دوانيه شلة منتظرات نتيجه عملية اطفال الانابيب والحقن المجهري

[Faithq78]

لاست بيس حبيبتي مبروك والله يثبتج ويثبتنا وياج .انا معاج تقريبا نفس التواريخ . انا حللت الخميس اللي طاف والحمدالله طلعت حامل . بس انا مثلج ماقلت حق أحد ليمن موعد السونار تاريخ 20/2 على قولتج خل انسوي سونار ونتأكد ان في بيبي ونسمع النبض مو جيس خالي وبعدين نتفشل وننحرج جدام الاهل .بس أمبيه تالي اشهالدوام هذا ليمن الاربع تترى ماينفع. ضبطيلج تخفيف عمل . انا يوم ابنتي سويت تخفيف لان كنت انزف طول الحمل حالتي كانت جدا كسيفة.
دلول حبيبتي داري عمرج حبيبتي . اشفيها صحون الورق؟ لاتغسلين مواعين وديري بالج على روحج والتحليل ريضة عالاقل عشر ايام من الترجيع. وموشرط يكون دقيق لازم هرموني. والله يرزقج انشالله واتشوفين ضناج .

 

[الـزينـة]

رشا حبيبتي توكلي على الله ولاتحاتين ربي يسهل لك عمليتك ويكتب لك الحمل ان شاءالله

دلول الله يسهل عليك ويفرح قلبك بالحمل يا رب

انا اليوم ثاني من ترجيع الاجنة واغلب وقتي منسدحه على ظهري والصلاة على كرسي والحمدالله ملتزمة بموعد الادوية

الله يعدي هالفترة على خير ويكتب الحمل لي ولجميع خواتي ان شاءالله :eh_s(7):

 

[Faithq78]

اللهم لا اعترض ويارب ربنا يطرحلي البركة فيهم ويثبتهم يا ارحم الراحمين
بس انا مستغرفة وايد
يارب احمل هالمره حمل كامل ثابت لا زيادة بخلقة ولا نقصان

أمين يارب العالمين يا رشا انشالله تحملين وتتهنين والله مايضيع صبرج وتعبج هدر.

 

[Faithq78]

رشا حبيبتي توكلي على الله ولاتحاتين ربي يسهل لك عمليتك ويكتب لك الحمل ان شاءالله

دلول الله يسهل عليك ويفرح قلبك بالحمل يا رب

انا اليوم ثاني من ترجيع الاجنة واغلب وقتي منسدحه على ظهري والصلاة على كرسي والحمدالله ملتزمة بموعد الادوية

الله يعدي هالفترة على خير ويكتب الحمل لي ولجميع خواتي ان شاءالله :eh_s(7):

انشالله حبيبتي الزينة توكلي على الله سبحانه وتعالى ومثل ماقالوا البنات على طول قراءة البقرة وسورة مريم . وعشان تطردين الوسوسة من راسج .

 

[rachaaa]

مشكورة عالرد يا قلبي وانشالله حمل تام انتي وlast يارب امسن لا تقولون الا عالسونار

 

[British Girl]

رشااااا حبيبتي لعلها خيره
ترا الدرجه الثانيه همن زينه وحملوا فيها توائم بعد لاتحاتين حبيبتي


الله كريم ويثبتهم في رحمج

باقي يومين على تحليلي الله يعوض. صبري خير ويفرحني

 

[Dloool_q8]

لاست بيس حبيبتي مبروك والله يثبتج ويثبتنا وياج .انا معاج تقريبا نفس التواريخ . انا حللت الخميس اللي طاف والحمدالله طلعت حامل . بس انا مثلج ماقلت حق أحد ليمن موعد السونار تاريخ 20/2 على قولتج خل انسوي سونار ونتأكد ان في بيبي ونسمع النبض مو جيس خالي وبعدين نتفشل وننحرج جدام الاهل .بس أمبيه تالي اشهالدوام هذا ليمن الاربع تترى ماينفع. ضبطيلج تخفيف عمل . انا يوم ابنتي سويت تخفيف لان كنت انزف طول الحمل حالتي كانت جدا كسيفة.
دلول حبيبتي داري عمرج حبيبتي . اشفيها صحون الورق؟ لاتغسلين مواعين وديري بالج على روحج والتحليل ريضة عالاقل عشر ايام من الترجيع. وموشرط يكون دقيق لازم هرموني. والله يرزقج انشالله واتشوفين ضناج .

يبت اليوم خدامة بيت اهلي نظفتلي المطبخ وراحت الباجي ريلي مايقصر وان شاء الله يتمم امورنا على خير:eh_s(7):

رشا حبيبتي توكلي على الله ولاتحاتين ربي يسهل لك عمليتك ويكتب لك الحمل ان شاءالله

دلول الله يسهل عليك ويفرح قلبك بالحمل يا رب

انا اليوم ثاني من ترجيع الاجنة واغلب وقتي منسدحه على ظهري والصلاة على كرسي والحمدالله ملتزمة بموعد الادوية

الله يعدي هالفترة على خير ويكتب الحمل لي ولجميع خواتي ان شاءالله :eh_s(7):

حبيبتي امين :eh_s(7):

 

[rachaaa]

حبيباتي والله انتو وخواتي صج مالي غيركم

ربي لا تذرني فردا وانت خير الوارثين
امانه ادعولي يااحلي بنات

 

[rachaaa]

حبيباتي والله انتو وخواتي صج مالي غيركم

ربي لا تذرني فردا وانت خير الوارثين
امانه ادعولي يااحلي بنات

 

[last piece]

بنات انا مثل ما وعدتكم كتبت لكم كل التفاصيل اللي صارت معاي واللي اذكرها

اللي لها خلق تقراها عسى ربي يفيدها فيها واللي مالها خلق تقرا تسكب المشاركتي

لاني اكتشفت اني قرقيه ومشاركاي حدها طويله

وراح احطها بعد بقسم التفاؤل
ربي يفرحني فيكم يارب ويرزقني ويرزقكم الذريه الصالحة السليمة المعافاه

 

[last piece]

المهره ربي يبارك فيج حياتي ويارب يوم لج ياحياتي وتبشرينا

 

[last piece]

"الحمد لله الذي بنعمته تتم الصالحات"
بنات الحمدلله وتبارك الرحمن ماشااء الله كان
عارفين اني حللت الحمدلله والنتيجة فرحتني وعشان جذي حبيت اكتب لكم كل الخطوات اللي انا سويتها لعل وعسى تكون سبب حق غيري وتستفيدون منها ويجعلها الله من اسباب تثبيت حملي وتكون سبب بحمل كل وحده فيكم ...
احب اوضح لكم شي في اشياء سويتها وانا قاريتها من قبل وفي اشياء اعتبرها اجتهاد شخصي من عندي والحمدلله ربي اكرمني ....
اول شي انا قبل لا ابدأ العلاج صليت استخاره عشان ربي يسهل الامر

قبل العمليه بشهرين اخذت رويال جل وطلبت من زوجي ياخذه بس زوجي ما يلتزم واخذت فيتامين e << عشان تطلع لي بويضات حلوه وتتلقح .
قبل العمليه بشهر وقفت الجنغ فود والبيبسي والقهوه وطلبت من زوجي نفس الشي وقلت له يبتعد عن التدخين السلبي .
ما استخدمت اي كريمات حق تفتيح البشره باخر شهرين وحتى علاج الحبوب اللي بويهي تركته عشان مابي شي يأثر على علاجي .
من بدأت بالابر التحضيريه حاولت اكثر ربيان بالوجبات ولحم وابتعد نهائي عن الدياي عشان الهرمونات اللي فيه وحاولت اكثر سلطات عشان دمي يصير زين وما اكون ضعيفه .
الصدقه حتى لو بمبلغ صغير والدعاء دائما خاصة عند السجود ودايم اطلب من امي تدعيلي .
استعنت على قضاء حاجتي بالكتمان حتى لاقرب الناس ماقلت لحد غيركم .
بالنسبة للإبره التزمت باوقاتهم سواء التحضيرية او التنشيط او التفجيرية لانهم يعتبرون هرمونات ومايصير كل يوم ناخذهم بوقت غير.
الدورة اللي فيها العمليه بديت اكل اشياء تنشط مثل الزنجبيل والانناس والفراوله لغاية مانزلت الدورة
لم نزلت الدورة سويت شي بس انصحكم تسونه بالدورة اللي قبلها ماتسونها بنفس الدورة المهم " اخذت قفشة من عشبة المدينه وقفشه حبة سوده وقفشة رشاد شويه عنزروت مطحون وشويه مره مطحونه خلطتهم مع بعض ومن اليوم الثاني الدوره الى اليوم 6
كل يوم الصبح احط عدد فردي من الترات وارش عليهم من الخلطه واكلها ما التزمت بعدد معين المهم عدد فردي بس هني واجهت مشكله هذه الاعشاب بالرغم انها زينه وتخلص من اثر الدورات السابقه الا انها خلت الدوره تعلق معاي ومارضت تخلص رحت موعدي عشان التنشيط وقالولي لازم تنظفين والدورة مو راضيه توقف المهم على خير اخيرا وقفت الدورة وبدوا معاي بالتنشيط
لم وقفت الدوره حطيت لصقة ظهر اخر ظهري تحت بس ماخليتها وايد لاني خفت يكون لها تأثير عكسي بس حطيتها ساعتين بس ماشاءالله احسها فادة لان كانت عندي نغزة بظهري مع النفس وراحت الله العالم يمكن بسبب اللزقة .
بدت عاد المرحله المهمه كل يوم يقيسون البويضات وحددولي يوم السحب خليت اكاي اخر يومين قبل السحب روبيان وفقه صدفة سالفة الفقع بس قلت يمكن خيره .
العطور من قبل السحب بجم يوم وقفتها لاني قريت ان العطور تأثر على جودت البويضات حتى الديودرنت انا اصلا استخدم طبي مافي ريحه .
حاولت اتحاشى الجماع اخر فتره عشان احافظ على نفسي من الالتهابات .
صار السحب الحمدلله ومن يوم السحب بديت استعمل تحاميل التثبيت 3 مرات باليوم من الشرج عزكم الله طبعا هم قايليلي مرتين واخذ حبوب التثبيت والفولك اسيد ، التحاميل افضل الشرجيه لاكثر من سبب اولها انها تسبب التهابات وهذا كلام الاطباء والثاني انها تكون بعيده عن الرحم وتثير الاجنه وهذا رايي الشخصي .
ابتعدت عن استخدام الحمام العربي نهائي واهتميت بنظافه الافرنجي قبل الاستخدام عشان اتجنب الالتهابات خاصه خارج البيت يعني كلينكس ديتول معاي لازم بالجنطه وديتول رش .
بعد السحب بيومين صار معاي الم فضيع فبطني وحيل كنت خايفه منه رحت المستشفى قالولي لازم نسويلج دخول دكتوري ما كان موجود ولا اي دكتور له دخل بالانابيب فرفضت بس خليتهم يسولي سونار ولقوا بويضات كبار من اثر التنشيط وعطوني ابرة باسكوبان ، ومن الصبح رحت للدكاتره وقالولي شي عادي دام مافي ترشيح وقالتلي الدكتوره مانصحج تاخذين مسكنات قلت لها انا اصلا مابي مسكنات قالتلي تر حتى البندول يأثر على التصاق الاجنه ماخذت شي بس رجعت البيت وشوي شوي راح العوار .
يوم الترجيع قريت سورة مريم وقعدت اقرا سورة البقره وانطر دوري ودخلت والحمدلله كانت وايد سهله .
من يوم التنشيط وكل يوم ريوقي لازم يكون فيه بيضتين وخضروات صحية
بعد ترجيع البويضات بالنسبة لي اول يوم ماقدرت ارتاح لان كان عندي جمعه وصارت صدفه ، وطبعا محد يدري عن حالتي .
الاكل اللي ركزت عليه بعد الترجيع كان اللحم والربيات والبيض وشرب حليب كامل الدسم صغير مو كبير عشان لايغث ، وكنت اكل خيار وروب وحبة سفرجل او تفاح واكل طاست روب احط وياها شوي زيت زيتون وملح ومرات اكسر جم حبة بطاط برنغلز واحطهم مع الروب عشان اضيع الطعم .
الدكتوره كانت ناصحتمي بفول الصويا يبته من المطحنه .
بالنيبة للصلاة بس اول يوم صليت قاعده من ثاني يوم اصلي ركعتين عادي اسجد عالارض والباقي عالكرسي لاني احس السجود يوصل الدم للرحم ويغذيه فليش احرم رحمي من ان تصيرله ترويه .
انا ما حكرت نفسي فالبيت بس ريحت نفسي او مره طلعت بعد العمليه بيومين رحت زواره.
وبعدها فيومين تمشيت مع زوجي بالافينيو وتعشينا هناك وشريتا شوي اغراض بعدها بيوم رحت السينما والجمعه رحت الزواره عادي بس قلت لهم تعبانه شوي بنسدح .
الاسبوع الثاني داومت عادي

الاغذية اللي اعتبرتها ممنوعه من ساعة الابره تفجيريه كانت كل الاغذية اللي فالبدايه كنت اخذها عشان تديد التنشيط مثل الزنجبيل والدارسين والانناس والكيوي الهيل القهوه الشاي وزدت عليهم الاشياء اللي اعرف انها تحرش الرحم مثل البقدونس و الرشاد والفلفل الاسود والشاي الاكل اللي يحتوي مواد حافظه والمايونيز والدياي بكل انواعه هذول اللي ذاكرتهم
طبعا انا اكلي كله مطاعم بس ماصوت اطلب جنغ فود يعني اطلب طبخ ومن مطاعم نظيفه مابي اذكر اسامي عشان ما اسوي دعايات هههههههههه

فاليوم التاسع من الترجيع سويت تحليل منزلي ماطلعلي شي بس ماخليت هالشي يأثر على نفسيتي واقنعت نفسي انه مايبين باختتبار البيت وبنطر يوم 12 اقل شي
وتطرت يوم التحليل ورحت المسشتفى سولي تحليل وطلعت التتيجة اللي تعرفرنها ...

طبعا انا والحمدلله ملتزمه بقرأة الاذكار وكنت كل دوم اسمع سورة مريم وانا رايحه الدوم واردد مع القارئ واحاول اقرا سورة البقرة كثر ما اقدر .

ادري وايد طولت عليكم بس قلت بكتبلكم كل اللي صار معاي عشان تستفيدون منه باذن الله .
ادعولي بنات ربي يسهل علي وعليكم ولا يحرمني من الضنا ولا يحرمكم يرزقنا الذرية السليمه المعافاه

بنات انا استخرت الله ولم سحبوا اجنتي قلت اللهم ردهم لي ردا جميلاًً... ووقت الترجيع كنت اقرأ دعاء سيدنا محمد عليه الصلاة والسلام يوم يثرب و ادعية الانبياء زكريا ويونس وايوب عليهم السلام وكل مرحله اوصلها كنت اصلي ركعتين حمد وشكر لله لاني وصلت لها وهذا بفضل ربي وانا من البداية كنت متكله على الله ومتخذه بالاسباب وهذه الاسباب اللي اخذت فيها احطها قدامكم عسى ربي يفيد فيها غيري وارجع اقول لكم في منها قاريته من قبل وفي اجتهاد شخصي فمو لازم كل اللي سويت صح .

 

[British Girl]

هلا المهره حبيبتي شلونج ؟

لاست حبيبتي حللتي في اي يوم من الترجيع والتحليل الهرموني جم طلع لج ؟؟
عسى الله يثبته لج يارب وتفرحين فيهم باذن الله

 

[British Girl]

مادري شفيني على بو مابقالي شي قمت احاتي وايد متفائله
خايفه يصير عكسي علي

استغفرالله اللهم لاتذرني فردا وانت خير الوارثين

 

[last piece]

برتش غيرل

انا حللت في الصباح وطلولي النتيجه حمل وقالولي هذه تطلع بربع ساعه وباقي النتايج تروح ملفج
لاني مسويتها بالحكومة وحللت يوم سبت يعني عطله وموعدي الياي ٢٠ /٢ ان شاءالله .
بس الحلو انهم عطوني البلاستيكه مالت التحليل شكلها مثل التحليل المنزلي وفيها خطين اول مره اشوفها
لاني ما ادري ان حتى بالدم يبين خطين احسب ارقام
المهم لاتعتمدون تحليل الحمل المنزلي لانه مايبين واذا بين فيبين عقب اليوم ١٢ صح في ناس بين معاهم بس
سبحان الله يكون الهرمون عالي عندهم .
انا تحليل البيت مابين شي وبعد ربع ساعه بين خط حيل خفيف باهت حسيت نفسي اتوهم مو خط
ومكتوب على العلبه ان النتايج بعد خمس دقايق مو صحيحه



ربي لايضيع لج تعب ويرزقج ويرزق كل خواتي بالقسم وكل محرومه

 

[ام جنه]

اي حبيبتي لاست باي يوم حللتي وجم النسبه عسى الله يثبتهم لج يا ب ويقر عينج بشوفتهم بعد تسع اشهر

 

[last piece]

بريتش اقري مشاركتي اللي بالصفحه اللي فاتت راح تلقين فيها وايد تفاصيل كتبها عشان تستفيدون منها باذن الله

انتي اليوم جم يوم لج ؟
وجم يوم من الابره التفجيرية ؟

 

[British Girl]

اي حبيبتي قريت قواج الله ماقصرتي عسى الله يحفظج
انا لي 12 يوم من الترجيع
خذيت الابرة التفجيريه اليمعه بليل الساعه 12

 

[last piece]

شوفي بريتش اذا صار لج ١٤ يوم من الابره التفجيرية
تقدرين تيبين تحليل منزلي ويبين باذن الله حتى لو خط خفيف

ان شاءالله تحللين وتبشرينا انتي وكل البنات فالقسم

 

[last piece]

اي حبيبتي لاست باي يوم حللتي وجم النسبه عسى الله يثبتهم لج يا ب ويقر عينج بشوفتهم بعد تسع اشهر

يوم 12 وبين بدون هرموني فحص بوزتف نقتف
مشكوره عالدعوه ربي يرزقج ويرزق كل خواتي بالقسم