دوانيه شلة منتظرات نتيجه عملية اطفال الانابيب والحقن المجهري

[H.al]

اي افضل روحي اي مختبر وحللي هرموني يبين معاج والله يكتبلج لى فيه الخير ان شالله ويرزقج وتطلعين حامل

 

[BARBI]

حبيبتي نون حللي هرموني راح يبين معاج

واذا ماحصل في حمل إن شاء الله المره اليايه يحصل حمل ..

هذه مو اخر المطاف العمر چدامچ ياعمري ..

 

[منوة الزين]

الله يجزاكم خير حبايبي

h

اللي بقو هم الي وصلو لمرحلة النضوج والباقي غير صالحين للتجميد


والحمدلله

انا ماكو ماحس بولا شي بس الغازات وبطني حيييل هوا
تعبت ..
انتي بشريني شنو تحسين فيه ؟؟

 

[H.al]

أنا نفسج بطني وغازات بس عطاني بدال شراب ملين تحاميل شرجيه لان شراب أهو لي سيبلي مغص يوم الترجيع بغيت اموت منه
الْيَوْمَ اول تحميله اخذها ساعه ورحت حمام ارتحت الحمدالله عليها خف نفخة بطني

ماكر احساس معين،
بس الالم لي بعد سحب بس اخف وايد
يارب تثبت مافي ارحامنا وترزقنا ياكرام

 

[nonlove]

السلام... اي منوة وh اول ثلاث ايام غازات البطن وتحسن متفوخ بس عقب تروح وأهم شي ترتاحون هالايام و الله يثبت مافي ارحامنا...وانا اليوم شريت كلير يبو وبسوي التحليل بأحر الصبح... بس من الأعراض اللي حاسه فيها اللحين لوعه بسيطه جدا الصبح... و إمساك تقريبا من اليوم 10 فشريت برتقال عشان زين بس كل يوم لازم حليب مرتين و لبن و عصير برتقال وشمندر لأن قبل الترجيع كنت اخذ دريب حديد.... والله يسهل يارب.... و ابشركم وتبشروني بحمالكم يارب

 

[nonlove]

باربي اسويه بليل وله انطر باجر الصبح أفضل؟

 

[H.al]

وعليكم السلام حبي ... الله يطمن قلبج ويكتبلج كل شي تتمنينه يارب
يفضل تسوين تحليل الصبح اول روحه حمام بعد ماتقعدين يكون فيها هرمون مركز
والله يرزقج وتبشرينا يارب بحمالج ويثبت مافي ارحامج وارحامنا

 

[nonlove]

مشكور h والله محتاجه حق أي كلمه... وان شاءالله راضيه باللي الله كاتبه.... والله انا حاسه تحت ضغوط عيالج كبروا وكبر ا الحمدالله عندي توم صبي وابنيه بس ماادري ليش الضغوط تأثر فيني اللحين من يبت عيالي سويت 3 عمليات من اول ويديد واثنين ترجيع وفي كل مره يصير حمل بس مايقعد.... سبحان الله اول مره صار وعدت 3 أشهر وعقب ماكو نبض لأن انقسموا اثنين... وعقب ماصار حمل وعقب ماصار واخر مره صار بس كانت عندي نزيف مع انه النسبه كانت ترتفع بس ما طولت
واحس تعبت من العلاجات عمري 34 والحمدالله على كل حال

 

[H.al]

نون حبيبتي اذا بنعيش على كلام ناس ماراح نخلص والله ... وصدقيني الخيره بيد الله .. حاسه فيج وبلي تمرين فيه انا من شهر ١١ للحين وانا بين ترجيع وسحب وانتظار بس كل مره تفشل ماقولج ما اتضايق وابجي بس بعدها بساعه ساعتين اتعوذ من ابليس واحمد ربي على نعمك ان عندي ولد الله يباركلي فيه وهم انا كل من يشوفني شدي حيلج يبي بيبي ثاني والله ماصرت استحي اقولهم بتربونه عني اذا الله يبي يرزقني بيرزق .. ويوم فشلة ثانيه محاوله انا بس ام زوجي تدري ان نسوي اطفال انابيب قالت اروضوا بقسمتكم وحمدوا ربكم على ولدكم قتلها دام الله مقدرني ماراح اوقف محاولات لايوم دكتور يقول بس ماكو مجال ... صج اهي مكلفه ومرهقه ماديا بس ربج ماينسي عباده
والله يطحر البركة بولدج وبنتج وتوج صغيره انا اعرف وحده بعمر ٤٤ نجحت عمليه الانابيب بعد مالفت العالم بين الاردن ولبنان وتركيا وكويت جم مره تسوي فيها باخر محاوله ربي كرمها وعطاها ولدها الله يكبر بخته وكانت تحاول من اول سنه زواجها قطي وراج كلام الناس واذا الله لايقوله وفشلة ارتاحي شهر ولا شهرين وعيدي محاوله مره ومرتين وثلاث لا تنطرين مده طويله
قومي صلي جم ركعه حمدي ربج فيها على كل شي عطاج ياه

 

[BARBI]

مشكور h والله محتاجه حق أي كلمه... وان شاءالله راضيه باللي الله كاتبه.... والله انا حاسه تحت ضغوط عيالج كبروا وكبر ا الحمدالله عندي توم صبي وابنيه بس ماادري ليش الضغوط تأثر فيني اللحين من يبت عيالي سويت 3 عمليات من اول ويديد واثنين ترجيع وفي كل مره يصير حمل بس مايقعد.... سبحان الله اول مره صار وعدت 3 أشهر وعقب ماكو نبض لأن انقسموا اثنين... وعقب ماصار حمل وعقب ماصار واخر مره صار بس كانت عندي نزيف مع انه النسبه كانت ترتفع بس ما طولت
واحس تعبت من العلاجات عمري 34 والحمدالله على كل حال

نون حبيبتي انتي سويتي فحص اجنه .. انا عملياتي اللي مانجحت ماكنت اسوي
فحص اجنه ووحده من العمليات انجحت بس بعد ماسمعت النبض وقف النبض اتوقع
بالاسبوع السادس .. والحمل الاخير الحمدلله سويت فحص اجنه وصج مكلفه بس الحمدلله تم الحمل عمليتي الاخيره كلفتني 4000 وشي ناسيه اذا مع العلاجات او بدونها فحص الاجنه 1400 اتوقع ..

وصج العمليات وايد مكلفه بس الحمدلله على كتبت ربي ..

 

[BARBI]

نون حبيبتي اذا بنعيش على كلام ناس ماراح نخلص والله ... وصدقيني الخيره بيد الله .. حاسه فيج وبلي تمرين فيه انا من شهر 11 للحين وانا بين ترجيع وسحب وانتظار بس كل مره تفشل ماقولج ما اتضايق وابجي بس بعدها بساعه ساعتين اتعوذ من ابليس واحمد ربي على نعمك ان عندي ولد الله يباركلي فيه وهم انا كل من يشوفني شدي حيلج يبي بيبي ثاني والله ماصرت استحي اقولهم بتربونه عني اذا الله يبي يرزقني بيرزق .. ويوم فشلة ثانيه محاوله انا بس ام زوجي تدري ان نسوي اطفال انابيب قالت اروضوا بقسمتكم وحمدوا ربكم على ولدكم قتلها دام الله مقدرني ماراح اوقف محاولات لايوم دكتور يقول بس ماكو مجال ... صج اهي مكلفه ومرهقه ماديا بس ربج ماينسي عباده
والله يطحر البركة بولدج وبنتج وتوج صغيره انا اعرف وحده بعمر 44 نجحت عمليه الانابيب بعد مالفت العالم بين الاردن ولبنان وتركيا وكويت جم مره تسوي فيها باخر محاوله ربي كرمها وعطاها ولدها الله يكبر بخته وكانت تحاول من اول سنه زواجها قطي وراج كلام الناس واذا الله لايقوله وفشلة ارتاحي شهر ولا شهرين وعيدي محاوله مره ومرتين وثلاث لا تنطرين مده طويله
قومي صلي جم ركعه حمدي ربج فيها على كل شي عطاج ياه

اللي كاتبه ربي بنشوفه .. صاجه اعرف وايد حريم بالاربعينات سوو طفل انابيب وحملوا

 

[nonlove]

H مشكورة على كلامج اي اقطه بس كل شوي يذكرونج وعسى مالتي ياهل قالوا تشيلين ولدج بس تعبنا والله قمت ماشيل يهال علشان مااسمع كلمه....
باربي اي انا من ضمن التأمين علاج وفحص الاجنه ونوع الجنين.. وكل كره يرجعون درجه اولى... والله كل شي بيد الله سبحانه وتعالى و ربي مايضيع تعبنا.... وان شاءالله أن شاءالله باجر ابشركم بالنتيجة الزينه يارب يارب يارب... وتبشروني بنتاسجكم.... و باربي تبشرينا بطلعه ولدج يارب
احبكم وانا مااعرفكم بس الله العالم هال13 يوم مشت وانا اكلمكم وارتاح حق كلامكم والله يتمم على خير يارب

 

[منوة الزين]

صباح الخير

ثالث يوم من الترجيع والحمدلله الوضع عادي

الله يكتب لنا الحمل ..


رب هب لنا من ادنك ذرية طيبه انك سميع الدعاء

 

[منوة الزين]

حبيبتي نون لوف

الله يحفظلج توائمج ويرزقج برهم .. وربي يجبر خاطرج وتبشرينا خير

والحمدلله على كل حال .. نحتسب الاجر

انا بمحاولاتي الي فسات اتضايق وارجع اقول الحمدلله على كتبت ربي

ان شاءالله بيجي اليوم الي بحمل فيه ...


طمنيني عليج

 

[منوة الزين]

H
بشري عنج .. ان شاءالله الامور تمام

انا السبت موعد ابرة المثبت الثانيه ...

 

[H.al]

هلا والله منوه
ماكو امس بليل ردت على حراره مره ثانيه ياله ستر يارب
وترحمنا وتثبت اجنتنا ... احس جسمي متكسر

 

[H.al]

انا اليوم عندي ابرة مثبت

 

[منوة الزين]

هلا h

يارب علامة خير الحراره ..

انا بحملي بولدي جتني حراره ثالث يوم ترجيع وجسمي متكسر

يوم وراحت .، الله يرزقج الحمل ويرزقني ويرزق كل محرومه

 

[H.al]

اللهم امين حبيبتي يارب ترزقنا وتثبت اجنتنا ياكريم
انا كلش ماتذكر بولدي شي سبحان الله معنى لي فتره قبل لا ابدي علاج كنت اتذكر شنو الاشياء

نون بشرينا وينج

 

[منوة الزين]

ربي لاتذرني فردا وانت خير الوارثين