دوانيه شلة منتظرات نتيجه عملية اطفال الانابيب والحقن المجهري

[عيون امل]

هلا خواتي انا راح انظم معاكم انا من الامارات ومسويه اطفال انابيب هذي خامس مره ونحن والحمد الله في الامارات الانابيب ببلاش بس الحين ليه ١٠ يوم من ترجيع الاجنه احس مثل اعراض الدوره وجع ظهر وبطن وصدري محتقن ما دري حمل ولا لا وطلع عندي افراز بني بسيط ... سحبو مني ٩ ورجعوا ٢ وجمدو ٥ ادعليه يا بنات اني احمل

 

[ورد ياسمين]

بنات شخباركم
احلامي وماي ثنايا سمسومه مشاعر فهدة ودليار نونه

 

[ورد ياسمين]

هلا اختي عيون الامل ان شاء الله ربي يرزقج ويثبت اجنتج وهذي الاعراض تبشر بخير والافراز البني عادي انا نزل مني يوم 11من ترجيع الاجنه والحمد الله طلعت حامل

 

[عيون امل]

امين يارب العالمين ويرزق كل محروم بسالج عن احتقان الصدر بس في الحلمه بس هذي اول مره تعورني الحلمه .. وعاادي وجع في اخر الظهر والبطن والا اخاف تكوون الدوره

 

[ورد ياسمين]

عيون امل والله ما ادري عن الصدر بس ناس يقول انه اذا الصدر يعورج هذا يبشر بخير عادي عوار الظهر والبطن وان شاء الله تكونين حامل باذن الله

 

[المشاعرالصامتة]

هلا ورد ياسمين شخبارج حبيبتي انا الحمدلله بخير مطيريه كيوت هلا فيج معانا والله يرزقج ان شاءالله بس بسالج انتي ماخذه ابر تنشيط لان لازم يطلع اكثر من بويضه ويشوفون الافضل شنو مشكلتج بالضبط حبيبتي عيون امل ان شاءالله تبشرينا بحملج وزيييين ابلاش عندكم الانابيب يليت عندنا بس يخفضون من تكلفت الانابيب حيل اسعارهم نااار الحمدلله انا دفعت فوق الف وخمس اميه والحمدلله سويت تحليل ومافيه حمل وناطره الدوره تشرف الله المستعااااان

 

[سمسومه الحبوبه]

عيون امل ومطيريه يامرحبا فيكم
عيون بأذن الله هذي أعراض حمل بس انتي ريحي نفسك ولاتجهدين نفسك
مطيريه الله يطرح فيها البركه
الحمدلله حتى عندنا بالسعوديه مجانا ومستشفيات من فضل ربي ممتازه واللي بتروح على حسابها كيفها*

 

[مطيرية كيوت]

هلا والله خواتي والله انكم تريحون القلب

اختي سمسومه وورد الياسمين الله يجزاكم خير
على هالدعوات الحلوه ويزقكم بالذريه الصالحة
اختي المشاعر الصامته انا مشكلتي غريبه شوي انا اخذت منشطات شهر ٦ اللي طاف وللاسف ماطلع معاي الا بويضتين صغار وقالي الدكتور ماينفع انكمل ورديت اخذت منشطات الشهر هذا وهم اللي طلع قالي الدكتور ٢كبار ٢صغار وقرر يسحبلي بس اثنين ولكن وقت السحب مالقى الا وحده كبيره والثانيه كيس ماي فسحب وحده الله يكتبلي الحمل فيها انشاءالله

 

[مطيرية كيوت]

والدكتور قرر يسحبلي لان انا عمري كببر ٣٧ والتاخير مومن صالحي

 

[عيون امل]

امييين يارب العالمين يا سمسومه الحبوبه ويرزق كل محروم واختي المشاعر الصامته امييين ويحقق الي تتمننه يارب العالمين

 

[المشاعرالصامتة]

مطيريه الله يرزقج ويطرح البركه بهالبويضه ان شاء الله وتحملين وتشيلين ظناج قااادر ياكريم وان شاءالله تفرحين بحملج الشهر هذا وقلبي معاج

 

[ماي الورد]

مطيررريه ربي يسهلها لج ويحط البركة في هذا الوحدة ان شاء اللة امل يارب يكون حمل ويفرح قلبك وتفرحينا بنتيجة ورد وآللة إحنا بخير ويسلمه ربي على سؤال. سمسومه شخبارك ربي يسهل لك أمورك فهدة ايش صار عليك أحلامي مؤ مبينة اليوم يا ترى وين انتي نونة وينك منتظر ينج تفرح ينا بالأخبار الحلوة ام دلياار شخبارك

 

[ماي الورد]

المشاعر ربي يعوضج عن هالخسااارة وان شاء اللة بت نزل الدورة قريب

 

[احلامي الامومه]

هلا بنات اشلونكم انشالله بخير ماي ورد حبيبتي انا تمام اسأل عنج .. سمسومه إحنا بعد الكويت عندنا مركز انابيب حكومي وبدون فلوس بس إحنا نراجع عيادات خاصه كل
وحده تفضل مكان تروحله والحمدالله مطيريه انشالله هالبويضه فيها الامل وتفرح قلبج ورد شخبارج حبيبتي فهده شالاخبار طمنينا مشاعر اشلونج حبيبتي طمنوني عليكم .....*

 

[مطيرية كيوت]

ماي الورد احلامي الامومه مشكورين وماقصرتو على هالدعاوي الحلوه الله يجعلها في ميزان اعمالكم ويرزقكم بالذريه الصالحه اللي تفرح قلوبكم
والله ريحتوني بكلامكم لاني انا وحيده مالي خوات وانتو انشاءالله خواتي
يالله يارب ماتبدي السنه هاذي الا كل خواتي المحرومات بهالمنتدى الطيب حوامل *

 

[مطيرية كيوت]

بنات انا اليوم الصبح سويت السحب والدكتور عطاني التحاميل ابدي فيهم من اليوم بالليل موجنه مبجر
انا اللي اعرفه ان التحاميل بعد الترجيع
تكفون اللي يعرف شي يقولي

 

[ماي الورد]

لا والغالية كلنا بدينا فيها بعد السحب مباشرة لا مؤ مبجرررر متى قالوا لج موعد الترجيع وعند اي دكتور تتعالجين انتي ربي يفرح قلبك وتدخل عليك سنة ٢٠١٢ بدل الفرحة فرررررحتين

 

[مطيرية كيوت]

هلا حبيبتي
ماقالولي متى الترجيع قالو ندق عليج بعد يومين او ثلاثه
انا دكتوري منصور العرف ومنتهى السالم

 

[مطيرية كيوت]

خوش دكتوره الله يباركلها بصحتها واعيالها
صج انسانه راقيه

 

[ام دليار]

ام دليار بالتوفيق السحب

والباقي ربي يثبت اجنتكم ومايحرمكم من الذرية الصالحه

تحياتي للجميع

تسلمي يوفقنا أجمعين:eh_s(7):