دوانيه شلة منتظرات نتيجه عملية اطفال الانابيب والحقن المجهري

[عسل حدي]

حبيبتي كثير ماي الحين وحليب عليان انغراس الأجنة وايد راح يفيدك حيلك فيهم. حتى بالارجاع
يوميا الصبح كورن فليكس وحليب وبعده بديع ساعه روب وخيار
والغدوا سمك مؤ مشوي حبيبتي وخير عن الدياي والمائدة كثير منه
وقلاصين حليب باليوم ضروري
التفاح لا تهملينه
ويحارب يقارب يقارب الشريان أحلى بشره


أنا رحت موعدي اليوم. وزادتلي جوعه القلم ٣٠٠ وابر الخلط صار ٢ بودر
وعندي موعد مع الدكتوره مساجده بأجر الصبح

 

[بنفســـــج]

انا على اخر وقت القلم 450 والبودرة 3
ولي الحين ما دقوا للارجاع
اخاف ماصار تلقيح . خايفه

 

[عسل حدي]

لاتحاتين احسن اذا صار الارجاع عقب ثالث يوم يارب تبشرينا قريب

 

[ayisha]

شلوونكم بنات انشالله بخير
انا اليوم رابع يوم دوره اول ثلاث ايام كانت قويه وتنزل مثل النزيف
واليوم رابع يوم وقف بس افرازات بنيه معقوله خلصت وقربت اطهر
وعوارات الدوره راحت مادري محتاره شلون بس اربع ايام وخلاص اتوقع باجر اخر يوم
لان كله افرازات خلصت انا دورتي سبع ايام
وهالمره خلصت مبجر من صارلها جذي

 

[عسل حدي]

اي عادي حبيبتي اهم شي غزيره ونضفتي
الله يعوضج يارب

 

[مسك أبيض]

الله يعوض صبركم وصبري خير يارب الله يرزقنا الذرية الصالحة عاجلا غير آجل ، بنفسج و عسل حدي و كل البنات
انا تحليلي يوم الثلاثاء ان شاء الله .

 

[عسل حدي]

مسك انشاللهرخير لا توارين وايد متائله انتي اولنا ووحده بتبشر الثانيه يارب

 

[عسل حدي]

انا رحت موعدي اليوم
كتبتلي عالتفجيريه اليوم ١٢ بليل
والاثنين الصبح السحب

 

[مسك أبيض]

آمين يارب موفقة حبيبتي عسل و الله يسهل أمرك

 

[عسل حدي]

احمعين حياتي
ربي يسر ولا تعسر يارب

 

[glby7sas]

عسل اشلونج حبيبتي الله يرزقج ياارب وين مسويه العمليه انا بسويها عند ماجده ان شاءالله برمضان

 

[عسل حدي]

عند ماجده من تاريخ ١٢ -٥ وانا اراجع الاثنين عندي سحب يارب يتمم على خير
اي سؤال او استفسار انا حاضره

 

[glby7sas]

حبيبتي عسل انا مادري اشفيني احس جنه اول مره بحياتي اسوي عمليه انابيب خايفه ومن الحين احاتي
اشلون الدكتوره ماجده انا بروحلها هالمره اشلون طريقتها

 

[بنفســـــج]

انا تحليلي يوم الثلاثاء ان شاء الله .

الله يبشرج بكل خير
لا تنسين الاكثار من الصدقه والاستغفار

 

[بنفســـــج]

اتصلوا المركز علي الحين
قالوا لي باجر الساعه عشر ونص ارجاع الاجنه

ربي يسهلها

 

[glby7sas]

بنفسج الله يثبت اجنتج يااارب ويرزقج بالحمل السليم

 

[مسك أبيض]

الله يبشرج بكل خير
لا تنسين الاكثار من الصدقه والاستغفار

:yaaaaaarb: ان شاءالله الله يرزقنا جميعا والله يسهل امورك بكرا رب لا تذرني فردا وانت خير الوارثين

 

[بنفسجيه_Q8]

الله يرزقكم ويبشركم بالحمل عاجل غير اجل ويرزق كل محروم باللي تتمنا ادعوا لي احمل بتؤام اولاد هالشهر ولكم بالمثل

 

[عسل حدي]

يارب كلنا نبشر بعض هالشهر


حبيبتي قلبي حساس الدكتوره ماجده تهبل ماجنها دكتورتج بتحسينها امج تطمنج وتحاتيج ومحد يسوي هالعمليه عندها بالمركز غيرها يعني لاتسمعين كلام احد محد بيباشرج غيرها
اول ماتروحين تحاليل وكشف وعقبها تبدين الابره التحضيريه
اذا قالتلج منضار وتنضيفات لا تقولين لا تشيلج اذا في زايد او قديم وتعدلج بطانة الرحم
وبعدين عقب الدوره تنشيط وبالتاسع تفجيريه وسحب ويارب يسهل لنا كلنا لاتحاتين
انا خاشه الفواتير والادويه اذا تبين تعرفين اسعار كل شي بالتفصيل علشان تسوين حسا انا حاضره بليل ادش واكتب كل شي بالتفصيل بالدينار

 

[عسل حدي]

اليوم قلتلها معاي امساك قالتي ميخالف ماقدر اعطيج مسهل موزين عالبويضات خلج عقب السحب اعطيج شي يلين بطنج