دوانيه شلة منتظرات نتيجه عملية اطفال الانابيب والحقن المجهري

[حلوة الاخدود]

ثالث يوم من الترجيع حراره وجسمي ماقدر اشيله
ودوار رااس ومغص



اي كنت اخذ بالتايم اهم شي

لا ماسهر ابدت




اكلي عادي مثل ماهو بس كثرت خيار وماي
امتنعت من القهوه والشاي نهائيا



ماسبحت كلش بس اتنظف بالماي البارد اامسح بجسمي
لا ماستعملت غسول كلش

والتحاميل اخذهم بليل جل عصار مره وحده باليوم


والاهم من كل هذاااا

الاستغفااااااار كنت استغفر اكثر من 1000 مره باليوم

واذكار الصباح والمساااء





والحمدلله من قبل ومن بعد ..

 

[حلوة الاخدود]

احلى شمريه لامامشيت بحميه كلش

 

[حلوة الاخدود]

بنات

اسماء الابر والتحاميل اكتبهم لكم بعدين

لان ماعرفهم لازم اشوف العلب ان شااءالله

 

[حلوة الاخدود]

محاولتي الاولى الترجيع باليوم الخامس والبرنامج الطويل

هالمحاوله باليوم الثالث وكان البرنامج القصير

 

[حلوة الاخدود]

الاعراض قبل التحليييييل

دواار الراااس س لدرجه يغمى علي

ومغص يقطع بطني لدرجه اقول بتنزل

خلاص واقوا والحمدلله الحمدلله الحمدلله

 

[mona777]

الف مبروووووك حلوه الخدود
وخلج بلبيت خاصه اول شهور. والطلعه بس للدكتور والله يتمم على خير

 

[حلوة الاخدود]

مونا حبيبتي يبارك بعمرج
ان شاءالله والله يعدي الايام على خير

ويرزق كل محرومه

 

[حلوة الاخدود]

علاجي كان جرعات من ابر جونال اف
كل مره تضبط لي جرعه وتشوف بسونار كل ٣ ايام
وكل ٣ ايام سحب دم يتابعون هرموناتي

وبعد ابر مينبور واخر يوم قبل السحب بيومين عطتني ابره ناسيه اسمها

وعقبها عطوني الابره التفجيريه بعد ٣٦ ساعه وتم السحب

ومن يوم السحب صرفت لي جل مهبلي يوميا بليل احطه اسمهcrinone8%

ومجموعه فيتامينات فوليك اسد


بس هذا علاج

 

[شمخانيه]

الف مبروك والله فرحت لك حلو

 

[شمخانيه]

حلوة
الله يتمم لك حمالك
ويقر عينك فيه

 

[حلوة الاخدود]

شمخانيه

الله يبارك فيج حبيبتي

 

[Katkoota85]

بعد قلبي ياحلوة الاخدود .. باخذ بنصايحج المره اليايه ان شاءالله

وعسى الله يفرحج ويتمم ويسهل عليج يارب ماقصرتي

واهم شي اخذي مجلس طبي ارتاحي اول ثلاث شهور والله يتمم لج على خير يارب

 

[Katkoota85]

المره اليايه ان شاءالله بقول حق الدكتور يعطيني نفس تحاميلج

الي يسهرني مواعيد الادويه خذيتهم بطريقه غلط . تحاميل سايكلوجيست كل 12 ساعه فكنت اخذ 2 الظهر و2 باللي واظل انطر الصلاه وانام خمس عشان عندي حبوب بروحيلتون 5 اخذهم .. البروجلتون 3 حبات باليوم كل 8 ساعات ..
بس السباحه ياربي مااقدر انا كل 3 ايام شعري يقطر دهن نطرت باليوم السادس سبحت وتخيلي السستر تقولي بليز كل يوم سبحي بس مارديت عليها وقالت غسلي من تحت بصابون عشان لاتلتهبين

 

[حلوة الاخدود]

اهلين كتكوته اي اخذي من هالتحاميل هو انبوب جل مثل الكريم حيل ارتحت اكثر من التحاميل
والله يتمم عليج وعيدي التجربه ومتفائله بتحملييين انتي وكل بنات بس ابعدوا اليأس منكم

ولاتسهرين اي بقولج شي صج وقت العلاج انا كنت ماخلي زوجي ينزل داخل فهمتي قصدي
عشان مايفسد البويضات او يصير شي هذي ماكنت مسويتها بتجربتي الاولى بتجربه هذي سويتها

يعني وقت الجماع بفتره العلاج كله حاولي يلبس الواقي .. والله الله يرزقج من حيث لاتحتسبين

 

[Katkoota85]

حبيبتي والله بعد قلبي ان شاءالله ونبشرج يالغاليه


اي انا كنت اسوي جذي بالمحاوله الثالثه وقبل لا كنت عادي .. ان شاءالله ابشرج يارب وتبشرينا انتي بالنونو ووصوله بالسلامه وعسى يارب يكونون توم بصحه وعافيه والله يسهل عليج يارب ويعطيج اجمل امانيج

 

[mona777]

كتكوته ترى تحاميل سيكلوجست قويه اقوى حتن من ابر التثبيت خلج عليها
انا كنت جذيه كل مثبتات اخذها وثلاث مرات بليوم من تحانيل ودفستون وبرجلتون والنتيجه ارتفعت وايد عندى انزيمات الكبد واشوى انى كنت منومه اصلا بلمشفى وكتشفو هذا فوقفو كل انواع المثبتات والالدومنت للضغطبدلوه بدوى ثانى وهلكلام بدايه حملى ولما نزل دم بنى اكتفو بابر تثبيت مره اسبوعيا
حملاتى الى قبل لط بلمثبتات ولا حللت انزيمات كبد ولا شي

 

[Katkoota85]

الله يعينج الحمدالله الله سلمج وعديتيها على خير والف سلامه عليج ماتشوفين شر .. الله يخليلج وليدج يارب وتخاوينه وييسر امورج :yaaaaaarb:

 

[حلوة الاخدود]

كتكوته اميين جزاج الله خييير


مونا الله ياجرج والحمدلله قر عينج بهالولد ربي يحفظه ويخليه لج

 

[mona777]

تسلمون حبيباتى كتكوته وحلوه الخدود.
الانزيمات ارتفعت حزتها. ولما وقفو المثبتات والالدومت رجعت الانزيمات لمستواها الطبيعى

 

[Katkoota85]

مرحبا بنات

انا ان شاءالله راح اعيد الحقن المجهري بعد شهرين بس مشكلتي كل مره يقل عدد البويضات عندي بسبة ارتفاع هرمون الfsh وهو يرتفع عشان في اكياس دم عالمبيض واخذ دايما قبل كل مره اسوي انابيب حبوب منع حمل عشان تصغر الاكياس .. شنو تنصحوني اسوي بهالفتره ؟ وتنصحون ارد اعيد التجربه مع دكتور ناهض ؟