دوانيه شلة منتظرات نتيجه عملية اطفال الانابيب والحقن المجهري

[ماي الورد]

شخباركم بنات وكيف معنوياتكم

اخباري والله تعبت من القعدة على السرير

 

[احلامي الامومه]

انا مو منسدحه نص اليوم راحه ونصه مشي خفيف حتا طلعه ورديت امشي خفيف خفيف لو بقعد بالفراش الايام ماراح تمشي انا بالنسبه لي مافي أعراض بتاتا ولا شي ولاشي لاعوار دوره ولا شي

 

[نكهةالبرتقال]

الله يرزقني و يرزقكم الذرية الصالحة الطيبة المباركة

 

[ورد ياسمين]

اللهم اميييين 

 

[سمسومه الحبوبه]

صباح الخير
صباح التفاؤل بالله
صباح الثقه بالله
صباح المعنويات المرتفعه
امس زرت حماتي نفاس جلست ١٦سنه تحمل وتسقط
والحمدلله ربي رزقها ببنت قبل سنتين وألحين توها جايبه بنوته ثانيه
ماشاءالله تبارك الرحمن الله يحفظهم لها ويرزقنا
في شغله استفدتها من حالتها طبعا كل شي بيد الله اذكر اول لما تحمل ماتتحرك على طول راااااحه تاااااامه ومسكينه شهر ونص شهرين وتسقط بس يوم حمالها في البنيه الأوله والثانيه عادي تطلع وتتحرك بس على الخفيف وتحظر جمعات اهلها وتتسدح اذا تعبت من القعده والحمدلله
اتوقع ان الجلسه تأثر على النفسيه فتتأثر الحاله الصحيه

 

[سمسومه الحبوبه]

أحلامي حبيبتي ترا كل حمال له وضعه وكل مره ولها طبيعتها
ان شاءالله حامل وبتبشرينا ان شاءالله

 

[احلامي الامومه]

يارب الله يسمع منج يارب بس الله كريم تدرين هالعمليه مو هينه بكل تفاصيلها والي تعيدها

وايد الله يعينها بعد يارب ترزق كل محرومه يارب تسمع دعائنا وتحتم لنا الاجابه ياعاطي ياكريم......أحاول اسلي نفسي عشان يضيع الوقت وأمس طلعت تعشيت ورجعت حاولت ما امشي وايد بس فيني إحساس غريب احس أني خفيفه وماعندي اي أعراض جنه الي مريت فيه كله كان مو صج مادري

 

[ماي الورد]

السلام عليكم وجمعه مباركه على الجميع

الصبر زين يا احلامي ولا تستعجلين

كله يبين ان شاءالله

انا قررت احلل الجمعه الجاية ما فيني صبر ابدا

 

[سمسومه الحبوبه]

ماي ورد حبيبتي ترى غلط تحللين قبل أسبوعين
لأن مفعول الأبر التفجيريه مايروح الابعد اسبوعين فإذا حللتي يطلع حمل وهو حمل هرموني
اصبري يالغلا وكله بأجره عشان ان شاءالله تصير الفرحه صدقيه

 

[ماي الورد]

حتى زوجي ثالي نفس كلامج يا سمسومة

وانتي طمنيني عنج كيف احوالج ان شاءالله زينة

والله يفرح قلبج

 

[سمسومه الحبوبه]

إيه يالغاليه اصبري وربك بيفرجها ان شاءالله
أنا انتظر موعدي الأسبوع الجاي السبت مدري ليش عطتني موعد مع اني أصير توني مخلصه الدوره لي اسبوع هي بتسويها على الدوره الجايه
عاد موتروحون قسم الحوامل ان شاءالله وتخلوني خلكم معي
بس قالتلي بتسويلي مسحه لعنق الرحم قبل العمليه *

 

[ماي الورد]

افا عليج وان رحنا بتروحي معانا ان شاء الله

اهم شي ابعدي الخوف منج عشان تتسهل امورج

 

[سمسومه الحبوبه]

الله كريم
حبايبي لاتنسون ساعه الإجابه
فالله يحب ان يرى ايدي عباده تمتد بالدعاء
ماي ورد
قد سويتي العمليه ولا اول مره
بعد السحب وشلون الألم وخذتي ادويه ولا لا

 

[ماي الورد]

اي سويتها من قبل

انا الحين استخدم فوليك وتحاميل وبرجتون الحبوب البيضاء بس

احس العمليه متعه فيها من الانتظارر والترقب

وانتي ناويه تسوينها عند منو ؟؟

احلامي وينج اليوم مالج حس ولا خبر عسى خير ان شاءالله

 

[احلامي الامومه]

والله اليوم عند اهلي ماي الورد ومخي وتفكيري مكان ثاني حاولت ماتحرك وايد أنتو شلونكم

 

[سمسومه الحبوبه]

الله يتمم لك على خير
أنا طبعا سعوديه بسويها في مدينة الملك فهد الطبيه يعني حكومي
طيب فيه الم بعد السحب يعني انتفاخ مغص

 

[سمسومه الحبوبه]

بنات عادي تعلمون أنكم مسوين عمليه
ولاساكتين

 

[احلامي الامومه]

لا والله مو قايله حق احد كلش حتا اقرب الناس مادري ماحس حلوه وبعدين هذي خصوصيات حتا بالنسبه حق ولدج بعدين ماحس الناس لها شغل في هالشي شغله واااااااااايد خاصه

 

[ماي الورد]

انا اهلي يعرفو بالموضوع

بس رفيجاتي ما خلو لي حالي متعودين علي اتلاقى معاهم كل خميس او جمعه وهالفترة كل اشوي يدقون علي اقول لهم مشغوووله اشوي يقولون لي مو من عوايدج
سمسوه الله يسهل عليج تحسين بالم اشوي وينزل اشوي دم وتسحين بطنج فرت اشوي من النفخ الي كان فيها

احلامي والله شغلتي بالي بس وين انج رفهتي على روحج

 

[ورد ياسمين]

السلام عليكم
شلونكم بنات الله يوفقكم ان شاء الله
انا عن نفسي اهلي يدرون عني وام زوجي بس