دوانيه شلة منتظرات نتيجه عملية اطفال الانابيب والحقن المجهري

[عسل حدي]

السلام عليكم بنات قدر الله ماشاء فعل والحمدلله على كل حال

موعدي القادم عند الدكتوره ماجده اليتامى تاريخ ٧ نبدي من اول ويديد ويارب هير دعواتكم

ياريت الي تراجع عندها او مجربه عندها تفيدني
حطولي موعد تاريخ ٧ وانا دورتي اللي طافت تاريخ ٢٠
ككم فتح ملف وكم اول كشف وشن راح تسوي وياي بالخطوات ياريت تفيدوني

 

[شمخانيه]

عسل حدي
ربي يوفقك
ما اعرف عنها بس يمدحونها بس ما تتحصل

 

[ayisha]

السلام عليكم
الحمدالله استخرت وبديت علاج الحين اخذ اير الصبح من ثاني يوم دوره بديت
بس في شغله موترتني ان الدكتوره غيرتلي الابره عطتني جونال ٧٥ اخذ ثلاثه بودر وواحد ماي
يعني ٢٢٥
والي قبل كانت قوتها ١٥٠ ثلاث انبولات زادت لي الجرعه بصراحه الاولى تعبتني وخفت يصير لي
فرط وانا فيني تكيس الله يستر من هذي والمصيبه مافي مجال اكلمها واقول ليش غيرتي
زحمه الصباح والدور ورا بعض ويبون يمشون الدور
بليز منو جربت ابر جونال ٧٥ ثلاثه بودر واحد ماي وفيها تكيس تطمني حدي احاتي

 

[Pink_Roses]

عايشة انا نفسج المحاولة الاولى كانت جونال اف 225 الصبح وبعد اربع ساعات ابره بودر ووحده ماي مو متذكره اسمها

المحاولة الثانية كانت منبور ثلاث بودر ووحده ماي بس الله يوري احد شنو صار فيني بعد السحب بغيت اموت وثلاث ايام في المستشفى صار معاي تضخم وتجمع الماي في الجسم وما قدرت ارجع الاجنة

 

[عسل حدي]

ربي يوفقكم يارب ويرقنا وياكم

 

[mona777]

عايشه الصباح ماعليهم قصور يتابعونج اول باول
وعلاجج يكون علي حسب تحاليلج وشنو بملفج

 

[عسل حدي]

اب اب اب

 

[شمخانيه]

عايش
لا تحاتين ولا تسالين
كل جسم غير
واستجابته غير
انا الكلوميد يسوي معاي فرط في التنشيط
والجونال اف ما ياثر الا بجرعات عالية

 

[شمخانيه]

مني77
اشلونك وشخبارك

عسل حدي
شخبارك

وين تختفون ووين مشاركاتكم

 

[شمخانيه]

بنات
سمعت كلام عسل حدي
وحطيت الحين 3 لصقات الظهر
وشب علي ظهري احس فيه حريقة

 

[mona777]

هلا شمخانيه بخير
شصار عليج ماراجعتي للعلاج؟

 

[شيخه_البيض]

الله يرزقكم يااارب ولايضيع تعبكم

 

[عسل حدي]

شمخانيه احسن خليه يسحب كل الهوا ميخالف

 

[شمخانيه]

مني777
لا مارحت لاي مكان
والله محتاره

 

[عسل حدي]

اب اب اب

 

[ayisha]

صباح الخير شلوونكم كويتيات
الحمدالله انا الحين ماشيه ع الابر وابره جونال اف ٧٥
ماتعور ولاشي مثل مينغون كانت تذبح واليوم خلصت الدوره
بس في شغله بسالكم عنها هالفتره وقت التنشيط والابر
عادي يصير جماع ولالا لان ماقدرت اسال الدكتوره كان لورويه وموومركزه معاي كلش
بليز اللي تعرف ترد علي اكيد ماشالله كلكم مجربين التنشيط وهل الجماع ممنوع او لا
والله يرزقكم ويرزقني يارب

 

[mona777]

اي حبيبتي عايشه يصير جماع الي ماقبل السحب بثلاث ايام

 

[DaM3y]

السلام عليكم شلونكم بنات انا جديده معاكم ودي اسوي بس ريلي مايشجع يقولي مايحتاج طبيعي ولا خلاص الحمدالله انا عمري ٣٣ عندي ٢ ولدي ١٤ سنه وبنتي ١٢ متشفقين ع ياهل حيييل مافي موانع لا انا ولا ريلي سويت حقن ثلاث مراث العام ع فترات متباعده بس ما حملت الحمدالله خيره .... ودي اسوي حقن مجهري شرايكم ؟ ولا طفل انابيب ؟

 

[mona777]

من عنده نثيه وذكر حمد ربه وشكر
حبيبتي دام ريلج مقتنع حمد لله. تري هلعمليات متعبه جدا وتعرضين نفسج لهرمونات مالها داعي والاغلب ما تنجح من اول مره غالبا بلتكرار حتي لو مافي عيب من الطرفين
لكن ان متشفقه جربي وعسي الله يرزقج من اول مره
انا عن نفسي لوحمل والد ماعيدهاا

 

[qoot]

DaM3y حبيبتي مدام مافيكم شيء سليمين انصحج تسوينها وان شالله تنجح من اول مره سوي اطفال انابيب مدام ريلج سلييم
اكيد حاولتي طبيعي بس ماكو فايده مدام انج بداية الثلاثين توج صغيره قبل لاتكبرين ويقولون لج الدكاتره ماكو امل تلاحقي عمرج وانصحج بدكتور ناهض حماده وايد زين وصريييح يقولج اذا تحتاجين العمليه ولا لا
وان شاءلله يارب تحملين وتييبين نونو اصغير يحرك لكم البيت