دوانيه شلة منتظرات نتيجه عملية اطفال الانابيب والحقن المجهري

[ملح مكتت]

بنات التحاميل جم وحده تاخذون باليوم

 

[فول وفلافل]

ملح مكتت

دكتوري واصف لي التحاميل مرتين باليوم

 

[عروووسته]

بنات انا دكتورتي ارررف كله تقول ممكن زين ممكن لا ماعندها غير هالكلمتين عموما رحت حللت هرموني اليوم النتيجه بعد ساعه بمووووت احس خلاص لتنزل الدوره

دقيت عالدكتوره قالت زيدي حبوب دوفاستون بنات طلع ان المفروض هالحبوب مرتين الصبح ومرتين بالليل انا غلطت واخذت حبه صبح حبه ليل ،،معناته خربت علاجي صح انا مابلغت الدكتوره اخاف تبلغ زوجي

قلتلها رحت حللت قالت لييييش ماراح يبين ليش حللتي! ! حقرتها لاني منغثه منها عالاخر احسهم نصابين علا طول سوولي العمليه ماهيأوني ماعطوني فيتامينات ابر وبس والتحاميل بس وحده باليوم شرجيه ليش انتو علا ثنتين ثنتين؟؟؟؟

متحطمة نفسيتي

 

[عروووسته]

ام بدوري ردولي ثنتين مادري من اي درجه سحبو البويضات الاثنين ردوهم الخميس

 

[فول وفلافل]

عروسته لان انتي لانج قاعده تاخذين حبوب غير التحاميل و هالحبوب مثبته بعد علشان جذي عطوج اياها مرة وحده

ردي تاكدي من طبيبتج كمية الحبوب و التحاميل لان مو زين تزيدين من عندج تضرج اهيا نسبة و تناسب

منو دكتورتج ؟

 

[ملح مكتت]

واااي انا اليوم سويت شي غبي حسيت اني غبيه موعد تحميلتي ٢ ما اذكر حطيت ماحطيت ورديت حطيت عال ٢.٣٠ والحين من غبائي ناسيه جم تحميله حاطه هل وحده هل ثنتين ماكو مخي نااسي وقاعده احاتي اخاف احط التحميله اليايه يصير شي موزين واخاف ما احط هم موزين حدي منبطه جبدي

 

[عروووسته]

انا بطيبه كلينك
محد ذكر عنهم شي كنت اعالج عند دكتوره عشان التكيسات واهي حولتني عليهم بس انا علاجي كان حبه صبح وحبه بالليل وتحميله وحده شرجيه
واهو المفروض حبتين صبح حبتين بالليل وتحميله
شكلي خربت علاجي صح بس انا يوميا اشرب حليب ونشا
عموووما باقي نص ساعه وتطلع نتيجتي ياااارب حامل لان اللي عتدي صارله ساعه مطنقر وياكل بعمره

 

[عروووسته]

سئلي دكتورتج ملح مكتكت

 

[فول وفلافل]

ملح انا خبري باتريك كان يعطيني ٣ مرات باليوم التحاميل بس اتوقع لو زدتي وحده تو نقصتي وحده بس هاليوم عادي ما يأثر

 

[عروووسته]

طلعت ننيجتي اليوم لي 11 الصبح نزل علي بني وشويه دم.
حللت هرموني طلع1.28
الحمدالله علا كل حال ربي ماكتب انا لله وانا اليه راجعون اللهم اجرني في مصيبتي واخلفلي خيرا منها
يالله يارب يثبت مافي ارحامكم ويرزقني بالحمل قريب من غير حول مني ولاقوة
امنو علا دعائي الله يعافيكم

 

[ام الزين2000]

الله اعوضج حبيبتي ان شالله المره الثانيه خيره من رب العالمين

 

[فول وفلافل]

عروسته لا تحاتين كل ما تكررت المحاولة زادت فرص النجاح ارتاحي هالشهر وكرريها مرة ثانيه عقب جم شهر

 

[أم بدوورى 2010]

ام الزين شلونج حياتي شخبارج انقطنا عن اخبارج

 

[أم بدوورى 2010]

عروسه لا تحاتين بس ياليت اذا بتعيدينها غيري دكتورتج احس انها ماتريح
والله يعوضج انشاءالله ​

 

[ام الزين2000]

هلا ام بدوري حبي اشلونج انا الحمذلله بخير كله منسدحه والله هل الايام قاعده افكر بالمجلس الطبي وباجر زوجي بروح الصباح يفتحلي ملف والله كريم انتي اشلونج وشلون يومج اتمارسينه
فول وفلافل اشلونج حبي متي تحليلج
ملح مكتت اشلونج عمري ان شالله ابخير مع البيبي

 

[أم بدوورى 2010]

انا سويت مجلس طبي ويوم الاثنين موعدي انشاء الله
وانا بعد مثلج بس منسدحه بس مرات اطلع بصراحه مليت من القعده بس ما اطول بالطلعه حدها ساعه

 

[أم بدوورى 2010]

ام الزين وقف الدم معاج ورحتي عتي التحليل جم طلع نسبته

 

[ام الزين2000]

هلا ام بدوري الحمدلله وقف الدم
ام بدوري بسآلج اذا بروح احط موعد حق المجلس الطبي لازم تقرير
تخيلي توني دقيت علي السكرتيره اتقولي مانعطيج تقرير إلا لما نسمع النبض يعني بعد اسبوعين بالله هذي حاله
وانا اقعد اغيب جذي والله دخت

 

[rachaaa]

ملح مكتوت حبيبتي انا دكتور ان يقولي حط تحميله زياده اذا بتطلعين يعني عادي لا تقلقي
وحي تحميتلك بوقتها

 

[أم بدوورى 2010]

ام الزين ماله شغل النبض بالتقرير كلمي دكتورتج انا كلمت الدكتوره وسوتلي تقرير وصدقته وانا مسويته من زمان من يوم سويت العملية طلبته وهذا من حقج لا تسكتين دقي مره ثانيه وإسإليهم