دوانيه شلة منتظرات نتيجه عملية اطفال الانابيب والحقن المجهري

[Katkoota85]

صباح الخير عالحلوين

عساكم كلكم بخير ..


منى صح كلامج عندهم هالسوالف .. بس اللي شفتهم كلهم بويضاتهم والنطف من ازواجهم يعني نفس طريقتنا

وماشاءالله نسب النجاح عندهم عاليه للحين ماشفت وحده فشلت عمليتها .. انا اتوقع ادويتهم احسن من عندنا ويمكن
في تقنيات تزيد النجاح اكثر من عندنا والله سبحانه مسبب الاسباب

 

[prettylady]

سلام شلونك
ارتفاع نسبة النجاح بطفل الانبوب للاجانب يرجع لسببين الاول انهم اكثر تطور منا
والسبب الثانى كونهم غير مسلمين فهم ممكن يستخدمون بويضه لوحده شابه ويلقحونها ويرجعونها برحم وحده عندها مشاكل بلانجاب ككبر السن مثلا
او يلقحون البويضه بحيوان منوى لمتطوع ان كان الزوج يعانى مشكله بلانجاب بلتالى بديهى بهلحالات تزيد فرص النجاح

أختي mona777 صباح الخير و على كل اللي موجودين جميعا أود أضيف ملحوظه بالنسبه لنقاشكن و هي أن مو كل بلاد الغرب يطبق اللي تحكوه مثلا أسبانيا لا تسوي هذا و هم يحرموه و فقا لقوانين و لكن يسمحوا لشعبهم يسووا في بلد أخر بلجيكا تسووي هذا و للازواج المثليين و امريكا و الهند كوريا الجنوبيه تحرم هذا يعني فيه و فيهكلا حسب قانونهم ولكن نسب نجاحهم العاليه ترجع لأخلاصهم و تفانيهم في عملهم يعني يفحصوا المريض الأول جيدا و لو في أي عائق للحمل يعالجوه الأول و بعدها يجروا العمليه . أطباؤنا عاطول عندهم زحمه و متسرعين و ما يتقنوا عملهم جيد احكيلكم بالله من واقع قصص قرأتها بعدة منتديات و للأسف اللي يعاني في الأخر المريض و يدفع دم قلبه يلف عادكتور و الثاني و الثالث و بعدها يقرر يتعالج بالخارج او ينتظر رحمة الله لو ما عنده مقدرة و راح أنقلكم بعض مواضيغ من مواقع ثانيه و الله بالله هذه ما قصصي لتظنون أني أشوه أو أسيئ لأحد ، طرحت موضوعي و ما فيكن حدا يبغي يساعد او ينصح و راح انشرها تحت اسم مقططفات

 

[mona777]

الف شكر للتوضيح بس بتظل الغالبيه العظمى بتسمح نقل اجنه من ابوين غير البيولوجيين
اعرف عربيات عايشين بره بيقولو المثبتات بسيطه الى يعطونهم هناك وبيرجعون اجنه قليله واحد ثنين بس بيكون خاضع لتحليل كروموسومات واكتشفت المثبتات مو كلشي ونا لارتفاع انزيمات الكبد وقفو المثبتات من بعد سماع النبض بشوى والحمد الله كمل حملى رغم انى كنت اعانى من الاجهاضات

 

[Katkoota85]

صحيح اهما اهم شي يهتمون بالمريض ويبدون معاه كل التحاليل من اول خطوه

انا صارلي ٨ سنوات متزوجه من ٢٣ والحين عمري ٣٠ سنه مااكتشفت ان فيني مرض البطانه المهاجره الا عن طريق الصدفه لان الدكتوره طلع فيها نفس المرض وعرفت تشخص حالتي ولا بعد كنت انا قاعده جان اقول جذي مع السوالف دكتوره انا وقت الدوره مااقدر امشي من الآلاموهني شخصت حالتي

يعني بصراحه هني وايد اهمال وكل دكتور يألف عليج . دكتوره رائده بارجاع الاجنه تعبت معاها وايد كانت تقولي عنق الرحم عندج ملتوي وتطلع القسطره اللي فيها اجنه وكلها دم وتدزها المختبر يدورون الاجنه موحودين ولا انتلفوا دم . ولما عدت التجربه عند دكتور ناهض خلصني بسرعه ولما سألته قلتله شلون خلصت انا عندي عنق الرحم ملتوي ضحك علي قالي مافيج الا العافيه وعنق الرحم سيده وسليم!

يعني شبعنا تأليف محد يعرف شغله عدل

 

[mona777]

سلام عليكم
كتكوته توافيج من الله
عيل انا كونى كبيره في من دكاتره رفضو يسوون طفل أنبوب لى وقالو ماحمل بطفل الانبوب وان حملت اجهض
لكن مع الدكتوره رائده من اصل 5 محاولات حملت اربع مرات منها
ثلاث منها ما كمل الحمل والمحاوله الاخيره معاها الله رزقنى بولدى لله الحمد بسن 46 وهى كانت سبب بسعادتى
وابد ما قصرت معاى حتى لما كنت منومه طيله حملى بمشفى حكومي كانت تتابعنى

 

[Katkoota85]

الحمدالله يارب الله يقر عينج فيه ويخليه لج يارب ويرزقج من غير علاج باخوان له

انا كنت عندها للامانه اهيا عرفت تشخص حالتي بس بصراحه كلامها معاي كان يضيق الخلق كله تقولي حالتج زفت ويمكن ماتحملين لين تعبت نفسيتي وخليتها

حتى الدكاتره توافيج مرات ترتاحين مع شخص وغيرج مايتوفق معاه .. الله يسهل علينا يارب ويفرج همنا بحق لا اله الا الله

 

[mona777]

السلام عليكم

 

[mona777]

يارب الله يحفظه
صح دكتور ناس تمدحه وناس تذمه
بس هى ليش قالت لج عن حالتج جذيه؟
ممكن تكون معتمده على نتيجه تحاليلج مثلا؟

 

[mona777]

جمعه مباركه

 

[Katkoota85]

اهيا الظاهر ماعرفت تدخل القسطره عدل لان كانوا يدخلوني ومثانتي حيل حيل منفوخه بس مع ناهض قالولي لا مو هالدرجه فضي شوي ولما دخل القسطره مالت الاجنه دخلت الحمدالله عادي .. وفي شغله ماحبيتها فيها وايد تحبط تقول كلمات سلبيه .. يعني مثل انتي حالتج حيل شديده المرض حيل منتشر ولا جنج بهالعمر وايد التصاقات فججت اللي قدرت وراح يرد يطلعلج حالتج زفت ! يعني حتى لو انا فعلا جذي المفروض تهديني مو تخرعني .. اول خطوه باي علاج النفسيه .. انا تدمرت نفسيتي وناهض شاطر بس هم كله زحمه وكله عند السسترات غصب اشوفه بس نفسيته حلوه .. والله احترت هني وحيروني الدكاتره .. ودي اتعالج بره بس ماادري اذا يصير على حساب الدوله .. لان العمر يمشي فيني وانا للحين ماادري شنو علاجي

 

[غلاتي الكويت]

الله يرزقكم يااارب هالشهرر

منو ناويه تكرر التجربة؟؟

ودي اعيدها ومحتاره ويين اروح !!

شرايكم شفيق صالح بالشعب ولا هدى الزكري ولا رائده السعدون ؟

ولا طيبه السبيعي بمستشفى الصباح .. مو عارفه اتخذ قرار

 

[Katkoota85]

الله يوفقج يارب ويرزقج الذريه الصالحه

انتي شنو مشكلتج ؟

انا ناويه اعيد بإذن الله بس خلاص مليت من دكاترتنا مااشفت للحين شخص فاهم شكلي بيمع جم فلس واروح الاردن

عندج دكتور ناهض زين .. رائده كنت عندها زينه بس مو زود .. ووايد ارفعوا اسعارهم بالسيف ويدبلون عالمرضى

 

[غلاتي الكويت]

كتكوته مشكلتي ضعف تبويض ومع العلاج في استجابه بس سبحان الله مايصير حمل

سويت تلقيح ٧ مرات وسويت حقن مجهري ٣ مرات

مرتين حملت وينزل قبل لا اسمع النبض

ناهض شلون اسعاره ؟ احس زحمه عنده ومايعطي ويه

 

[mona777]

سلام عليكم
غلاتى الصباح لا يعلى عليه افضل من الخاص بس ما تقدرين تحددين د . طيبه او غيرها كل مراجعه للتبويض دكتور شكل وبلسحب ناس وبلارجاع ناس مختلفه بس للامانه كلهم ممتازين
نجى لكتكوتتنا ما رديتى على شلون تحاليلج خاصه ال اف اس اتش
الاكل يلعب دور كبير في تحين عدد وجوده البويضات تكثرين بروتينات بيض حليب لحوم وخاصه الحمرا وتكثرين شرب ماى من تبدين تنشيط او حتى قبلها وتاخذين رويال جل وفوليك اسيد وعسل واناناس أيام التنشيط والمشي مفيد للدوره الدمويه وقت التنشيط وتقطعين غازيات ووجبات سريعه وفى لبن الكيفر جان سمعتى عنه مفيد لشغلات وايد منها جوده البويضات
وايد داير بلكويت ونا كنت استعمله وقت علاجاتى وبس حملت بولدى وقفت
شوفى من سنين كان في علاج بره الكويت لكن السنوات الاخيره اقتصر العلاج بلخارج على القطاع الخاص داخل الكويت
والأردن ممتازه قريبتى عالجت بلاردن والله رزقها بنتين توم وحملت بعدها مرتين طبيعى يابت ولدين ضاق خلقها بحملها الأخير ما يبى يهال يبيلهم مباراه

 

[Katkoota85]

كتكوته مشكلتي ضعف تبويض ومع العلاج في استجابه بس سبحان الله مايصير حمل

سويت تلقيح 7 مرات وسويت حقن مجهري 3 مرات

مرتين حملت وينزل قبل لا اسمع النبض

ناهض شلون اسعاره ؟ احس زحمه عنده ومايعطي ويه

الله يرزقج يارب ويقر عينج بالذريه الصالحه

ضعف التبويض علاجه الاكل والفيتامينات وشربي مراميه وايد زينه .. اخذي فوليك اسيد وفيتامين e و c .. واخذي حبوب سنتروم واكلي عسل بغذاء الملكات وفيتامين دال وكثري بروتينات وشربي حليب طازج عشان تعدلين جوده البويضات .. ناهض والله يراعي وايد باسعاره انا رحت عالجت عنده على حساب الوزاره وماهمه ان عندي فلوس زايده كل الادويه اللي يكتبها سعرها رخيص وبسحب البويضات لان انا مبايضي كلها جياس دم صغار اضطر يسحبلي كل بويضه بابره يحلف تكلفه 150 بس ماحاسبني عليها .. العمليه كلفتني 2400 وزادلي من المبلغ تقريبا 300-400 دينار والحين بقالي المحاوله الاخيره عالوزاره بعدين ماراح اقدر اعالج بخاص الا على حسابي . الوزاره تعطيج 3 محاولات سواء الداخليه او الدفاع قدمي عليهم والله يوفقج يارب :eh_s(17):

 

[Katkoota85]

سلام عليكم
غلاتى الصباح لا يعلى عليه افضل من الخاص بس ما تقدرين تحددين د . طيبه او غيرها كل مراجعه للتبويض دكتور شكل وبلسحب ناس وبلارجاع ناس مختلفه بس للامانه كلهم ممتازين
نجى لكتكوتتنا ما رديتى على شلون تحاليلج خاصه ال اف اس اتش
الاكل يلعب دور كبير في تحين عدد وجوده البويضات تكثرين بروتينات بيض حليب لحوم وخاصه الحمرا وتكثرين شرب ماى من تبدين تنشيط او حتى قبلها وتاخذين رويال جل وفوليك اسيد وعسل واناناس أيام التنشيط والمشي مفيد للدوره الدمويه وقت التنشيط وتقطعين غازيات ووجبات سريعه وفى لبن الكيفر جان سمعتى عنه مفيد لشغلات وايد منها جوده البويضات
وايد داير بلكويت ونا كنت استعمله وقت علاجاتى وبس حملت بولدى وقفت
شوفى من سنين كان في علاج بره الكويت لكن السنوات الاخيره اقتصر العلاج بلخارج على القطاع الخاص داخل الكويت
والأردن ممتازه قريبتى عالجت بلاردن والله رزقها بنتين توم وحملت بعدها مرتين طبيعى يابت ولدين ضاق خلقها بحملها الأخير ما يبى يهال يبيلهم مباراه

ههههه حياتي منمن الكتوكته صارت ديايه الحين .. تحاليلي كلها زينه ماعدا الfsh ماادري ليش قام يرتفع اول ماراجعت دكتور ناهض كان طبيعي 4 والدكتور عشان البطانه المهاجره تخف عطاني كورس مانع تقريبا من شهر 7 السنه اللي طافت اخذه لين شهر 4 اللي سويت الانابيب وقفهم . وتحاليلي مالت الfsh اول شهر قبل الانابيب كانت 15 والنسبه عاليه الدكتور وصفلي حبوب اسمهم dhea وقال وقفي قهوه وسوي رياضه وبصراحه ماقدرت اقطع القهوه بس خففت كوب واحد باليوم ومايويت رياضه ونزل الهرمون لي 10 وهني قال عشان عندج البطانه المهاجره الهرمون ماراح ينزل اكثر من جذي خنسوي انابيب وسبحان الله ماطلعت الا خمس بويضات ثلاثه كانوا بس جياس فاضيين وثنتين ناضجين ومن هال2 وحده بس تلقحت ورجعها لي باليوم الثالث وكانت انقساماتها زينه وايد بس الله ماكتبلي الحمل .. دوختج بسالفتي بس لان هذا اللي فهمته ان مشكلتي البطانه المهاجره وارتفاع هرمون الfsh

 

[Katkoota85]

غلاتي وبالنسبه حق دكتور ناهض بالبدايه تروحيله اهوا ويشوفج ويقرر خطة العلاج وبعدين باجي المراجعات كله مع مساعدته دكتوره جيهان اعتقد اسمها . وهو يشوف السونار ويقرر الادويه ويعطونج الوصفه بس ماتشوفينه لانه لاهي طول اليوم عمليات انابيب سحب وارجاع وتلقيح وولادات . انا بالبدايه كنت اعصب واتنرفز اني ليش كله مااشوفه ويعطيني العلاجات بيد السيتر يعني بدون مااكلمه وقلت هذا اكيد نفسيه بس والله لما بيوم الارجاع رحت ابجي وقلتله دكتور مابي ارد الجنين يصير بعدين وريلي كان واقف ومعصب وكنت ابجي عشان انا معاه رايحين متخانقين ولايقولي ليش جان اقوله بس متهاوشه مع زوجي ونفسيتي تعبانه والله هني صج حبيته الدكتور .. لاتشوفين شصار فيه وشلون عصب على ريلي وقام يدافع عني ويحسس زوجي مو عشان انت سليم تتفلسف على مرتك مع اني ماقلتله شالسبب . قاله زوجتك لو تطقك اسكت عنها وتحملها وقدر الحاله اللي اهيا فيها انت لو تاخذ الابر اللي اهيا تاخذهم راح تطيح من طولك ومرتك ترا مافيها شي ومو مرضها سبب تاخر الانجاب ترا اغلب الحريم فيهم ( بين قوسين المرض السبب بس الدكتور يرفعلي ) هههههه وقاله طلعها وعشيها عقب تعالوا باجر ارجع الجنين اذا نفسيتها مو زينه مو حلو اني ارجع الجنين واذا ماحملت راح تشيل الذنب طول عمرك ولما رجع الجنين رجعه بسهوله وعند رائده كنت اعاني تقولي عنق الرحم عندج عوي وناهض قالي مافيه شي . ولما ماحملت قعد معاي وقعد يتأسف سكثر ويقولي سامحيني والله اي ديد ماي بست وماطلع بيدي شي اسويه اكثر وماسويته وخل نعيد والله يرزقج . هني حسيته انه حنون وطيب وويهه بشوش ومايتكلم بالامور السلبيه ويضيق الخلق . دكتوره رائده زينه بس كانت تسمعني كلام يحبط على بو بتصارحني وكانت نفسيتي صفر معاها وبس اطلع ابجي

 

[Katkoota85]

منى حبيبتي الله يجزاج خير مشكوره عالنصايح فعلا كلامج كله عدل .. انا الفاست فود قاطعته من زمان وايد كلش مااحبه والحمدالله اغلب اكلي صحي
ودايما اخذ فيتامينات متنوعه وفوليك اسيد وفيتامين دال واوميغا بس بصراحه ماي ماكنت اشرب وايد وقت السحب وكنت اشرب عصير اناناس مااكلته فرش ولا شربت حليب وقت السحب بس بالارجاع كنت اشرب . كنت مطبقه نصيحة وحده بالانستقرام اسمها ريم منيرال دايما تتكلم قاطعوا الحليب والاجبان لانها سبب في خربطة الهرمونات ومن طبقة نصيحتها طلعت وقت السحب بويضات فاضيين بس اكياس . الكيفر ابوي يسويه شاري البكتيريا وكان يسويلنا قبل سنت وطاح اللبن بجبده مسكين وجمد البكتيريا برد اقوله يسويلي ..

مشكوره عالنصايح الذهبيه والمره اليايه بحاول اطبق كل شي .. بس بغيت اسألج ماتعرفين شي ينزل هرمون الfsh?

 

[Katkoota85]

منى سألتيني عن رائده ليش كان كلامها معاي سلبي عشان عندي البطانه المهاجره ومسويتلي التصاقات بالانابيب وتقول المرض عندج من الدرجه الرابعه يعني وايد منتشر عالانابيب والحوض .. اهيا فيها نفس المرض وتقول من الدرجه الاخف مني .. تقول انا المرض انتشاره اقل منج وماراح واهيا مايابت عيال الله يرزقها ان شاءالله
يعني اهيا كان مل التحبيط بسبب البطانه مع ان هرمون الfsh كان طبيعي .. ولما يوتلي منظار تقول انابيبج بسبب اشعة الصبغه انتلفوا وصاروا زفت وبغيت اربطهم لج بس المشكله ماسألتج قبل العمليه . وقالتلي انها سوتلي فتحات بالانابيب عشان لايتيمع فيهم ماي ويقتل الاجنه ولنفس السبب بغت تربطهم .

دكتور ناهض سألته اربط انابيبي قالي لا ماله داعي حتى لو صار فيهم سوائل راح اسحبهم قبل الارجاع ماله داعي تربطين

 

[mona777]

هلا كتكوته رفيجتى مغربيه بلمنتدى عندها بطانه مهاجره سوت الانبوب كثير لكن حملت مره فيها لكن ما كمل ما بان فيه نبض لكن المهم صار حمل
انا ما عانيت من ارتفاع هرمون الاف اس اتش مع انى كبيره وكانت ترجع لى يوم خامس وبولدى يوم رابع
مشكلتى بعد اجهاضى بدايه زواجى عانيت من تليف خارجى كبير شالوه قيصرو هذا سبب لى التصاقات وحتى لما حملت بدون عمليه كان خارج الرحم والغيت لى قناة فالوب. بلتالى الحل طفل الانبوب
لكن رغم جودة بويضاتى كررت المحاوله ١٣ مره بين فشل وحمل واجهاض حتى الله رزقنى بولدى حمد الله وبس مانى عايده عمليات تعبت ازوجه لما يكبر وهو يجيب لى عيال
انا اصلا تزوجت كبيره اخر ال٣٩
الله يرزقج انتى والدكتوره يارب لكن الكيفر جدا ممتاز وترى التبويض شهر عن شهر يفرق ممكن شهر ٥ بويضات ولمن تعيدينها تطلع ١٥
ودام هرمون ال اف اس اتش مرتفه خلج مع سباق مع الزمن علطول ظلى عيدي
انا تفشل او اجهض ينزل دم الاجهاض الشهر الى بعده اعيد