دوانيه شلة منتظرات نتيجه عملية اطفال الانابيب والحقن المجهري

[غلاتي الكويت]

احلى شمريه انا جملت من اجنه مجمده بس اجهضت بالاسبوع السادس

اذا الله كاتبلج تحملين بتحملين ان شاءالله توكلي على الله ورجعي المجمد

 

[غلاتي الكويت]

شمخانية الله يقر عيينج بالحمل هالشهر ياارب

 

[غلاتي الكويت]

رشا متى بتحللين ؟ قلبي معاج وادعيلج الله لايضيع تعبج

 

[mona777]

حلوه الخدود خامس احسن بوايد بس على حسب عدد ونوعيه الاجنه
بلحكومه سويت مره لما كان رئيس الوحده د حازم الرميح وما نجحت ولمن صارت د رائده رئيسه الوحده سوتها بنفسها لى مرتين سحب وارجاع وصار حمل بلمرتين بس ما ثبت تالى طلعت هى من الحكومه وسويت معاها خاص وحملت وجهضت وعدتها عندها والله رزقنى بولدى لله الحمد

 

[غلاتي الكويت]

حلوه الخدود خامس احسن بوايد بس على حسب عدد ونوعيه الاجنه
بلحكومه سويت مره لما كان رئيس الوحده د حازم الرميح وما نجحت ولمن صارت د رائده رئيسه الوحده سوتها بنفسها لى مرتين سحب وارجاع وصار حمل بلمرتين بس ما ثبت تالى طلعت هى من الحكومه وسويت معاها خاص وحملت وجهضت وعدتها عندها والله رزقنى بولدى لله الحمد

الله يخليه لج واتخاويينه ان شاءالله

انزين ماقالتلج شنو السبب انه ماكان يثبت ؟ والمره اللي استمر حملج نفس الادويه اللي تاخذينها بعد الارجاع كل مره ولا عطتج شي زياده؟

استغفرالله الاجهاض متعب نفسيا وجسديا مايمديني افرح اسبوعين وينزل الحمدالله على كل حااال والمشكلة السبب مجهول

 

[شمخانيه]

غلاتي
مشكوره
ولَك مثلها
الله يرزقنا كلنا بهذا الشهر

 

[حلوة الاخدود]

مشكوره
حمدلله الدكتوره اتصلت قالت باجر الارجاع لجنين بيوم الثالث

وباقي ٥ اجنه ينتطرونها لليوم الخامس وان شاء الله يتجمدون

ادعولي

 

[rachaaa]

السلام عليكم بنات انا المنتدي معلق معي صارلها كم يوم مو عارفه ادش
انا تحليل الاربعاء يااااارب حمل ثابت كامل
بس قاعده احس بعوار الدوره وصدري تنفخ


بنات الله يرزقني ويرزقكم حمل كامل تام ياااارب

قاعد ادور علي دواء كان موجود بكل مكان اللحين مو لاقيته درب للاجسام المضاده

Intralipid

 

[حلوة الاخدود]

الله يثبت اجنتج

وتكونين حامل

ان شاء الله تلافينه ماعرفه

 

[غلاتي الكويت]

حلوة الاخدود الله يوفقج يارب ويرزقج

 

[غلاتي الكويت]

السلام عليكم بنات انا المنتدي معلق معي صارلها كم يوم مو عارفه ادش
انا تحليل الاربعاء يااااارب حمل ثابت كامل
بس قاعده احس بعوار الدوره وصدري تنفخ


بنات الله يرزقني ويرزقكم حمل كامل تام ياااارب

قاعد ادور علي دواء كان موجود بكل مكان اللحين مو لاقيته درب للاجسام المضاده

intralipid

ان شاءالله يارب حاامل هذي اعراض حمل باذن الله

متاكده من اسم الدرب؟ انا دكتوري عطاني درب بعد بس موذاكره اسمه اهوا مكوناته صويا شي جذي وافتريت مالقيته الا بصيدلية مستشفى السلام يابولياه من قسم الطواريء عندهم جربي روحي السلام

 

[mona777]

رشا يارب تبشرينا
غلاتى الظاهر الاجهاض له علاقه بلاجسام المضاده
لانها تمنع الحمل وان ضار تسبب الاجهاض ببدايه الحمل لان الاجسام المضاده تهاجم الاجنه او حتى ممكن الاجنه يكون فيها شي خاصه انى كنت بسن ٤٦ مع انها درجه اولى
بحملى تقرر انى اتنوم بلمشفي وتنومت طول حملى من سماع النبض للولاده والله تممم على الحمد الله
خلود الاولويه الارجاع للاجنه الفرش وان بقي شي يتجمد
فاستفرب ليش بس واحد ترجع لج دام فى اجنه. حاولى علاقل يرجعون٢

 

[حلوة الاخدود]

السلام عليكم

اليوم اول يوم ترجيع رجعتلي جنينين باليوم الثالث

تقول الدكتوره مانقدر نخليهم اكثر لان اكتمالهم حمدلله

وتم الارجاع ٢ واحد مجمد والله يتمم علي ويتمم على كل وحده



باقي ٥ اجنه ينتظرنها لليوم الخامس لان انقساماتهم بطيييئه

ويوم الخميس يدقون علي يطمنوني يتم تجميدهم او لا


والحمدلله

 

[rachaaa]

بنات قدر الله ومشا فعل نزلت الدورة اليوم

 

[mona777]

الله يعوضج رشا
حلوه الخدود ما فهمت عليج شلون رجعو٢ وواحد مجمد.
انتى بلاساس مسويه ترجيع اجنه مجمده؟

 

[حلوة الاخدود]

الله يعوضج رشا

حمدلله

مونا
لا فرش انا السحب كان يوم ٢٥
وامس اكتملو ٣ اجنه باليوم الثالث
رجعوا ٢ جمدوا واحد

وباقي ٥ اجنه الى الان ماتك نموهم ينتظروهم باجر ويكلمونا

بجمدونهم او مايصلحون

والحمدلله

 

[حلوة الاخدود]

شفيج مافهمتب كلامي فوق

وضحت لك اكثر يعني هم ٨ اجنه

٣ مشاءالله اكتملو رجعتهم امس وجمدت واحد

وباقي ٥ الى الان نتتظر اكتمالهم ليتم تجميدهم

 

[mona777]

اها الحين اكتملت الرؤيه فهمت خلود الله ييسرلج
بس اغلب المختبرات ما ترضي تجمد١ علاقل٣
انا مره بقي واحد جنين يوم خامس يعنى افضل الاجنه ما رضو يجمدونه لانه بس واحد
واغلب المستشفيات تجمد اجنه خامس لانها تكون افضل الاجنه
يارب تبشرينا بلحمل

 

[حلوة الاخدود]

اللهم صلي وسلم على سيدنا محمد واله اجمعين

 

[غلاتي الكويت]

رشا حبيبتي قدر الله وماشاء فعل الله يرزقج الشهر الياي