دوانيه شلة منتظرات نتيجه عملية اطفال الانابيب والحقن المجهري

[أم بدوورى 2010]

مرحبا ام الزين طمنيني اشصار معاج وقف الدم دقيتي علي العياده قلتيلهم إلي صار فيج

 

[أم بدوورى 2010]

بالنسبه للإبر انا اتوقع اختلف من وحده لوحده انا كنت اخذ ابرة القلم الصبح وبلليل ابرة البودرة والماي ولما جا وقت سحب البويضه قبلها بجم يوم زادة لي البودره صارت 2 وماي واحد فلا تحاتين كل وحده علي حسب استجابت جسمها

 

[mona777]

سلامي للكل

 

[أم بدوورى 2010]

أهلين هلا فيج ​

 

[@محروسه@]

يعني ممكن يزيد ابر vif
وله حق طفل انابيب ابر اقوى منهم

 

[rachaaa]

هلا مني كيفك شو الاحبار شصار بموعدك

 

[ام الزين2000]

هلا بنات اشلونكم
كلمت العياده وقالولي عادي لاتخافين وايد بنات اصير فيهم جذي
بس اهم شي استمري علي المثبتات ولا تتحركين والله كريم
الله اصبرني والله للحين الدم كل ما ادخل الحمام تكرمون بنات اشوف الدم واقعد ابجي واضيق خلقي
الله كريم انا راضيه ابقسمة ربي الحمدلله

 

[عروووسته]

السلام عليكم
بنات انا اول مره اشارك
انا لي يومين مسويه عمليه الحقن
منو فيكم تحس بتشنجات فبطنها
انا احس مثل تعب وعوار الدوره
الم في الظهر واذا مشيت احس بنقزات فبطني!!
انا دكتوري قال عيشي حياتج طبيعي بس لاتجهدين نفسج اليوم اول يوم اتحرك ياربي والله خايفه قولولي شسوي
شنو اللي لازم اسويه استغرب ان دكاترتكم يقولولكم قعدوا! ! انا راح اداوم الاسبوع الياي وامشي واروح وارد: / الله يستر

 

[عروووسته]

ومنو فيكم انتفخت بطنها بعد عمليه السحب!!
انا بطني مترووووس هوا

 

[rachaaa]

هلا عروستي حبيبتي الانتفاخ والامساك حبيبتي هذا من العمليه
حبيبتي الاحسن انك ترتاحي اول ٣ ايام مافي حركة ابدا وبعدها حركة ع الخيف بس اهم شي الراحه النفسيه ادري صعب ماتفكرين علشان نفسيتك الله يعنك ويسهل هالايامعليكي

 

[rachaaa]

عروستي وين مسوية العمليه سمعي انا عن نفسي خذيت مرضيه ١٠ ايام وبعدها رحت الدوام قبل التحليل ماادري عنك انت الي ترتاحي سوية اذا تبين اخذي اجازه علي حسابك
انت عند منو تراجعين قوليله يسويلج مرضيه

 

[أم بدوورى 2010]

هلا حبيباتي عادي لا تحاتون انا بعد كنت احس بنتفاخ في بطني واحس بتشنجات داخل بطني بس احس عادي وبالنسبه للدوام لا داومون لازم ترتاحين مايصير تشتغلين ودرسين انا دكتورتي عطتني اجازه 20 يوم

 

[أم بدوورى 2010]

ام الزين متي موعد تحليلج بصراحه احاتيج

 

[أم بدوورى 2010]

روشا حبيبتي سويتي تحليل بشرينا ها في شي

 

[أم بدوورى 2010]

بنات بسألكم سؤال عادي اغسل بغسول ستلا حق الأماكن الحساسه لان مثل منتو عارفين كلنا نستخدم التحاميل وبصراحه ماتنضف اذا غسلت بماي بس لازم اغسل بطهر يعني عادي استعمله اليوم زوجي لما درا عصب يقول مايصير فأنا خفت قلت أسلكم انتو ادري منه بهالشي

 

[عروووسته]

انا راح اداوم الاثنين مااقدر اغيب وماطلعت من البيت من يوم العمليه يعني بيكون سادس يوم لي: /
سؤال الكحه والعطسه والضحك عادي والا يأثر
اانا الانتفاخ اللي فبطني بروحه يضغط علا رحمي حتا لو ماتحركت
اتزين سؤال سمعتو عن النشا والماي عالريج لتثبيت الاجنه؟؟

 

[أم بدوورى 2010]

هلا اختي عروسته العطسه والكحه والحكه عادي بعد هذي شغلات ما تقدرين تتحكمين فيها فلا تحاتين اما بالنسبه للنشا انا سمعتعنه يثبت بس بصراحه ما جربت ما احب اغامر اخاف يصير شي

 

[rachaaa]

حبيبتي نشا ومياه او نشاء وحليب ناس وايد جربوها وضبط معهم
حبيبتي اي تحليل انا اصلا حامل بس حمل ضعيف واللحين يقولون ان مشوها وموزين علشان شدي الهرمون قاعد ينزل من رحمة ربنا ان الجسم بيرفض الحمل المو سليم

 

[أم بدوورى 2010]

الله يعوضج انشاء الله ​

 

[ام الزين2000]

هلا ام بدوري اشلونج حبي
الدكتوره قالتلي حللي يوم اليمعه اليايه اكون لي ١٥ يوم من الترجيع
واساسا انا موعد دورتي الاربعا الياي الله كريم يارب