 دودات بالراس ووحده منهم انفجرت

الله يعافيكم اللي سمعت تقولي بسرعه

 

[كنت هناك]

اااااااااااااااااااااااااااااااااااااااااااخ استغفر الله كش شعر جسمي

 

[كنت هناك]

ودي اسوي اشعه حق راسي بس المتوصف موراضين لان يحوشني مرات عوار موطبيعي واحس مثل الماي داخل راسي

 

[للحين ناطره]

وااااااااااااي الله ايشافيها
مادري اول مره اسمع
دوري بقوقل
انا ماقدر ادور اخاف اشوف مالايسر

 

[انا البطه البلديه]

الله يسلمكم من الشر يا حياتي بس ما جاوبتوني محد سمع عن جذيه حاله وتعالجت

ودورت بقوقل يطلعلي دود الراس اللي بالخروف ؟؟؟؟؟؟؟؟؟

 

[بوابة الهدايا]

الدود الراس ينتقل من المعدة تكون معدتها فيها مرض مثلا التهاب او فيروس وما عالجته يروح هالدود الى بلعوم ومن بلعوم يروح جيوب الانفية وبعدين الى الراس اهنيه تسبب هزالة بالجسم وكثرة النوم وتطور الحالة وما عالجته يؤدي الى الوفاة


المعدة بيت الداء والدواء مو كل شي ناكله يعني الاكل لازم ناكله نظيف والخضرة والفواكه نغسلها عدل
نبتعد عن اكل المطاعم الي ما اييب غير المرض مثلا هارديز وربعه

احسن علاج حق تطهير المعدة والامعاء من الدود
قشر الرمان اما تاكلينه طازج او تاخذي المجفف وتغلينه وتشربين مايته او مطحون تاخذينه مثل اللهوم او تشربين مايته

 

[انا البطه البلديه]

صاجه اختي بوابة الهدايا الدود ايي من الغسيل اللي على الماشي للفواكه والخضار بس انا سامعه دود بالمعده اوكيه بس بالراااااس اول مره نسمع

 

[ام التاريخ]

الله يشافيه

 

[الدفا 1986]

الله يشافيها انشالله و بوابة الهداية صاجة وهم بعد يجي اذا اللحم ما نطبخ زين .... الصراحة انا قارية قصة وحدة امريكية في براسها دود بس كان السبب من لحم الخنزير و انتو بكرامة لان لحمه متروس دود حتى اذا انطبخ ما يموت بس لحم العادي هم بعد فيه بس ينظف وبعد الطبخ الزييييين
وما تشووفون شر

 

[بسم الله علي]

رد : دود الراس

امبلا سامعه بنت جيرانا حاشها عمى من دوده براسها ..
توها جاهل يقولون من كثرة الوجبات خاصه هارديز ..و الخس ما ينغسل عدل
والله يشافي كل مريض يارب
وانتي لا توسوسين حبيبتي مافيج الا الخير

 

[انا البطه البلديه]

ياحياتي مشكورين و ما تقصرون على الردود

وللعلم مو انا اللي فيني الحمدلله هذي وحده منومه معانا بالمستشفى

وعسى الله يشافيني ويشافيها ويشافي جميع مرضى ومريضات المسلمين

 

[غرقانة بالحزن]

رد : دود الراس

لا حول ولا قو ة الا باللة
كل يوم نسمع عن مرض غريب عجيب
اللهم شافيها وارحمنا يارحمن يارحيم