دوانيه شلة منتظرات نتيجه عملية اطفال الانابيب والحقن المجهري

[منوة الزين]

انا رحت اخذ ابرتي وتمشيت بسياره .. صج حكرة البيت توتر وتضيق الخلق


يارب تصبر قلوبنا وتبشرنا بخير ..

 

[H.al]

انا ابرة اسيوله كل ايوم اقزها بالطبيب اخاف اغزها بروحي ومنها طلعه بس انا ريلي يوديني بعد مايطلع من دوام

 

[مش حائول]

ودي اسوي اختبار منزلي واخاف اتضايق
يابنت تعوذي من ابليس وانتظري الاربعا هانت ان شاءالله

 

[H.al]

مش حائول تعوذي من ابليس هانت مابقي شي على يوم اللربعاء والله يطمن قلبج وقلوبنا ياري ويرزقنا ويرزق كل محروم

 

[منوة الزين]

اما اخذها باالبيت السيوله .. لانها تحت الجلد

الي بالعضل لازم مستوصف ..


الله يأجرنااا

 

[منوة الزين]

اللهم اني اعوذ بك من زوال نعمتك وتحول عافيتك وفجاءة نقمتك وجميع سخطك

 

[H.al]

ابر سيوله تذبح ومن بعدهم ابر التثبيت ان شالله بكل ابره تكون لنا اجر من رب العالمين

 

[nonlove]

الله يهون عليكم هالايام ويكتب اللي تتمنونه يارب.... أول مره اسمه باب السيوله والتثبيت والله يكتب لكم الحمال يارب... ولا مره سمعت عن هالاخبار بس ان شاءالله خير و تحملون يارب

 

[BARBI]

نون ضروري تاخذين ابر سيوله
التثبيت عادي لانه التحاميل هي مثبت ..
وحبوب دفستون همن مثبت ..
وبعد ما تتآكدين من الحمل وتسمعين نبضه ضروري
تاخذين المثبت ..

في دكاتره يفضلون المثبت من الاول وفي دكاتره يقولون نتآكد من سلامة الحمل ونسمع النبض بعدين يعطون ابر المثبت ..

بالنسبه لابرة السيوله توصل الدم للجنين .. (( تغذيه ))

إن شاء الله في المحاوله الجايه يصرفها لج الدكتور ..

 

[nonlove]

باربي شلونج وشلون بيبج...... اصلا انا كلش مو مقتنعه في هالدكتورة بس القدر وداني لها وهذا الللي الله كاتبه.... بس اللحين مامي عارفه اروح رويال عند مرت ناصر العازمي وله رائدة اعتقد بالسيف حتى هنوف الصميط بالسيف.... ماني عارفه بس راح اروح اقابلهم قبل لأن بعرف شلون طريقه المراجعات وبدون لا أذكر اسم دكتورة فوزيه راح اقول الأشياء والسلبيات اللي ما أعجبتني والله يسهل يارب يارب..... والله انا الشيطان دخل قلبي من لمه شفت مالت الاجنه خذت كتابها ونزلت حق الدكتورة تقول لها ماعندها اجنه الا 1 من خمسه مع انه كانوا قايلين لي عندج 5 درجه اولى بس استغفرت وتوكلت أمري لله والحمد الله رب العالمين

 

[BARBI]

ماعليه كله خيره ... حبيبتي الواحد مايدري شنو يصير معاه ..
شوفي بالنسبه لي انا رحت لناصر ورحت لرائده واستفسرت عن
كل شي وطلعوا نفس البرنامج والعلاجات والابر بالنسبه لحالتي انا وريلي
ورائده عندها شي زياده اللي هو مغذي كنت اخذه كل اسبوعين ..

الفرق بينهم السعر بصراحه الدكتور ناصر زياده عن رائده الف وشي

مثلا العمليه كلفتني 4000 وشي عنده هو 5000 ...

واهم شي نون لوف تسئلين عن المختبر نسبة نجاح العمليه عندهم بمختبر رويال جم وعند السيف جم ..

لانه طفل الانابيب يعتمد على المختبر اكثر من الدكتور ..

 

[nonlove]

اي والله كل شي خيره... بسالج اللحين رائدة بالسيف؟.. ودكتوره عاليه اللي عندها عيادة بالمهبوله؟و دكتورة رائدة اهيه اللي تقابل و له المساعدات؟..... انا ابي مثل قبل كان كل مواعيدي دكتور حتى النتيجه يقولها دكتوري حقي ومايقطوني على المختبرات..... والله يثبت مافي ارحامكم يارب

 

[مش حائول]

انا ماعطوني ابر سيوله بس استخدم جوسبرين مدري اذا نفس الشي

 

[مش حائول]

نون انا قبل دكتور اكلمه وبرد علي الكلام قبل ٤ سنين والحين اشتهر وزادت الزحمه حط منسقه ترد علينا انقهررت اقولها بكلمه قالت ممنوع والمصيبه تتاخر بالرد بحجه زحمه مقدر ادخل عليه ومره قلت تكدبين هدا مو كلام الدكتور وراحت عنده سجل صوته وارسلته لي يعني مافي فايده مكالمه مايكلم

 

[BARBI]

اي والله كل شي خيره... بسالج اللحين رائدة بالسيف؟.. ودكتوره عاليه اللي عندها عيادة بالمهبوله؟و دكتورة رائدة اهيه اللي تقابل و له المساعدات؟..... انا ابي مثل قبل كان كل مواعيدي دكتور حتى النتيجه يقولها دكتوري حقي ومايقطوني على المختبرات..... والله يثبت مافي ارحامكم يارب

اي الدكتوره رائدة بالسيف اختها عاليه اللي عيادتها
بالمهبوله / اذكر اول مره دخلت على الدكتوره قلت انا
ابيج انتي تعابيني مابي اي دكتوره ثانيه مع انها كانت
تمدح بالدكتوره المساعده بس لما يقولولي الدكتوره المساعده
هي اللي بتقابلج ارفض .. وفي مرات يقولولي
الدكتوره المساعده راح تشوفج ارفض ..
بالنسبه لنتيجه انا مانطرت يدقون علي سويتها
بمختبر عندنا وعطوني النتيجه ..

 

[H.al]

هلا والله نون انا باول عمليه كنت اخذ ابر مثبت يوم سويتها بدبي ودمتور ماسمحلى اركب طياره لا بعد ثاني ابرة مثبت اول وحده بعد ترجيع على طول قبل لا تحرك وثاني اتذكر قزيتها وثاني يوم سافرت ودكتور ناصر نفس طريقه قبل لا نتحرك من مكانا يقزونا ابر تثبيت بمعلياتي لي قبل دكتوره ماعطتني الابر وفشلة عمليه بالاخير اهي كتبت ربج

انا نفسج عقب فشلي بعمليتي سابقه مو أبخص بدكتورتي احبها وان شالله اذا الله كتبلي حمل براجع عندها بس مو تخصصها طفل الانابيب يبي دكتور متمرس ومختبر متتطور بصراحه ودكتور يسوس شغله بنفسه
انا نفسج يوم رحت حق دكتور ناصر يوم طلعت نتيجه فحص اني مو حامل قتله انا اساسا رافضه اسوي بالكويت بس ريلي مايبي نرد نسويها بدبي لان هنى مافي مهنيه بدبي كان دكتور بنفسه عندي رقمه ويعني دكتوري بدبي من رواد طفل الانابيب وصاحب افضل مختبر بشرق الاوسط والله كرمنى بوقتها اهو اشرف على حالتي وعطاني رقمه ورقه مسؤله عن حالتي وعندها ملفي يوم مراجعتي دش معاي وطلب منى ان سونار مره تسويلي مو اهو اهو كان يشوف شاشه ويقولها تتحرك يمين يسار فوق تحت وريلي معاي قاعدين وحبيت ان احترم هذا شي وقدره معنه كان يقدر يحولني على دكتوره بمركز عنده
قتله مشكلتي مع دكتورتي لي سويت عندها ان اول شي استقبال مالها ضايع سستراتها كلش مو متعاونين تطلع روحي عشان اعرف نتيجه تحليل واذا عندي اساله لا الاستقبال يرد على ولا ممرضات قتله انا ابي تعامل مع شخص مسؤل عشان يرم تفشل نعرف وين خلل صار حتى يوم سحب سحبت وطلعت مانطرد اقعد من بنج تطمن ولا دريت جم جنين تكون ادق على عياده يقولون دقي على مختبر لي يوم خامس محد قالي متى الارجاع ادق ترد مساعدتها تقولي عادي نرد بسادس واساس معروف الاحنه ان مانرد بيوم خامس تموت كانت تجربه متعبه نفسيا اكثر من نتيجه فشل
الحمدالله طلع دكتور ناصر نفس نظام دبي وبصراحه افضل منهم بعد وحط بعين الاعتبار كل ملاحظاتنا وللأمانه عمرى مادزيتله مسج مارد على خلال نص ساعه وحتى يوم الارجاع كنت وايد تعبانه حراره ومغص كان كل شوي يدز مسج يطمن وطمنى ويوم وصلت مستشفي نزلوا حرارتي ورتحت ويوم طمن كل شي تمام سوا الارجاع وهم ماطلعت مبجر تطمن اني زينه حبيت اهتمامهم بكل شي
انا اسمع عن مختبر السيف قوي مال مختبر مالهم محمد فراس انا من بعد تجربة مع دكتوره اقتنع ريلي ان ريايل بهل مجال اشطر

 

[H.al]

بالاخير كل شي زرق من الله ودكاتره اسباب الله حطها لنا
يارب بداية يومك هذا مثل مابشرتني بخبر حلو تمم على وبشرني بحملي وحمل كل من تتمني الضنا ياكريم

 

[منوة الزين]

اللهم أني أسألك بأن لك الحمد لاأله إلاأنت المنان بديع
السموات والأرض يااا ذاالجلال والإكرام ياحي ياقيوم ان
ترزقـــــــــــني أنا وأخواتي بالحمل الثاااابت التام 9 اشهر
واقر اعيننا بذرية صالحة باره
وصلى اللهم على أشرف الخلق سيد المرسلين محمد
صلى الله عليه وسلم وعلى أهله وصحبه أجمعين

 

[H.al]

اللهم أمين يارب فرح قلوبنا واكرمنا بكرمك ياكريم يارحمن يارحيم
منوه الزين شلونج اليوم بشري شنو احساسج

 

[منوة الزين]

هلااا h

ماكو شي ... وراضيه بقضاء ربي وحكمته ..


الحمدلله