دوانيه شلة منتظرات نتيجه عملية اطفال الانابيب والحقن المجهري

[ام الزين2000]

عروسته لاتطلعين من البيت ارتاحي انا طلعت يوم سادس ولحين قاعد ينزل علي دم

 

[ام الزين2000]

ام بدوري عادي حبي غسلي بالغسول صاجه انظف حق التحاميل انا اغسل في
الله كريم
ام بدوري انتي متي تحليلج وشنو تاخذين مثبتات

 

[ام الزين2000]

رشا حبي اشلونج الله اعوضج ان شالله خيييير

 

[@محروسه@]

ام الزين گـّيَفْ الـّ?ـّال ?ن شـْاءِ اللـٌہ بَخـّيَرٌ]:.|
كم جنين رجعولك وهي من اي درجه وهل عطاك ابر مثبته
وشنو عطاج ابر منشطه وقت الدوره اذا تذكرينهم؟
اللـٍْْ♡̷̴̬̩̃̊ـٍْْهُِ يثبتهم يارب وتفرحين بشوفتهم

 

[عروووسته]

ام الزين. من صجج! ! الله يثبت الاجنه يارب ويرزقنا بحمل سليم صحيح كامل معافى حسن الخلق والخلق امييييين

مشكورين بنات
هذا انا محكوورة في البيت

 

[ام الزين2000]

هلا بنات اشلونكم اليوم
الحمدلله انا ابخير بس لازال الدم الله كريم
محروسه حبي انا رجعولي ٣ اجنه من الدرجه الاولي واخذ حبوب وتحاميل للتثبيت والله كريم
بنات انا موعد دورتي ٢٩ الشهر يوم الاربعا اشرايكم احلل ولا اصبر

 

[reem1987]

عروسته انتي الحين تعبانه علي ماسويتي للعمليه تعبانه من ناحيه المراجعات والسونارات والإبر والادويه والعمليه وهم النفسيه وتروحين 6 يوم اداومين ؟؟؟؟؟؟؟؟
وفوق هالتعب هذا قاطه اكثر من 2000 دينار
لا يبا لاتداومين لان الدوام يأثر حبيبتي إحنا مو نفس الطبيعي عادي يمارسون حياتهم إحنا لاصقينهم لاصق اصلا اللي حللت حامل تحط ايدها علي قلبها لي التاسع يكمل حملها ولا لا ادري كل شي بيد الله سبحانه بس حطي ببالج إحنا مو نفس اللي حامل طبيعي وانتي كيفج نصيحتي لا تتحركين طول ال 14 يوم واذا حللتي وحامل انشاالله لا تتحركين لي السادس اعرف ناس ماتسبحو طول ال 14 يوم

 

[reem1987]

ام بدوري لا تغسلين بالغسول واذا منضايقه وودج تغسلين دقي علي د سمر الرقم الخاص بالأطفال الأنابيب اي سؤال حابه تستفسرين فيه دقي عليها أنا باليوم أدق عليهم ٣ مرات اذيتهم لووووووووول

 

[rachaaa]

لاتغسين بغسول مو رين ابدا اصلا التسبح محدود يصير شلون تستعملين غسوال
حبيبتي علي الدم ورب الكعبه احتي الدم عندها من علامات الحمل فعادي بس ارتاحي واخذي مثبتاتك بموعدها


تقدرين تروحين الدوم بعد الحقن بااسبوع عاااااادي لان اصلا اهو اول اسبوع اهم شي لو ماثبت بعمرها ماراح يثبت فا لاتحاتين
انا دومت بعد ١٠ ايام من التلقيح وثبت والحمدالله حملت لاتحاتي وتخافي النفسيه اهم شي

 

[فول وفلافل]

ام الزين تقدرين تحللين في عاشر يوم من الترجيع انا في حملي الاول بين معاي باليوم التاسع بس هالمرة بنطر لي يوم ١٤ ان شالله ما بقى شي

 

[rachaaa]

الي مو قادره تنطر ليوم التحليل تقدر تسوي تحليل هرموني بعد الترجيع في ١٠ ايااااام هذا كلام الدكتور

 

[عروووسته]

وليييييه انا ادرس وهذا كورس تخرج ماقدر اوقف نهائي عموما السياره تدخل داخل الكليه واسنسير وعلا طول محاضرتي مافي مشي وتعب
الله يستر ويكون بعوننا انا توني ادري ان احنا مو نفس الطبيعي!!

 

[بحرانيه حلوة]

يارب ترزق الجميع يارب ويعوض الباجي بحق قطرات المطر

 

[ام الزين2000]

يارب آمين
يارب ابهالمطر ترزق كل محرومه بالذريه الصالحه

 

[reem1987]

عروسه أنا كنت مسويتها استأذنت من الدكاتره وماقالو شي داومت يوم عاشر قلت وااااي ملئت بداوم كنت صغيره قبل سنتين ونص وحللت حامل بس الحمل ضعيف يوم قلت حق الدكتور أنا داومت يوم عاشر جان اتزفني زف وماكمل الحمل اجهضت حبيبتي لازم اديرين بالج وانتي حره والله أنا لو أوقف قيدي ماعندي مانع اهم شي احمل ويكمل حملي لاحقه علي الدراسه بس العمليه تعب وتوتر *

 

[ام الزين2000]

بعد عمري بنات ريحتوني ما تدرون شنو حالتي لما اشوف الدم الله كريم
ما قصرتو رشا وفلافل بحرانيه عروسته. محروسه ريم وكل البنات

 

[ام الزين2000]

عروسه أنا كنت مسويتها استأذنت من الدكاتره وماقالو شي داومت يوم عاشر قلت وااااي ملئت بداوم كنت صغيره قبل سنتين ونص وحللت حامل بس الحمل ضعيف يوم قلت حق الدكتور أنا داومت يوم عاشر جان اتزفني زف وماكمل الحمل اجهضت حبيبتي لازم اديرين بالج وانتي حره والله أنا لو أوقف قيدي ماعندي مانع اهم شي احمل ويكمل حملي لاحقه علي الدراسه بس العمليه تعب وتوتر *

صاااااجه :eh_s(15):

 

[ام الزين2000]

ام الزين تقدرين تحللين في عاشر يوم من الترجيع انا في حملي الاول بين معاي باليوم التاسع بس هالمرة بنطر لي يوم 14 ان شالله ما بقى شي

هلا فول حبي متي رجعتي الاجنه بآي يوم انا رجعتهم باليوم الخامس اتصدقون بنات خايفه احلل باجر لي عاشر شكلي بنطر مثلج فول وحلل بيوم ال14

 

[ام الزين2000]

ام بدوري اشلونج مشكوره لانج تسألين عني
شخبارج ابشنو اتحسين ام بدوري ومتي موعد تحليلج

 

[أم بدوورى 2010]

هلا فيج ام الزين انا بخير الحمد الله بس قبل جم يوم كنت احس بتشنج في بطني بس الحين راح وما احس بشي واليوم عاشر يوم لي ودي احلل بس خايفه انصدم