ماي زهر الله يبارك فيج حبيبتي والفال لج ياارب
شمس خلف السحاب كوبين حليب قليل ترا لازم اربع كوابه يعادل لتر حليب
قووت حبيبتي انا يوم رحت الدكتور كان وزني 78 وطبعا عطاني محاضره واجلي موعد العمليه ثلاث شهور يقول كل شهر ابيج تقطين 5 كيلو بس طبعا اللخ وكيلج ضعفت كيلوين بس خخخخ وطبعا زفني الدكتور رجعلي ثلاث اجنه انا طلبت منه يحطلي تقنيه لاصق الاجنه والليزر ترا موجوده هالتقنيه عندهم بالهادي
طبعا عطاني ابره قبل الدوره وحبوب منع الحمل بعد ماخلص حبوب منع الحمل نزل مني بني خفيف كأنها اخر الدوره واهو قالي عادي انا ماابيها تنزل اصلا بعدها سوالي سونار وبلش معاي التنشيط وكل ثلاث ايام اراجع ليمن قالي خلاص وقفي الابر وحددلي يوم الابره التفجيريه وبعد 48 ساعه من الابره التفجيريه سوالي سحب ببنج كامل طبعا لما فج البنج عطاني ابره مثبته وحبوب وتحاميل مثبته وقالي تبلشين فيهم من الحين خلصنه ثالث يوم دق على زوجي قاله تبي تجمد وله لا طبعا زوجي قاله اكيد بجمد جان يقوله عيل تعال رابع يوم اذا ماتبي تجمد بردهم خامس يوم الموهم رحنا رابع يوم سحب وردلي ياهم وحطلي سونار بالبطن وشاشه تشوف فيها اشقاعد يسوي واهو يسولف معاي ويتغشمر جان يقولي يالله خلصنا سدحني داخل ساعه بالعمليات وثلاث ساعات بالغرفه وقالي اول يوم ماتتحركين الا للحمام الصلاه وانتي قاعده بعدين ماتتحركين الا بحدود البيت لا تطلعين من البيت قلتله اوكي وطبعا مافي جماع ووقعنه تعهد انه احنا نبي ثلاث اجنه لانه اصلا ممنوع من الصحه القانون بس جنينين الموهم رديت البيت وكل يوم لتر حليب ومااكل من الوجبات السريعه لي يومج طبعا وخيار لازم كل يوم تفاح كليت بس ثلاث مرات لاني مااحبه والماي لازم كل شوي ماتوقفين ماي الصلاة لي يوم التحليل وانا اصلي وانا قاعده ماتسبحت نهائيا الا بعد التحليل كله منسدحه بالفراش اسبوعين بالبيت ماطلعت وله نزلت درج
اللي حسيته وله شي
من يوم السحب لي يومج وانا احس بعوار تحت بطني وخواصري يعني هذي مو علامه لانه من يوم السحب وعرفت ليش العوار بعدين اقولج
كان فيني حراره تروح وترد بس خفيفه يعني مو شي جايد
في اليوم العاشر بلش معاي اعراض الدوره واصلا اليوم العاشر اهو موعد دورتي
اعراض الدوره اهو العوار اللي يحوشنه وبروده باطراف الريل ويا وقت احس شي ينزل عبالي نزلت الدوره والله لا يراويج النفسيه
وكل شوي حلمت انه يقولولي مو حامل وله تنزل علي الدوره وانا متعلمه اذا حلمت انه يتلي الدوره اقعد وصج تييلي يعني كانت نفسيتي كلش بس ابجي وافرش سيادتي وادعي ادعي من قلبي بكل وقت وكل حزه ادعي واستغفر يمكن ٣٠٠٠٠ مره وسمعت الرقيه كان اكتآب
وجدمت التحليل قبلها بيوم رت اهناك وتكرمين من الخرعه بس ياني سهال على ماطلعت النتيجه الا انا خلاص انهرت
والحمدالله ياارب على كثر ماتعذبت بهاليوم على كثر ما انا حبيته والحمدالله يارب
بالنسبه للعوار اللي كان اييني عرفت انه صار فيني تضخم بالمبايض عشان جذي صار معاي عوار تحت بطني والخواصر والحين عطوني ابر تثبيت وقالولي كملي عالمثبتات اللي عندج
وبس اي سؤال انا حاضر
