دوانيه شلة منتظرات نتيجه عملية اطفال الانابيب والحقن المجهري

[بحرانيه حلوة]

يارب يرزقكم باذريه الصالحه ويترس حضنكم بالضنا

 

[بحرانيه حلوة]

اجر وعافيه ملاك حبيبتي سلامتج يالغاليه يارب يرزقج انشالله ويفرح قلبج ويعوضج خير

 

[rachaaa]

ملاك حبيبتي ربنا يعوض عليكي بس تري اختي كنت متلك وعلي فكره اول ما شالت القنوات نجحة ااعملية معها لان كنت القناة تسوي صديد علي الرحم والقناة التانية يثبت الجنين فيه لا تخافي وتوكلي علي رب العالمين ​

 

[ماسة الاسلام]

تسلمين بحرانيه


بنات جتني نغزات في الصدر نفس ماتجيني وقت الي تنزل الدوره يعني ماعناته ماكو حمل ومنو كان يجيها نغزات في الصدر ووقت الحمل هم بعد جاها

 

[مس عبيطه]

السلام عليكم

شلون كم كويتيات

انا سويت ألعلميه وأمس نزلت الدورة الحمدلله على كل حال

ضاق خلقي بس قلت خيره من الله ليش اعترض

دققت ع الدكتور قالي ارتاحي هالشهر والدورة الجائع تعالي
قلت له بسويعات الشهر هذا في مشاكل قال لا عادي بس عشان ترتاحين

شايكم أعيدها هالشهر ولا الشهر الجاي ؟

 

[ماسة الاسلام]

هلا مس الحمدلله خيره يا الغاليه العمر جدامج طويل ان شاء الله أنا رايي ارتاحي شهرين استانسي وسافري وطلعي رفهي عن نفسج وبعدين توكلي على الله وسويها والله يرزقج باذن الله واستخيري أول

 

[عسولةريلي]

الحمدالله على كل حال
ربي يرزقج إن شاءالله
ارتاحي حبيبتي في شهر الخير والبركه شهر رمضان المبارك كرري الدعاء والصدقه
والصلاة و قراءة القرآن مع الاكل الصحي والفيتامينات في وحدة من الخوات منزله لنا جزاءها ألف خيربرنامج كامل
حفظي عندج وامشي عليه بالضبط
وإن الله بعد شهر رمضان تبشريني وبشرين خواتنا انج حامل ​

 

[عسل حدي]

ربي لاتذرني فردا وانت خير الوارثين

 

[بحرانيه حلوة]

يارب يسهل اموركم ويرزقكم بحق هذه الليالي المباركه من شهر رجب

 

[ماسة الاسلام]

آمين يارب

 

[ماسة الاسلام]

بنات شلون تقضون وقتكم خاصة انكم ما تشتغلون والدوام طبيه آنا عن نفسي أقعد على صلاة الظهر وأطالع تلفزيون لي صلاة العصر أصلي بعدين العب بلاي ستيشن هههههه تراني كبيره مو صغيره بس الفراغه تسوي جذي وقبل المغرب أقرأ قرآن عشان النفسيه تصير أحسن وبليل أسهر عاى فلم أحس اني انتفخت من القعده

 

[ثنايا الورد]

مرحبا بنات باجر عمليتي عفيا ادعولي ربي يسهل اموري

واكون حامل والاهم من هذا ثبات الحمل اهو اللي يخوف


انا جربت الحمل وفرحت فيه بس ماكملت فرحتي

والحين ودي انه يثبت ويتم بخير


ادعولي بدعوة حلوة في ظهر الغيب

والله يوفقكم ومايحرمكم امين ياكريم

 

[rachaaa]

حبيبتي ربنا يثبج يارب وتتسهل العملية وتفرحيني بحملك ​

 

[عسل حدي]

اب اب اب

 

[ملح الدنيا فيني]

ياااااااااااااااااااااااارب يبشركم بما يسركم

 

[ماسة الاسلام]

ثنايا الورد الله يرزقج يارب بالولد الصالح

 

[بحرانيه حلوة]

بنات تنا حامل ببزايه الشهر الثالث كل مره اسوي سونار اشوف الكيس والجنين واسمع نبض بس اليوم الدكتور قاللي النبض ضعيف عيديه بعد اسبوع طلعت من المستشفي رحت مستشفي ثاني والا يقولولي الجنين ميت قالولي وقفي المثبتات عشان ينزل واذا مانزل نسوي تنظيفات بعد اسبوع ادعولي بنات وايد تعبت على هالحمل

 

[ماسة الاسلام]

حبيبتي بحرانيه مأجوره ياقلبي عسى أن تكرهوا شيئا وهو خير لكم والله سبحانه وتعالى كريم آنا البيبي عندي مات وآنا آخر اسبوع من الشهر التاسع وماحملت فيه إلاعقب 4 سنين والحين صارلي 3 سنين أحاول أحمل الحمدلله كلي الي كاتبه ربي خير للعبد صلي واقرئي قرآن وعسى ربي يرزقج بالولد الصالح المره الجايه يارب

 

[بحرانيه حلوة]

الله يكون بعونج ماسه الاسلام ويعوضج خير انشالله انا بعد اللي صار كرهت كل سي حتي ريلي مابي سي من الدنيا حيل متصايقه

 

[ماسة الاسلام]

لا تضايقين وأنا اختج شوفي الله سبحانه وتعالى يقول (الذي جعل لكم الموت والحياة ليبلوكم أيكم أحسن عملا) واحنا بدار اختبار الله يبلانا بأنفسنا وبأموالنا ويشوف منو فينا الي يصبر والله راح يجزيه على صبره خير لأنه قال وبشر الصابرين صدقيني بتمر الأيام والله راح يرزقج لأنه من أسماءه الحسنى الرزاق اهو سبحانه سمى نفسه الرزاق لازم تصيرين قويه وصيري يا جبل لا يهزك ريح وقولي الحمدلله رب العالمين وفرفشي واكشخي لزوجج واقعدي معاه هذي دنيا دار بلاء الحمدلله يا الغاليه والله يرزقنا عن قريب