دوانيه شلة منتظرات نتيجه عملية اطفال الانابيب والحقن المجهري

[احلامي الامومه]

ثنايا الورد اسمج علا مسما وكلج ذوق.....والله انا علا أعصابي للدكتور قالي اذا في مشكله راح يدق اليوم واذا الوضع طبيعي يدق باجر وانا بين أيدين رحمة الله انشالله مايضيع هالتعب بس دايما اقول حق نفسي مهما تعبت اذا الله كتب كتب واذا مافيه نصيب لو شنو نسوي مايصير وعلا الله ربي معانا كلنا انشالله بديت بالتحاميل وسيحانها ههههه وحبوب دفاستون والفولك اسد بس هذا الي عطاني وبأذن الرحمن اذا وضعي نورمال الترجيع يوم الأحد ادعولي .....

 

[ثنايا الورد]

احلامي الامومه خجلتيني يقلبي وانت الذرابه كلها ربي مايحرمج من قرة عيونج
ويعطيج زود وفوق ماطلبتي حبيبتي المهم استمري بس الحبوب والتحاميل اللي صرفهم الدكتور
حقج وغذي نفسج زين ولما ترجعينهم على خير انتبهي من اكل المطاعم لاتاكلين خصوصا اللحوم
حاولي تخلي اكلج كله من طبخ البيت وكثري فواكه وخضرة خصوصا الخيار والخس عشان لاالياف
ماتسوي عندج امساك وكثري سوائل وبس
ودعواتي وتحياتي دووم لج ولكل خواتي بالتوفيق وتحقيق الاماني ^_^​

 

[احلامي الامومه]

السلام بنات أنا بأجر ترجيع الاجنه وانا بين ايدين الله والله كريم ماقلولي جم عدد الاجنه بس قالو لي الترجيع باجر واييب معاي التحميله وتكون المثانه فل الرحله رحلة الانتظار تبدي من باجر يارب يخففها علي ويطوفها ويعطيني الصبر والقناعه بالي ربي يقسمه ادعولي ربي يحيي اجنتي ويثبتها يارب ... وأنتو شخباركم طمنوني كل وحده شنو مرحلتها ؟؟؟

 

[سمسومه الحبوبه]

مرحبا خواتي
انا اليوم كان موعدي عند الدكتوره وقررت لي عمليه حقن مجهري حابه اعرف لوتكرمتوا كل شي عن عملية السحب والترجيع
وكيف فيه بنج يعني لازم ولااختياري و البنج كامل ولاموضعي يعني كل شي عن العمليه والأجنه فيدوني الله يعطيكم كل ماتتمنون

 

[ثنايا الورد]

السلام بنات أنا بأجر ترجيع الاجنه وانا بين ايدين الله والله كريم ماقلولي جم عدد الاجنه بس قالو لي الترجيع باجر واييب معاي التحميله وتكون المثانه فل الرحله رحلة الانتظار تبدي من باجر يارب يخففها علي ويطوفها ويعطيني الصبر والقناعه بالي ربي يقسمه ادعولي ربي يحيي اجنتي ويثبتها يارب ... وأنتو شخباركم طمنوني كل وحده شنو مرحلتها ؟؟؟

الله وياج وبكل لحضه راح يحميج ويثبت اجنتج انشالله
اهم شي خلي نفسيتج مرتاحه ولاتفكرين بشي ابد غير التفاؤل
وادعي لما يرجعون لج الاجنه اللهم اني استودعك مافي رحمي
يامن لاتضيع ودائعه واقراي المعوذات وربي راح يحفظهم:yaaaaaarb:
بالوفيق ياقلبي

 

[ثنايا الورد]

مرحبا خواتي
انا اليوم كان موعدي عند الدكتوره وقررت لي عمليه حقن مجهري حابه اعرف لوتكرمتوا كل شي عن عملية السحب والترجيع
وكيف فيه بنج يعني لازم ولااختياري و البنج كامل ولاموضعي يعني كل شي عن العمليه والأجنه فيدوني الله يعطيكم كل ماتتمنون

اول شي هلا فيج وغلا
بالنسبة لعملية السحب راح يطلبون منج تصومين يعني من الساعه 12 بالليل لاتاكلين ولاشي
ولاحتى ماي لين موعد العمليه اذا ماخبروج هذاني اخبرج وطبعا راح يكون تخدير كامل
وماراح تحسين ولابشي لماتصحين راح تحسين بعوار فبطنج ونفخ وراح يخف اشوي اشوي
وبالتدريج لاتخافين راح تنزل منج قطرة دم لو قطرتين عادي هم مايخوف وطبيعي من اثر العمليه
بالنسبة للترجيع
مو لازم تكونين صايمه طبعا لانه مافي تخدير راح تكونين بكامل وعيج وتحسين بكل شي
راح يخبروج كم جنين راح يردون لج ومن اي درجه
واذا دكتور شاطر راح يقول لج تعليمات بعد الترجيع اشلون تتحركين وشنو حدود حركاتج
وشنو المرفوض وشنو المسموح
وانا طبعا ذكرتها بموضوعي خلاصة التجارب بس خسارة محد تواصل معاي فيه
المهم حبيبتي راح يردونهم لج بعشر دقايق تقريبا مرة سهلة وبسيطه وماتعور اهم شي طبعا
تكون المثانه ممتلئه او نصف ممتلئه
وراح يكتبون لج تحاميل او ابر تثبيت طبعا مع الاستمرار على الفوليك الاسيد
وسلامتج وربي يرزقج ويرزق كل محرومه يارب

 

[سمسومه الحبوبه]

الله يعطيك العافيه ياثنايا ماقصرتي الله يعطيك كل ماتتمنين

 

[غيرك ماتمنيت]

ياربي يسهل عليج احلامي الامومه ويثبت اجنتج واجنتنا ياااااااااااااااااااااااااااارب مايخيب ان شاء الله من توكل على ربي واعرفي ان الخيره بما يختاره الله ..

سمسومه لآتخافين ياقلبي ترى العمليه مايبي لها شيء انتي بس اعزمي وتوكلي على الله

ثنايا الورررد الله لآيخيب تعبج يارب .. متى تحليلج انتي باليوم 13 بشرينا تكفيييييين لآتنسين
يارررررررب حامل ..:yaaaaaarb:

 

[احلامي الامومه]

بنات ادعولي الله يخليكم بعد شوي بروح اسوي ترجيع اجنه ادعولي بالثبات الله يثبت اجنتكم يارررررررررررب

 

[دآنة آلرشآيده]

الله يرزقكم بالذريه الصالحه​

 

[احلامي الامومه]

شخبارج دانة الرشايده انشالله بخير علا علمي كنتي تعالجين عند د مصطفى جنه اشلونج أنا اليوم سويت ترجيع اجنه شنو كان نظامج وحركتج لي متا ارتحتي؟

 

[نف نف22]

شلونكم بنات شخباركم وتقبل الله طاعتكم احلاااام الامووومه شلون كان العمليه السحب تعور ولالا والترجيع وشلونج الحين بعدالترجيع عسى ربي يرزقج وتثبت الاجنه يارب

 

[سمسومه الحبوبه]

مرحبا
أحلامي الأمومه الله يثبتهم لك ويفرح نظرتك ولايخيب تعبك
كيف العمليه والعوار
بالنسبه للراحه أنا قريت انه مولازم تكونين طريحة الفراش لاعادي اهم شي ماتجهدين نفسك
ولاوشرايكم أنا مابعد جربت فما عندي خلفيه
لأن احس كثر القعده تجيب الهواجس والتفكير وهذا موب زين والحركه البسيطه تنسيك شوي وتمرر الوقت بسرعه

 

[بهلوله]

عند دكتورمنصور العرف اربع مرات تقريبا وكلفتني كل عمليه 1500 تقريبا
دكتور شاطر منصورالعرف واخر عمليه حصل حمل لكن نزل ما مكمل والله الرزاق

والله يجبر خواطركم
بجرب
وحاليا دكتور مصطفي تومسو اللي بادار الشفاء
والله المستعان

 

[روح مغليها]

الله يرزقكم يااارب

 

[ثنايا الورد]

احلامي الامومه قلبي وياج وداعية لج والله ربي يتمم عليج مااوصيج الراحه ثم الراحه
خصوصا اول 3 ايام

حبيبتي غيرك ماتمنيت تحليلي ان شاء الله يوم الاربعا دعواتكم وربي يسمع منج واكون
حامل ويارب سهالات للجميع وحدة وحدة ربي يسهل عليكم

 

[احلامي الامومه]

والله عملية السحب بعد البنج لما وعيت عوار في بطني استمر ٣ ايام والحمام وايد اتعب لما اروح بس بدا يخف شوي شوي والترجيع عادي بس الحصر ذبحني سويت لهم فلم بغرفة العمليات ادودهو هههههه عاد لما يا الدكتور قال انتي شكثر شاربه ماي انا قلت نص لتر كافي بس ماتحملت وسحب شويه بابره لين خف شويه رجعلي الاجنه واهو يسولف ويتغشمر ومرت بدون لا احس بس احلا شي انه يارونج الاجنه بالسونار ويعطونج نسخه شعور حلو الله يتممه ويفرح قلبي وقلبكم.... ثانيا الورد يارب تبشرينا بالحمال ياكريم

 

[سمسومه الحبوبه]

بعد عمري يااحلامي الله يتمم لك على خير ويفرح نظرتك
بنات في احد سوا السحب بدون بنج يعني موضعي او مسكنات بس

 

[ماي الورد]

انا رجعت اجنه ومنتظرة التحليل ادعو لي بنات حدي خايفه احس الايام مو راضيه تمشي

احلامي عند منو مسويه العملية اي دكتور ؟؟

سمسومة لا ما يصير لازم بنج ما عمري سمعت انه بدون بنج

 

[روج كرزي]

يااارب تبشرينا بحملج ماي الورد انتي وكل بنات هالقسم ’’’ جم جنين رجعتي حبيبتي وعند اي دكتور؟؟