دوانيه شلة منتظرات نتيجه عملية اطفال الانابيب والحقن المجهري

[سله تفاح]

بنات اللي رجعن ذبحني الله يعزكن التبول كل شوي اروح الحمام تعبت هشي طبيعي او لا

 

[ماي زهر]

السلام عليكم بنات

وين تنصحوني أسوي طفل أنابيب عند اي دكتور

آنا فيني تكيس و ضعف تبويض و زوجي سليم لله الحمد

آنا سويت عند ماجدة اليتامي و فشلت عمليتي
و حالياً هي عمارتها محترقة الله يرفع عنها و يعينها
و لا يبلانا ....


أشرايكم برويال حياة عند أسامة صالحة ؟

 

[مسك أبيض]

بنات اللي رجعن ذبحني الله يعزكن التبول كل شوي اروح الحمام تعبت هشي طبيعي او لا

اعتقد طبيعي يمكن لانك مكثرة سوائل

 

[مسك أبيض]

ماي الزهر ان شاءالله البنات يفيدونك انا ماعندي فكرة عن دكاترة الكويت بس اسمع عن دكتورة ماجدة و ناهض

 

[glby7sas]

ماي زهر روحي حق دكتوري وايد شاطر
اسمه عمرو مدني عياده في ابو شهري كلينك ريال كبير وفاهم بس اذا ماتبين ريال بصراحه مااعرف بس اسمع عن فوزيه القطان


بناات ياارب يرزقكم كلكم بالتووم السليمين المعافين ياارب

مسك ماحددلج متى موعد السحب؟!

 

[مسك أبيض]

اهلين قلبي لا والله لسا بكرا واللي بعده عندي سونار ويااارب خير

 

[سمو النفس]

ماي زهر انصحج بالدكتور ناهض حماديه بمستشفئ المواساة

 

[ملح مكتت]

ناهض حماديه ممتاااز

 

[مسك أبيض]

بنات ادعولي بالفرج وتسهيل الامور اليوم بالغلط من غير مايقصد زوجي اعطاني جرعه منشط ضعف الكميه اللي حددها الدكتور وكلمنا الدكتور وعصب وقال الحين تاخذين ابرة ديكابيتبال كامله لان الجرعه كبيرة مره والله يستر زوجي مسكين مثل المجنون مو عارف ينام كل شوي يقوم يشوفني انا خايفه يخرب علي البرنامج

 

[qoot]

مسك حياتي الله يسهل عليج الامور يارب ان شاءلله مايخرب البرنامج

 

[مسك أبيض]

اليوم عندي سونار و تحليل ان شاءالله البارحة لما كلمت الدكتور عصب وقال لي الجرعة كبيرة عليك الله يستر بس ماقدر اقولك شي قبل التحليل و السونار

 

[qoot]

مسك بشري شقال الدكتور

 

[مسك أبيض]

الحمدلله قال ان كل شي تمام وان الخطأ وارد بس قال لي ديري بالك مو كل مره نقدر ننقذ الموقف واليوم خفض لي الجرعه يومين واراجع السبت قال يتوقع ان السحب بيكون الاثنين او الثلاثاء وقال لنا كلموني اي وقت لو صار اي شي وان شاءالله مايصير الا الخير .

 

[مسك أبيض]

قوت حبيبتي كيف بيكون السحب وش بحس فيه وبينزل علي دم ؟ باخذ مضاد ؟ عاد انا اكره المضاد دعواتك حبيبتي ولك بالمثل

 

[qoot]

مسك الحمدلله يارب

السحب تروحين لهم صايمه يلبسونج لبس عمليه ويعطونج بنج كامل بعد نص ساعه يخلصون ولازم تشربين ماي وايد قبل السحب ماينزل دم من ناحيتي حسيت بعد ساعات انه راسي يعورني وبطني منتفخ بس اذا راسج يعورج اكلي بندول واشربي ماي وايد ضروري تكثرين من الماي وبس عسى الله يرزقج من حيث لاتحتسبين ووييسر امورج كلها اهم التوكل على الله والاستغفار بكل دقيقه

 

[مسك أبيض]

آمين ياااارب الله يسهل امورنا ويارب يرزقك الحمل عاجلا غير آجل
حبيبتي قوت انتي سويتي منظار الرحم ؟

 

[سله تفاح]

الله يسهل امرج مسك ابيض
انا اليوم صار لي 10 ايام وعندي نفس الم الدوره والم جهه اليسار الله يستر والله حاسه مضايقه اخاف تفشل العمليه وهذه اخر ثالث محاوله
احس نفسيتي تعبانه يارب ارحمنا من هالابر والعلاجات ونفس هذا الالم والاعراض كانت فيني في المحاولتين وياتني الدوره

 

[مسك أبيض]

شكرا سلة حبيبتي الله يسهل عليك و يارب انها اعراض حمل طيب انتي شنو برنامجك الطويل ولا القصير و سويتي منظار رحم ؟

 

[qoot]

مسك امييين الله يسمع منج لا ماسويت منظار

سلة تفااح ان شاءلله الثالثه ثابته انتي سويتي بنفس السنه العمليه ؟


ربي لاتذرني فردا وانت خير الوارثين

 

[سله تفاح]

حبيبتي مسك ابيض برنامجي الطويل قوت هيه سويتها نفس السنه وراء بعضها لاني مسافره بلجيكا الله يسهل عليه وعليكم