دوانيه شلة منتظرات نتيجه عملية اطفال الانابيب والحقن المجهري

[فنر 7]

طرشيلي رساله خاصه

 

[ماي الورد]

ما اعرف ارسل دخلي علي انتي

 

[املي في الحياة]

هلا بنات شلونكم شخباركم انا اليوم 11 من ترجيع الاجنة ونزل علي افرازات بنية والله خايفة ماادري دورة ولا شنو طمنوني بنات منو صار وياها جذي
ربي لاتذرني فردا وانت خير الوارثين

 

[ملح مكتت]

هلا بنات شلونكم شخباركم انا اليوم 11 من ترجيع الاجنة ونزل علي افرازات بنية والله خايفة ماادري دورة ولا شنو طمنوني بنات منو صار وياها جذي
ربي لاتذرني فردا وانت خير الوارثين

حبي خلي ايمانج بالله قوي انا بالحملاين اللي حملتهم علامه التثبيت كان نزول الدم بس مو وايد من الغامج ويفتح لين يروح الله يبشرج بالحمل بارب

 

[املي في الحياة]

امين حبيبتي الله اسمع منج

 

[ماي الورد]

بشاره خير ان شاءالله نزول الدم انا جذي نزل دم بني بعده احمر وطلعت حامل الله يفرح قلوبكم

 

[ماي الورد]

بحط لج الرقم اهني
ام محمد 65506544

 

[فنر 7]

مشكوره حبيبتي ماي ورد ماتقصرين


اختي املي في الحياه بشري عنج

 

[املي في الحياة]

هلا حبيبتي فنر7 شلونج شلونكم بنات
انا اليوم رحت سويت التحليل وانا عارفة النتيجة لأن من يوم 11 من الترجيع وينزل علي دم الحمدلله على كل حال
مافي خير هالمرة والله اكتب نجاحها المرة الجاية ان شاء الله
الله ارزقكم وارزقني عاجلا غير اجل

 

[ماي الورد]

فنر7 اذا كلمتيها وشفتي علاجها واسعارها بلغيني ودي اراجع عندها واخذ من اعشابها لكن زوجي رافض نهائيا
املي لا تيائسي يمكن مالج صالح فيهم الاجنه
والله يكتب لج الخير في المره الجايه

 

[فنر 7]

الله يعوضج كل خير يا املي بالحياه
ويكتبلج الحمل السليم عاجلا غير اجل


ماي ورد انا ناطره الدوره تيني واكلمها

 

[Moonyadel]

السلام عليكم شلونكم حبوبات انا عملت ارجاع اجنة مجمدة يوم الخميس ونزل علي دم يوم الجمعة بس اذكر الدكتورة قالت لي عنق الرحم ينزف لا اتخافين اذا نزل دم لانج تاهذين اسبرين المهم اول ثلاث ايام كنت احس بالام دورة بس اليوم اخف اتجيني نغزات عند المبايض وخصوصا اليسار وحضرتي ما اعرف اقعد مكاني وايد بالذات دايما حصرانة وانتو بكرامة ورايحة رادة ع الحمام واتحرك بس حركة خفيفة مو شغل بيت بس امشي شوي وارد انام ع ظهري او جوانبي خايفة حدي احس لو ماثبت ريلي راح يقول بسببي

 

[ماي الورد]

الله يسهل لج هالمره واعراض عن اعراض تختلف وان شاءالله تكون بوادر حمل بس تجنبي الانفعالات وكثري من الماي والخيار

 

[Moonyadel]

الله يسهل لج هالمره واعراض عن اعراض تختلف وان شاءالله تكون بوادر حمل بس تجنبي الانفعالات وكثري من الماي والخيار

مشكورة حبيبتي ع الرد انا اليوم 11 بعد الارجاع الالام خفت بس نغزات في جنبي اليسار والم في الريل اعراض ماقبل الدورة يعني صارت اوضح باجر تحليلي احس متطمنة بس اتجيني فترات خوف وبجي ابجي مقدما انه يمكن مايتم بس الله كريم يصبرني هاليوم اللي احسه راح يكون اطول يوم في الانتظار

 

[فنر 7]

الله يسهل عليج يارب ويبشرج باللي يسرج

 

[ماي الورد]

ان شاءالله خير ربي يتمم لج فرحتج بخبر حملج ان شاءالله ويرزقج بلي تتمنينه

 

[Fashion]

الله يبشرج باللي تنتظرينه ويفرحج يارب

 

[Moonyadel]

طلعت نسبة هرمون الحمل في اليوم 12 بعد الارجاع 4.51 قالو لي منخفضة وماكو حمل الحمد لله ع كل حال

 

[فنر 7]

الله يعوضج بكل خير يارب
بنات ليش ماكل وحده تكتب برنامجها اثناء العلاج وبعد الترجيع

 

[ماي الورد]

صح كلامج فنر يستفيدو الكل من التجارب