دوانيه شلة منتظرات نتيجه عملية اطفال الانابيب والحقن المجهري

[فهده 777]

يارب يارب يارب

 

[ماي الورد]

نونة منتظر ينج اليوم ومأرب يحقق مناك أحلامي شخبارك هل من جديد عندك ورد شخبارك وش مسوية سمسومه الله معاج وتسويتها على خير فتاة ربي معاج واحناااا بعد معاج مطيررررية بشرييني دقوووو عليك المستشفى امل شخبارك اليوم المشاعر ربي يفرح قلبك وتقوي عندك بطااانه الررررحم

 

[ماي الورد]

وأنتي كم صارلك محلله يعني متى السونار

بااااااقي لي اسبوع من سوووونار

 

[ماي الورد]

انتي من وين الاصل وليش رررحتي امريكا تسويهااااا

 

[فهده 777]

أنا سعوديه ومارحت أمريكا مخصوص عشان أسويها بس أم زوجي مسويه عمليه هناك وبما أننا جلسنا قريب الشهر قلت خلني أجرب حظي وكل عملياتي قبل كانت بالرياض

 

[ام دليار]

ام دليار حبيبتي انا اليوم سويت السحب عادي حبيبتي البسي لبسج العادي واذا رحتي المستشفى راح تنزلين كل ملابسج حتى الداخليه وتلبسين روب العمليه
وبالنسبه لعينة زوجج راح ياخذون بيوم السحب اول ماتوصلين المستشفى
ولا تخافين حبيبتي ترى العمليه بسيطه وماتحسين باي شي
الله يتمم عليج ويرزقج بالذريه الصالحه

تسلمي حيات قلبي
الله يتمم عليكي وتفرحينا بحملك:yaaaaaarb:

 

[ورد ياسمين]

السلام عليكم
بنات شخباركم
فتاة حالمه كنت قبل 9 اشهر حامل بس بعد 3 اشهر من الحمل توفي الجنين والحمدالله علي كل حال
وربي يرزق كل محروم

 

[مطيرية كيوت]

الحمدلله يابنات المستشفى دقو علي وقالولي بكرى الترجيع انشاءالله وسألتهم التلقيح من أي درجه قالو ماندري الدكتور يبلغج بكرى
مشكورين ياحياتي كل اللي سالو عني وحاتوني
الله يرزقنا اجمعين بالذريه الصالحه ويفرح قلوبنا
بنات تعرفون وحده عمرها كبير نفسي وحملت ودي اتطمن
وادري الامر كله بايد رب العالمين سبحانه

 

[مطيرية كيوت]

انا عمري ٣٧

 

[ورد ياسمين]

هلا مطيريه الحمدالله علي كل شي وسبحان الله اذا نوه نوه حتى لو عمرج 60 وربي يوفقج ويثبت اجنتج يارب ياكريم
ريوف ارتاحي بس مو كله نايمه علي ظهرج اقعدي بس لاتطولين ربي يثبت اجنتج يارب ياكريم

 

[mona777]

سلامى للكل
مطيريه انا اكبر منج انا 43
تزوجت كبيره اخر ال39 و اول شهر من زواجى حملت ثلاث توائم حمل طبيعي ولا منشطات ولا شى بس من فرحتى تكلمت بس بشرت اجهضتهم بشهرين وشوي
حتى دكتورى يقولي كنتي زي الفل انتى قلتى لحد؟دي العين زى فلقة الحجر
ومن حزتها ما ترقعت
بعدها تبين عندى تليف كبير متصل بلرحم من الخارج ولحميه وشلت التليف قيصرى وبلمره اللحميه
ما حملت بعدها تالى عطانى دكتورى تنشيط ابر وحملت عليه بس كان خارج الرحم وخسرت فيه قناة فالوب وكان فيه خطوره علي حياتى لانى اكتشفت متاخر انه حمل خارج الرحم
بعدها دخلت مشوار طفل الانابيب وكل شي يمشي معاى تمام لكن ما تنغرس الاجنه
رغم انى حملت من قبل مرتين
وجربت الانابيب مرات وتفشل رغم انى حملت من قبل من تنشيط عادى بس كان خارج الرحم
وسويت سونار مائي مؤخرا وجدو عندى لحميه تمنع ثبوت الاجنه بيشيلونها لى بمنظار الشهر الجاى
تالى اعيد التجربه دعواتكم​

 

[احلامي الامومه]

الله كريم مطيريه وربج جزيل العطاء وانشالله هالبويضه تنقسم وتصير توأم قادر ربج الله يسهل لج يارب وايد سمعت حملو من جنين واحد لا تخافين ان شالله ورد شخبارج سمسومه الله لا يحرمني من ذوقج ياعمري ماي ورد وينج عني.... فهده
ان شالله اعراضج حمل يارب رييوف الله يعطيج ومايحرمج ويفرحج يارب ....

 

[ماي الورد]

منى اللة يعوض صبرج خير. ريووووفه حاولي تتحرررركي شوي شوي عشان الدم يمشي جسمك مطيرية الف مبروك وربي يتمم عليه بكل خير نونة وينج منتظر ينج البشارة

 

[مطيرية كيوت]

منى حبيبتي الله يعوض عليج يارب ويرزقج بالذريه ويفرح قلبج

 

[مطيرية كيوت]

ريوف ماي ورد. احلامي الامومه. ورد الياسمين
والله كلامكم يريح القلب الله يجعله انشاءالله في ميزان اعمالكم
ويرزقكم الله كل ماتتمنون

خواتي انا حبيت اسأل انا بكرى عندي ترجيع الساعه تسع احط التحميله الصبح او لا مع العلم انا احط التحميله شرجيه

 

[احلامي الامومه]

التحميله كل ١٢ ساعه مفروض الا اذا الدكتور قالج اكثر يعني نفس الوقت الي حطيتيها اليوم حطيها باجر الصبح احسن تراها تساعد في تثبت الاجنه من بعد رب العالمين واقري سورة البقره الليله وصلي ركعتين وكل يوم سورة مريم علا بطنج والدعاء والاستغفار وهالله هالله بالخس والخيار مطيريه وتوكيلي علا الله وهو نعم الوكيل..

 

[mona777]

تسلمون حبايبي
مطيريه ايه لازم تحطين التحميله بس لا تخلينها مهبلي ظلي علشرجي عشان يكون مكان الارجاع نظيف-- رفيجتى رجعو جنين واحد وثبت وولدت وناس ترجع خمسه ما تثبت كل شي بيد الله
الله يثبت اجنتج يارب
وين مسويتها؟سويت كمن مره بلخاص والحكومه السنه الى فاتت قالو عشان السن بنستثنيج ونسويلج مره وحده بس وما خلونى انطر طابور الانتظار بس فشلت رغم ان الاجنه ممتازه الظاهر اللحميه تؤثر وما كنت اعرف بوجودها او الله اعلم
بس الحكومه جدا ممتازين وما يتطوفون
هلسنه تغير رئيس وحده الانبوب وكلمتها وكانت دكتوره ووافقت تعيدها بس طلعت سالفه اللحميه اسويها تالى نرجع للاعاده​

 

[حنين المسا]

السلم عليكم ورحمه الله وبركاته
شلونكم حبايبي
انا من زمان كنت متابعتكم بس ع الصامت ماكنت اشارك
انا من قطر وسويت اطفال انابيب ولله الحمد الله رزقني بولدي عبدالله
حبيت افيد الاخت مطيريه خلي ثقتج بالله كبيره انا سحبوا مني 7 ولقحوهم واللي انقسمو 5 ورجعلي 2 وقالي ان واحد منهم من الدرجه الاولى وعشان يثبتهم سوالي ليزر واهوه عباره عن فتحه يسويها الدكتور بالليزر للبويضه عشان تلصق بجدار الرحم
فياريت تسالين الدكتور عل موضوع الليزر انا بتجربتي الاولى سويتها بمصر مع الاسف الدكتور ماسوالي ليزر وماصار حمل طبعا بالنهايه كلها قسمه من رب العالمين بس الواحد يبل الاسباب وعندج الصدقه اي والله الصدقه بنيه الرزق تصدقي واتكلي ع الله وان شالله نباركلج قريب

 

[المشاعرالصامتة]

شخباااركم بنات نوووونه وينها مختفيه عسى المانع خير وتبشر اليوووم بتحليلها الله يوفقها وتطلع حاااامل ترانا نحاتيج وين رحتي يانوووونه

 

[بحر الذكريات]

السلام عليكم

الله يثبت حمل كل من حمل ويرزق اللي ما احملوا يارب

انا هاذي يمكن اول مره اشارك معاكم

الدكتور قايل لي لازم ابلش بالانابيب وخايفه ومحتاره

وشنو يعني العلاج القصير؟؟

وشنو الشغلات الي لازم اسويها من الحين

الدوره ليلحين مانزلت عشان ابلش بالمراجعه

والله يجزاكم كل خير ويرزقنا كلنا يارب بالذريه الصالحه السليمه المعافاه عاجلا غيلا اجل يارب العالمين