دوانيه شلة منتظرات نتيجه عملية اطفال الانابيب والحقن المجهري

[صحكة الايام]

الله يعين بس

 

[حبي راشد]

اي والله ربي يعين

 

[last piece]

بنات شلونكم انا انشغلت عنكم بالدوام
الله يعين
بنات اليوم كنت رافعه ريولي بالدوام وفجأه سويت حركة غلط
وطاحت ريولي وتنشدت بطني حيل عشان جذي قاعده احاتي

ربي يرزقني ويرزقكم ولايحرمنا يارب
ادعولي بنات الله يحفظ اجنتي

حب راشد = احس هالاسم عليج احلى
لاتحاتين الابره التفجيريه ماتعور
بس في شي وايد مهم بعد السحب
كثري ماي عشان لايعورج بطنج
انا بعدها بيومين كنت بموت من العوار رحت المستشفى
سولي دخول بس طلعت على مسؤوليتي وتحملت العوار
لاني مابي ادويه حتى لو كتبها الطبيب
وتحملت والحمدلله راح العوار قبل الترجيع

ربي يسهل لج ويتمملج على خير

 

[British Girl]

لاست لاتحاتين كل شي بيكون تمام التمام احنه صايرين دقيقين على كل شي من جذي نحاتي اذا سوينا اي حركه تعوذي من ابليس وان شاءالله خير يالله مابقى شي ونفرح فيج يارب

حبي راشد يارب يكون تفاؤلج بمكانه ولج بالمثل حبيبتي ����

انا مو حاسه بولاشي غير ثقل صوب الرحم جنه شد او شايله شي ثقيل
الله يرزقنا يارب

 

[rachaaa]

بنات انا الساعه 5 طلعت من المستشفي عندي تضخم اعطوني مضاد مشالله سحبو مني 41 بويضه
بس مو قادر من العوار مو طبيعي وبعد اعطوني دواء يطلع مياه الزيادة من ااجسم الحمدالله ع كل حال ويارب يكون بفايده

 

[British Girl]

المهره

هلا حبي انا بخير ناطره الثلاثا احلل يارب يارب خير

رشااا
حمدالله على سلامتج الحمدالله وايد زين مشالله ريحي وباجر احسن

 

[last piece]

British Girl
مشكوره حياتي على رفع معنوياتي

انتي باي يوم ؟!
انا بعد معاي شد بالبطن

رشا
حياتي حمدلله على سلامتج
ادعي ربج يطرح لج فيهم البركة
وكثري من شرب الماي والبروتين بالاكل مهم لتثبيت الاجنه

كل البنات
احبكم وتعودت عليكم واحسكم قراب مني حتى الغايبين
الله يسمعنا عنهم الاخبار الطيبه وبالاخص فتاة حالمة
ربي لايضيع لنا تعب ويرزقنا الحمل السليم المعافاه
ويرزق عايشه وخواتنا ماضبطت معاهم هالمره بحمل
ثاني هين ومافي تعب يارب

 

[last piece]

بنات كلامي فوق في وايد بدليااات عذروني كنت يايه من الدوام


ربي يرضينا ولايضيع لنا تعب

 

[rachaaa]

انا يمكن الترجيع يوم الثلاثاء بعد يلا مهره
بنات لا انا بعدد رهببه بس بدون فايده يعني اول مره طلهي معي 32 بس يلا بقي 3
ادعولي امانه يطلعون من الدرجة الاولي واجمد لاني طلعت روحي

ربي لا تذرني فردا

بس عوار مو طبيعي الدكتور يقولي اليوم انا لزام اروح سلطان وي الدجاج علب كتر البيض

 

[last piece]

فديتكم
ان شااء الله كلكم تبشرونا بالخير وبحملكم يارب
ويارب خواتنا اللي سبقونا وما نجحت عمليتهم يبشرونا بحملهم طبيعي

 

[حبي راشد]

ي لبا قلووووبكم الله يرؤي ضمانا ... وربي يسهلهااا سبححححانه محد يحس فينا غيررره .. ربي يبثه بارحامنا ونغتني الله كككككريممممممم ~※♡※

 

[rachaaa]

المهره اكلي البرد يلا تبينه عادي توكلي عالله
يارب ترزقني ذرية صالحه معفاة

 

[R W 3 A]

بنااات انا شريت تحليل منزلي ودي اسويه مع اني باجر يصيرلي 10 يام تهقوون يبين?
مافيني اصبر اليوم مااحس بشي مجرد ثقل بجسمي انا مسلمه امري لله وراضيه بلي كاتبه لي

 

[حبي راشد]

سويه باجر الصبح وانشالله يبين .. بس مو ترا نتيجه اكيييده اذا طلع سلبي

 

[last piece]

سوي الصبح وانتبهي حتى لو طلع خط باهت
وبكل الاحوال شنو ما كانت النتيجة تأكدي ان ربج اختار لج الافضل
وتر الاهم تحليل الدم

 

[حبي راشد]

استغفر الله

 

[rachaaa]

انا اليوم سالت الدكتور عالتحليل متي قال من اليوم 10 يبين عادي
سوي ااتحليل وطمنينا الصبح ودي اصحي ع خبر حلو

 

[بنفسجيه_Q8]

الله يرزقكم بذريه السليمه المعافه

 

[R W 3 A]

بناااات احس عمري حدي ملقوفه مافيني صبر توني سويت التحليل وللاسف طلع سلبي
الحمدالله على كل حال وان شاءالله يطلع غلط والله كريم

 

[last piece]

روعه الحين مايبين
لازم الصبح او انك تكونين وانتي بكرامه ،مادخلتي الحمام قبلها اقل شي ٤ ساعات