دوانيه شلة منتظرات نتيجه عملية اطفال الانابيب والحقن المجهري

[*عهد*]

أهلين بنات كيفكم مطيريه الله يثبت جنينك يارب
المشاعر كثري ماءورد حطيه مع الشاي والقهوه والعصير وحتى مع المويا العاديه ممتاز لبطانه الرحم
أم دليار أن شاءالله تتلقح كل بويضاتك
أحلامي وما الورد الله يطمنكم بشوفت أجنتكم بالسونار قريبا

شدعووه
الله يرزق الجميع وانا اقوول ليش مااحد يرد على اسئلتي الا كذا وحده وشكل البااقي نظام احزاب ومكتفين في بعضهم اجل خووش تجمع لوو ادري ماادخلت ولاتعبت عمري ..

 

[سمسومه الحبوبه]

عهد حبيبتي وشأحزابه الله يهديك هدي حبيبتي
أنا هنا كلنا خوات وعلى قلب واحد والله يرزقنا كلنا
وأكيد لو وحده شافت سؤالك وعندها إجابه ماراح تتأخر
بالنسبه للتحليل إيه اسمه تحليل هرموني

 

[احلامي الامومه]

صباح الخير بنات اشلونكم سمسومه اشلونج شخبارج وين كلامج الحلو الي يرفع المعنويات ولهنا عليه...... فهده طمنينا ، مطيريه الله يكتبلج كل خير يارب ياكريم مشاعر استمري علا العلاج عاد لا تهملينه كلش ماي ورد حبيبيتي هاااانت...ورد الياسمين وين بتروحين الشهر الياي علاج اي مركز؟؟ اتصدقون بنات امس حاطين برنامج في مركز بالأردن يستخدم نظام يديد ينشط ٣ ايام بس ويسحب البويضات ويكمل تنضيجها بالمختبر بعدين يحقنها يقول نتايجها احسن واقل تعب علا المره من المنشطات جان يوصل الكويت هالنظام بنات ادعولي بعد يومين سوناري وخايفه موووووووت لاني ماعندي اي أعراض ماي ورد دائماً اطمني الله يجزاها خير بس انا قلبي خايف والله يستر ادعولي بنات حبايبي محتاجه دعائكم لي الله يطمن قلبي وقلبكم كلكم يارب.......

 

[سمسومه الحبوبه]

أحلامي وماي الورد
الله ييسر أموركم ويفرج همومكم ويفرح نظراتكم وينولكم ماتتمنون
أنا بكره موعدي بشوف نتيجة المسحه والحمدلله عادت لي تحليل هرمون الحليب وتقول رجع طبيعي من فضل ربي
حسيت بعض الأحيان أنا نتعبث في انفسنا من غير ماندري أنا الحمدلله هرموناتي تمام قمت اشرب في هالمراميه لين خربطت علي الدنيا ورفعة هرمون الحليب
الله ييسر امري واموركم ويرزقنا من حيث لانحتسب

 

[سمسومه الحبوبه]

اللهم يامسهل الشديد

وياملين الحديد

ويامن هو كل يوم في امر جديد

أخرجنامن عنق الضيق
بك
ندفع مانطيق و مالانطيق


ولا حول ولا قوة الا بالله العلي العظيم


يارب سهل علينا ما نخافُ تعسيره~


 

[احلامي الامومه]

يااااااااااارب ياحلاة الدعاء ياسمسومه يارب يرفع عنا ويفرج همنا ياكريم يا عظيم ياقادر يافاطر السماوات والارض يا اارحم الرحمين........

 

[mona777]

سلامي للكل. مطيريه كلمي دكتورج بخصوص الدم. الله يثبت. جنينج

 

[ورد ياسمين]

السلام عليكم
شخباركم بنات عيون امل ربي يعوضج بالاحسن ويرزق اللي يعالجون والله كريم

 

[ماي الورد]

مساء الخير وجمعه مباركة للغوالي

عهد اش هالكلام احنا نرد على اسئلة الجميع بس انتي نفسيتج تعبانة ما علية اسمه تحليل هرموني للي مثل حالتنا اطفال انابيب ما يسوون لهم تجليل عادي

سمسومة ياللة خير ياقلبي وان شاءالله تشوفين الي يسررج

نونه وين طسيتي احنا منتظرينج على احر من الجمرر

احلامي شخبارج اليوم وكف التعب والارهاق الله يوفقج يارب

المشاعر اللة يعطيج على قد نيتج الطيبه

مطيريه وينج مختفية عسى ما شر

فهده باقي لج كم يوم وتحليلين وتفرجين بنتيجتج

امل ربي يعوضج في الايام الجاية

ورد شعلومج وش مسويه مع هالبرد

منى ربي يطعمج الذرية الصالحة ويطعم الجميع ان شاءالله ويسهل امورنا

لا نمسوا الدعاء اخر ساعه من هاليوم المبارك

 

[مطيرية كيوت]

هلا والله باحلى بنات ياحياتي والله ارتاح اذا. دشيت ولقيتكم فاقديني وتسالون عني
الله يرزقكم كل ماتتمنون ويرزق اللي ماحملت ويتمم علي اللي حملت ويفرح قلب اللي ينطرون التحليل
حبايبي انا اليوم طلعت من المستشفى مع ان المفروض اطلع امس بس انا قعدت زياده في الحرص
وبخصوص الدم الدكتور مو موجود وقالولي الممرضات اذا شويه عادي

 

[مطيرية كيوت]

وانا اليوم ثاني يوم من الترجيع وكله نايمه على ظهري
اقذر انام على جنبي او لازم ظهري
واليوم يطلع مني افراز شفاف لزج نفس افراز التبويض فيه وحده طلع معاها نفسي وطلعت حامل

 

[احلامي الامومه]

حبيبتي مطيريه اذا توج مرجعه الجنين الإفرازات عادي ماعليج خوف انشالله يرزقج الي تتمنينه يارب انا
كنت عادي أنام علا جنبي والحمدالله ...... بس دربالج علا روحج وشوي شوي

 

[مطيرية كيوت]

احلامي الامومه مشكوره ياقلبي على الرد السريع اللي يدل على طيبة قلبج الله يوفقج ويرزقج بالذريه الصالحه

 

[مطيرية كيوت]

مشكوره حبيبتي ريوف
حبيت اسالكم بعد الترجيع رحتو لدواماتكم عادي او اخذتو اجازه واذا اخذتو اجازه كم ىوعطوكم لان ودي اخذ اسبوعين

 

[مربى و قيمر]

السلام عليكم جميعا
الله يرزقنى ويرزقكم بالذريه الطيبه الى تفرح قلوبنا عاجلا غير اجلا يارب العالميين
مطيريه كيوت وخواتى الى مسوين طفل انبوب ترى الطبيب يكتبلكم مرضيه اسبوعيين من حقكم بس قولو للطبيب يكتبها لكم

 

[ماي الورد]

مرحباا بنات

مطيريه ولو يالقلب احنا بالخدمه نعين ونعاون

احلامي شخبارج خرجتي والله لا

ريووفه الله يسهل لج ويارب تكون علامات حمل

 

[ماي الورد]

مربى وقيمر نساج الشر ان شاء الله شخبارج يالغاليه وشعلومج من زمان عنج والله يارب تكوني فرحانه ومستانسه بحياتج

 

[&أوراد&]

بنات قلبي معاكم كلكم اللي حملت الله يثبت حملها ياااارب واللي ناطره النتيجة مثلي الله لا يخيب تعبها ويفرحها بالحمال واللي ماحملت الله يرزقها ويعوضها خير اللهم ااااااميين

 

[ورد ياسمين]

اللهم امييين
نونه طمنينا وان شاء الله تبشرينا بحمالج يارب

 

[ورد ياسمين]

اوراد ربي يثبت اجنتج يارب وتبشرينا
اللهم اميييين