دوانيه شلة منتظرات نتيجه عملية اطفال الانابيب والحقن المجهري

[شمخانيه]

رشا

ربنا معاك

 

[شمخانيه]

رشا ودلوول

ربنا معاكم

 

[الحلا والملح __]

انا قالي حطيها قدام بس انا قمت احطها ورا اريح مامشيت على كﻻمه

 

[شمخانيه]

شنو العلاجات اللي استخدمتوها قبل وبعد العملية

انا لقي هرمون اف اس اتش مرتفع 11,57 وقال المخزون الظاهر خلص وعطاني زيادة ابر
وعطاني كورتيزون حبة باليوم

 

[الحلا والملح __]

الف مبروووووك ﻻست الله يثبته وتقر عينج فيه

 

[الحلا والملح __]

رشاااا ،، الله يثبته يارب ويطرح البركه فيه

لاست ،، دير بالج ع روحج ي قلبي

البنوتات الله يوفقكم ... وين باجي البنات شنو
صار وياهم !

موجودين قاتلنا الخووووف دعواتج

 

[حبي راشد]

اللله يوفقككككككككم خواتي

 

[حبي راشد]

بناااااات اليوووم . رحت الطبيب قال بويضاتج صغار حيل وزايد معاج التكيس بعطيج ابر زياده والابره اللي على شكككل قلم عرفتوها بنات الفر قبل افرها على 75 والحين يقول فريها على 200 وتعالي الاربعاء يممما بنات ردووو علي خايفه اليوم طقيت 200 وباججر وعقبه يبووي اخاف.مو زين.. بنات قسسسم ب الله مو متفاءله كلش اعوذو ب الله ...

 

[الحلا والملح __]

"الحمد لله الذي بنعمته تتم الصالحات"
بنات الحمدلله وتبارك الرحمن ماشااء الله كان
عارفين اني حللت الحمدلله والنتيجة فرحتني وعشان جذي حبيت اكتب لكم كل الخطوات اللي انا سويتها لعل وعسى تكون سبب حق غيري وتستفيدون منها ويجعلها الله من اسباب تثبيت حملي وتكون سبب بحمل كل وحده فيكم ...
احب اوضح لكم شي في اشياء سويتها وانا قاريتها من قبل وفي اشياء اعتبرها اجتهاد شخصي من عندي والحمدلله ربي اكرمني ....
اول شي انا قبل لا ابدأ العلاج صليت استخاره عشان ربي يسهل الامر

قبل العمليه بشهرين اخذت رويال جل وطلبت من زوجي ياخذه بس زوجي ما يلتزم واخذت فيتامين e << عشان تطلع لي بويضات حلوه وتتلقح .
قبل العمليه بشهر وقفت الجنغ فود والبيبسي والقهوه وطلبت من زوجي نفس الشي وقلت له يبتعد عن التدخين السلبي .
ما استخدمت اي كريمات حق تفتيح البشره باخر شهرين وحتى علاج الحبوب اللي بويهي تركته عشان مابي شي يأثر على علاجي .
من بدأت بالابر التحضيريه حاولت اكثر ربيان بالوجبات ولحم وابتعد نهائي عن الدياي عشان الهرمونات اللي فيه وحاولت اكثر سلطات عشان دمي يصير زين وما اكون ضعيفه .
الصدقه حتى لو بمبلغ صغير والدعاء دائما خاصة عند السجود ودايم اطلب من امي تدعيلي .
استعنت على قضاء حاجتي بالكتمان حتى لاقرب الناس ماقلت لحد غيركم .
بالنسبة للإبره التزمت باوقاتهم سواء التحضيرية او التنشيط او التفجيرية لانهم يعتبرون هرمونات ومايصير كل يوم ناخذهم بوقت غير.
الدورة اللي فيها العمليه بديت اكل اشياء تنشط مثل الزنجبيل والانناس والفراوله لغاية مانزلت الدورة
لم نزلت الدورة سويت شي بس انصحكم تسونه بالدورة اللي قبلها ماتسونها بنفس الدورة المهم " اخذت قفشة من عشبة المدينه وقفشه حبة سوده وقفشة رشاد شويه عنزروت مطحون وشويه مره مطحونه خلطتهم مع بعض ومن اليوم الثاني الدوره الى اليوم 6
كل يوم الصبح احط عدد فردي من الترات وارش عليهم من الخلطه واكلها ما التزمت بعدد معين المهم عدد فردي بس هني واجهت مشكله هذه الاعشاب بالرغم انها زينه وتخلص من اثر الدورات السابقه الا انها خلت الدوره تعلق معاي ومارضت تخلص رحت موعدي عشان التنشيط وقالولي لازم تنظفين والدورة مو راضيه توقف المهم على خير اخيرا وقفت الدورة وبدوا معاي بالتنشيط
لم وقفت الدوره حطيت لصقة ظهر اخر ظهري تحت بس ماخليتها وايد لاني خفت يكون لها تأثير عكسي بس حطيتها ساعتين بس ماشاءالله احسها فادة لان كانت عندي نغزة بظهري مع النفس وراحت الله العالم يمكن بسبب اللزقة .
بدت عاد المرحله المهمه كل يوم يقيسون البويضات وحددولي يوم السحب خليت اكاي اخر يومين قبل السحب روبيان وفقه صدفة سالفة الفقع بس قلت يمكن خيره .
العطور من قبل السحب بجم يوم وقفتها لاني قريت ان العطور تأثر على جودت البويضات حتى الديودرنت انا اصلا استخدم طبي مافي ريحه .
حاولت اتحاشى الجماع اخر فتره عشان احافظ على نفسي من الالتهابات .
صار السحب الحمدلله ومن يوم السحب بديت استعمل تحاميل التثبيت 3 مرات باليوم من الشرج عزكم الله طبعا هم قايليلي مرتين واخذ حبوب التثبيت والفولك اسيد ، التحاميل افضل الشرجيه لاكثر من سبب اولها انها تسبب التهابات وهذا كلام الاطباء والثاني انها تكون بعيده عن الرحم وتثير الاجنه وهذا رايي الشخصي .
ابتعدت عن استخدام الحمام العربي نهائي واهتميت بنظافه الافرنجي قبل الاستخدام عشان اتجنب الالتهابات خاصه خارج البيت يعني كلينكس ديتول معاي لازم بالجنطه وديتول رش .
بعد السحب بيومين صار معاي الم فضيع فبطني وحيل كنت خايفه منه رحت المستشفى قالولي لازم نسويلج دخول دكتوري ما كان موجود ولا اي دكتور له دخل بالانابيب فرفضت بس خليتهم يسولي سونار ولقوا بويضات كبار من اثر التنشيط وعطوني ابرة باسكوبان ، ومن الصبح رحت للدكاتره وقالولي شي عادي دام مافي ترشيح وقالتلي الدكتوره مانصحج تاخذين مسكنات قلت لها انا اصلا مابي مسكنات قالتلي تر حتى البندول يأثر على التصاق الاجنه ماخذت شي بس رجعت البيت وشوي شوي راح العوار .
يوم الترجيع قريت سورة مريم وقعدت اقرا سورة البقره وانطر دوري ودخلت والحمدلله كانت وايد سهله .
من يوم التنشيط وكل يوم ريوقي لازم يكون فيه بيضتين وخضروات صحية
بعد ترجيع البويضات بالنسبة لي اول يوم ماقدرت ارتاح لان كان عندي جمعه وصارت صدفه ، وطبعا محد يدري عن حالتي .
الاكل اللي ركزت عليه بعد الترجيع كان اللحم والربيات والبيض وشرب حليب كامل الدسم صغير مو كبير عشان لايغث ، وكنت اكل خيار وروب وحبة سفرجل او تفاح واكل طاست روب احط وياها شوي زيت زيتون وملح ومرات اكسر جم حبة بطاط برنغلز واحطهم مع الروب عشان اضيع الطعم .
الدكتوره كانت ناصحتمي بفول الصويا يبته من المطحنه .
بالنيبة للصلاة بس اول يوم صليت قاعده من ثاني يوم اصلي ركعتين عادي اسجد عالارض والباقي عالكرسي لاني احس السجود يوصل الدم للرحم ويغذيه فليش احرم رحمي من ان تصيرله ترويه .
انا ما حكرت نفسي فالبيت بس ريحت نفسي او مره طلعت بعد العمليه بيومين رحت زواره.
وبعدها فيومين تمشيت مع زوجي بالافينيو وتعشينا هناك وشريتا شوي اغراض بعدها بيوم رحت السينما والجمعه رحت الزواره عادي بس قلت لهم تعبانه شوي بنسدح .
الاسبوع الثاني داومت عادي

الاغذية اللي اعتبرتها ممنوعه من ساعة الابره تفجيريه كانت كل الاغذية اللي فالبدايه كنت اخذها عشان تديد التنشيط مثل الزنجبيل والدارسين والانناس والكيوي الهيل القهوه الشاي وزدت عليهم الاشياء اللي اعرف انها تحرش الرحم مثل البقدونس و الرشاد والفلفل الاسود والشاي الاكل اللي يحتوي مواد حافظه والمايونيز والدياي بكل انواعه هذول اللي ذاكرتهم
طبعا انا اكلي كله مطاعم بس ماصوت اطلب جنغ فود يعني اطلب طبخ ومن مطاعم نظيفه مابي اذكر اسامي عشان ما اسوي دعايات هههههههههه

فاليوم التاسع من الترجيع سويت تحليل منزلي ماطلعلي شي بس ماخليت هالشي يأثر على نفسيتي واقنعت نفسي انه مايبين باختتبار البيت وبنطر يوم 12 اقل شي
وتطرت يوم التحليل ورحت المسشتفى سولي تحليل وطلعت التتيجة اللي تعرفرنها ...

طبعا انا والحمدلله ملتزمه بقرأة الاذكار وكنت كل دوم اسمع سورة مريم وانا رايحه الدوم واردد مع القارئ واحاول اقرا سورة البقرة كثر ما اقدر .

ادري وايد طولت عليكم بس قلت بكتبلكم كل اللي صار معاي عشان تستفيدون منه باذن الله .
ادعولي بنات ربي يسهل علي وعليكم ولا يحرمني من الضنا ولا يحرمكم يرزقنا الذرية السليمه المعافاه

بنات انا استخرت الله ولم سحبوا اجنتي قلت اللهم ردهم لي ردا جميلاًً... ووقت الترجيع كنت اقرأ دعاء سيدنا محمد عليه الصلاة والسلام يوم يثرب و ادعية الانبياء زكريا ويونس وايوب عليهم السلام وكل مرحله اوصلها كنت اصلي ركعتين حمد وشكر لله لاني وصلت لها وهذا بفضل ربي وانا من البداية كنت متكله على الله ومتخذه بالاسباب وهذه الاسباب اللي اخذت فيها احطها قدامكم عسى ربي يفيد فيها غيري وارجع اقول لكم في منها قاريته من قبل وفي اجتهاد شخصي فمو لازم كل اللي سويت صح .

جزاااااا ج الله خير الله يجعله بميزان عملج ويثبتهم لج ويقر عينج بشوفتهم
بسالج بهالاسبوعين شنو كنتي تحسين ؟

 

[الحلا والملح __]

بنات انا اكل حبتين الصبح وحبتين بليل من منظم الدوره
منو مثلي قال اكل اﻻبيض واقط البني
اليوم 11 من الترجيع

 

[last piece]

حياتي المهره ربي يعوضج خير ويفرحنا فيج باقرب وقت

شمخانيه انا احطها من ورا وزين تسوين تستخدمين كلفز انا ما ارتحت له

حب راشد انا كنت استخدم القلم بعيار ١٥٠ كل يوم مره مده ١٢ يوم اعتقد
وتر عادي كل يومين تقريبا تزيد البويضات ٢ ملم ربي يبارك لج فيهم

الحلا والملح الله يبارك فيج والفال لكم كلكم يارب
اللي كنت احس فيه يختلف بصراحه بالاسبوعين احيانا ما احس بشي لدرجة تخوف
ومرات احس بنغزات المبايض من اثر السحب بس العلامات ماتكون واضحة ومختلفه
من وحده لي الثانييه اكثر شي كان واضح معاي ان صدري عاادي مافيه شي بس اذا
ضغط عليه احس بألم وشد حوالين السرة بس حللت منزلي مابين حلتت عقب دم وبين

 

[rachaaa]

حبي راشد اخدي ال 200 وقسمبهم ع كم يوم تبين مو القلم انت تححدين كم

 

[rachaaa]

تسلمين شمخونه ومهره

ربي يعوضكم بااحلي توم
شمخونه بعدج صغيرها شلون يخلص المخزون مو مبجر انت كم مﻻه سويتيivf

 

[mona777]

الله يثبت اجنتج لكن اول فتره اخطر شي ارتاحي. وهم يعطونج طبيه خذيها. اما عن التحاميل انا مره جذيه وخذتها ثلاث بس طلبت يزيدون التحاميل. دزي زوجج يجيب لج تحاميل زياده. وعن السبوح لمن سويتها بلحكومه دكتوره رايده قالت لاتتحممين ثلاث ايام

 

[3aly mstway]

الله يرزقكم بالذريه الصالحه

ويثبت اجنتكم حيييييييييييييييييييييييييييل حاسسسسسسسسسسسسسه فيكم ...


بس بغيت اسالكم شنو يعني عملية اطفال الانابيب ...؟؟؟

 

[rachaaa]

شلونكم اليوم بنات مو حاسه روحي حامل
ربي لا تذرني فردا وانت خير الوارثين

 

[last piece]

عالي مستواي الانابيب الله يسلمج عمليه يتم فيها تنشيط المبايض وسحب البويضات واخذ عينه من الزوج وتلقيحها بالمختبر وبعد تكون الاجنه يتم ترجيعها بالرحم وانتظار اسبوعين ويتم تحليل حمل ...هذا باختصار بس طبعا كل شي بيد رب العالمين والمسأله فيها كورس علاج ومتابعه.. وتر انا حيل اختصرتلج الموضوع

رشا مو شرط تحسين بشي اول فتره اصلا بس اللي يكون يبين بس عوار السحب اول اسبوع ...ربي يثبت اجنتج وتشوفينهم ذرية سليمة معافاه بين ايدينج


بنات شلونكم اليوم ؟؟يالله ياكريم يارحمن رحيم يرزق كل بنات القسم بالذريه الصالحة السليمه المعافاه ..

 

[3aly mstway]

تسلمين على الشرح

اختي سوت تلقيح والله يابنات من قبل لا تسويه وهي تقرا يومين سورة البقره ومن اول شي مشاءالله نجحت


انصحكم تقرونهااا طول الفتره اللي تعالجون فيهاااا


الله يسسسسسسسسسسسسر لكم اموووركم

 

[rachaaa]

Last انا اول يوم احمل فيه يصير معي امساك وعوار دورة هالمره مافي شي

يارب خير يمكن هالمره مااحس ويثبت يارب

 

[last piece]

رشا تر مو شرط كل مره مثل الثانيه
ولاتوسوسين وايد
وذكري الله دووم واقري سورة مريم احسها تخاطب كل محرومه من الذريه وتعطيها امل
ربي يفرحنا فيج و بكل بنات القسم يارب