دوانيه شلة منتظرات نتيجه عملية اطفال الانابيب والحقن المجهري

[mona777]

خطف انا مسويتها عند دكتوره رائده وممتازه وحامل الله يتمم علي. ومختبر السيف مميز وفنى المختبرفراس ممتاز. يرجعون اجنة يوم خامس ان وضعج مناسب. وعندهم تقنيه تنميه البويضات بلمختبر للحالات الخاصه وبويضاتهم ما كملت نضج يكملون نضجها بلمختبر

 

[خطف قلبي]

حبيبتي منى عسى الله يتمم عليج و يرزقج يتوؤم سليم معافى لا زيادة و لا نقصان
و عقب ولادتج بالسلامة ياربي تحملين طبيعي و ينمسح علئ صدرج و تنسين تعب هالسنين


حبيبتي بسالج جم كلفتج العمليه مع الادويه و المراجعات ؟؟

 

[خطف قلبي]

و عادي اختار مال المختبر بالاسم ؟؟؟

 

[qoot]

ربي لاتذرني فردا وانت خير الوارثين

 

[مسك أبيض]

ربي لاتذرني فردا وانت خير الوارثين

 

[mona777]

الي اعرفه هو الشغال بلمختبر ما اخترته
انا اجيب ادويتى من الحكومه والعمليه بحدود ١٢٠٠ لللسحب والارجاع غير المراجعات والسونار والتحاليل
انا عندي زايد ابر ماحتاجه منجون ابر. وابر سيوله ومنشطات. تبينهم؟

 

[mona777]

هلا ادويتي اجيبها من حكومه
بحدود ١٢٠٠ غير مراجعات سونار تحاليل

 

[زوارة خميس]

السلام عليكم
اختي مني ٧٧٧ بسألج عن هرمون fshكم عندج يوم العمليه وهل يرتفع لانه عندي مرتفع وانا صغيره عمري ٢٧ والدكتور ناهض معطيني مهله واذا مانزل راح يعتذر مني وشلون الدكتوره رائده حق هالحلات وشلون علاجها وكم بويضه يطلع معاج ويعطيج العافيه والله يثبت مافي رحمج ويتمم عليج وعلى كل وحده

 

[زوارة خميس]

السلام عليكم
اختي مني 777 بسألج عن هرمون fshكم عندج يوم العمليه وهل يرتفع لانه عندي مرتفع وانا صغيره عمري 27 والدكتور ناهض معطيني مهله واذا مانزل راح يعتذر مني وشلون الدكتوره رائده حق هالحلات وشلون علاجها وكم بويضه يطلع معاج ويعطيج العافيه والله يثبت مافي رحمج ويتمم عليج وعلى كل وحده

 

[خطف قلبي]

حبيبتي منى مشكورة على ردج
ازعجتج بأسئلتي

بخصوص الادويه مادري والله لان ناويه
اسوي العملية اخر واحد اول اثنين

اذا محد خذاهم منج لي ذاك الوقت اخذهم
حرام يمكن احد محتاجهم الحين

بلغيني اذا محد خذاهم

حبيبتي مشكووووووورة
عسى الله يتمم عليج و يرزقج و يقومج بالسلامة

 

[mona777]

هلا حبيبتي
٨١ ابرة منجون. عندي ابر سيوله كثير
انا منومه بلمشفي بلصباح من مايو وبيخلونى للولاده. يراقبون ضغطي والسكر وكان عندي مشاكل بلحمل اول فتره
يناير جريب. والمنشطات صلاحيتها ديسمبر ٢٠١٤

 

[mona777]

هلا حبيبتي
81 ابرة منجون. عندي ابر سيوله كثير
انا منومه بلمشفي بلصباح من مايو وبيخلونى للولاده. يراقبون ضغطي والسكر وكان عندي مشاكل بلحمل اول فتره
يناير جريب. والمنشطات صلاحيتها ديسمبر 2014

 

[mona777]

هلا اف اس اتش. الحمد الطبيعي كان سته. من سنه وشوى مع انى كبيره

 

[زوارة خميس]

ماحللتي قبل العمليه

 

[mona777]

ما حللت لانى كنت اسوي عملياتى وري بعض والدكتوره نفسها تابعتنى من كنت بلحكومه وتابعتنى بلخاص.
سويت معاها خمس مرات انبوب سواء بلحكومه او الخاص وحملت باربع مرات منهم ثلاث مرات ما كمل الحمل. ويارب يكمل هلمره
بس قبل كنت اسويها عند دكتور غيرها وايد وما حملت غيرت علاجاتى صرات اخذ ابر سيوله وكرتزون

 

[زوارة خميس]

كم بويضه طلعتج وهل وضع المبيض سليم ماكو صغر كنتي تاخذين برجلتون والا لا والدوره منتظمه عندج وتنقحيني بالدكتوره ادري اذيتج بس محتاره

 

[mona777]

لدكتوره رائده جدا ممتازه
تذكرت تحليل fsh اس مو من سنه من اكثر من سنتين ما عدته بس قالولى ما يحتاج وحمد الله مبيض سليم. انا احتاج طفل الانبوب لان قناه فالوب الغيت بسببب حمل خارج الرحم والقناه الثانيه التصاقات بسبب عمليات فتح بطن مره لحمل خارج الرحم ومره لازاله تليف خارجي
بس سويت كثير طفل انبوب ماكانت تنجح. ما صرت احمل الا مع ابر سيوله وكرتزون
والظاهر بسبب عندي ضغط ما كان يستمر الحمل
ولو حياج حبيبتي ومع الدكتوره رائده بترتاحين
اهم شي وقت التنشيط خذي رويال جل. وكلي بيض يومى ولحم احمر كثري منه وشربي اناناس وحليب. كامل الدسم والافوكاتو زين للتبويض وامشي للدوره الدمويه. والاعشاب الي تنشط مثل بردقوش ومرميه ابتعدي عنها تتضارب مع المنشطات وكثري شرب ماى وبتتحسن بويضاتج

 

[mona777]

مع العلاجات والعمليات ما تنتظم طبيعي واخذ البرجلتون. لتنزل منتظمه لاتابع خطة العلاج ووقت الارجاع همن اخذ البرجلتون لكن حزتها الحبه البيضا بس تقوى بطانه الرحم

 

[خطف قلبي]

حبيبة قلبي منى
عسى الله يتمم عليج حملج و تولدين بالسلامة
و يقر عينج بشوفج وليدج او بنوتج بحضنج
و يبلغج فيهم و عسى ربي يمسح على صدرج
و يرزقج باللي تتمنينه و ينسيج كل التعب اللي مريتي فيه

ادري اذيتج بسالتي انتي أدرى بالحال
في طريقه اسويها عشان اخذ الادويه و الإبر من الحكومه
انا هالاسبوع موعد مقابلتي بالحكومه

 

[mona777]

هلا حبيبتي. حاولى كلمى الدكتور وديا ممكن يسجل لج حسب الدكتور.
والمنشطات ممنوع تعطي او توصف لانهم يخافون من فرط التنشيط
لكن ممكن يعطيج منشط علي اساس بيعالجج تنشيط
والمثبتات غالبا سهالات يصرفونها
علعموم انا بفايلي مبين اني كنت مسويه طفل انبوب بلحكومه واني حزتها اخذ علاجات علي هلاساس
لازم تتابعين بلحكومه عشان ان حملتي يارب علاجاتج مجانا ولو استعدي الامر تنويم كل بياناتج موجوده