دوانيه شلة منتظرات نتيجه عملية اطفال الانابيب والحقن المجهري

[Libroo]

ام هوبي الله يعينج صج النطره وايد متعبه .. انا كنت اعد الايام وماكنت احس بأعراض فااا كان ضغط نفسي..
صبري نفسج هاليومين وطمنينا

 

[BARBI]

ربي يتمم عليج يارب

 

[BARBI]

حبايبي انا الخاص عندي مهمل لانه مايبين انه عندي رساله
الا لما ادخل بالصدفه .. فآمس دخلت وحصلت وسايل قديمه
السموحه مارديت بحزتها ..

 

[Om_HoBi]

انشالله خير مابي اعطي نفسي امل لي يوم الاحد

اليوم ريلي كان موعده بعيادة المسالك و قاله تحليلك وايد زين يعني اهو الحين بس ضعف عنده بسيط و مستمر عالادويه الحمدلله و قاله مرتي سوت تلقيح مجهري و قاله خلاص اشوفك الشهر الياي و اذا حملت مرتك خلاص اذا لا نشوف يمكن مسوي عمليه
معنه قاله النتيجه اقدر احمل طبيعي بس مادري الله مو كاتب

مادري اخاف اخرتها العله فيني معنه كل شي سليم قاعده افكر اسوي تمريخ معني كلش مالي بهالسوالف بس قلت اجرب
لأن كرهت فكرة الانابيب ابي حمل طبيعي مابي النطره هذي يعني بالطبيعي ماكو جذي اعيش حياتي طبيعيه و تعدي الايام بس الانابيب راااحه و نطره و قلق و هم مابي ادفع فلوس بالخاص وماتنجح الحين حكومه ما منها حسافه هههه

 

[BARBI]

ام هوبي انتي كثري استغفار وعيدي التحليل باليوم 12 اذا مافي شي خلاص .. استمروا على العلاجات ونطري جم شهر وعيدي .. وبهالفتره حاولي تروحين حق حرمه ثقه وتعرف بهالسوالف .. انا اذكر كنت اروح حق وحده ينقالها ام علي بصباح السالم وكانت تمرخني يمكن رحتلها دورتين ورا بعض وثالث مره او رابع مره سويت العمليه والحمدلله حملت ..

 

[Libroo]

ام هوبي شنو اسم للدكتور اللي زوجج يعالج عنده لان انا زوجي يبيله علاج

 

[Om_HoBi]

باربي والله قاعده افكر اشوفلي وحده بس هم يالله خيره تدرين انا حاطه موعد العمليه كنت من شهر ١٢ السنه اللي طافت و قالولي المركز مسكر نطري يفتح و تعالي سوي تلقيح ليما ايي موعدج و شكثر نطرت ليما أيست ولا فتح و صدفه بالانستغرام شفت وحده كاتبه ان سوت العمليه يوم سألت ولا تقول اي بطلو و هالحجي جنه شهر ٩ و دقيت قالو اي بطلنا من شهر ٧ و رحت على اساس بشوف متى موعدي اكيد بيتأجل دام توهم يبطلون و في ناس قبلي ولا تقولي نفسه عاد حطيت موعد مع دكتوري و خلاص كنت بدوره شهر ٩ و مابقى الا شهر عالعمليه يعني دورة ١٠ و كلش حتى فوليك اسيد توني بلشت اخر ٩ يعني ما مداني اجهز جسمي مااااكنت متوقعه كلش عشان جذي الحين ناويه استمر اكل و اخذ حبوب من الصيدليه قايلي عنهم مره دكتور ان تساعد عالخصوبه نفس فيتامينات الريايل يعني شي غالي مو رخيص سعرهم شي و ٣٠ يعني مو طقة بريجنا بلان
فناويه اجهز حسمي و ضرووووري اضعف اصلا وزني زايد شوي



ليبرو شوفي انا سويت سيرج اول مره حق ريلي على اساس دكتور خاص و مالقيت الا احسن ٢ واحد اسمه عادل حيان و الثاني احمد الكندري
عادل ما قدرنا نوصله مادري ليش و راح حق احمد الكندري و موعده كان يطول يعني عقب شهر من دق خذا موعد يعني مو قريب
المهم اول ماراح طبعا غالي بعد الدخله عليه اب ٤٠ و سونار جنه ٥٠ و عطاه نوعين فيتامينات ١ حق العدد واحد حق الحركه سعرهم تقريبا شي و ٥٠ فطلع من عندهم اب ١٥٠ تقريبا و كان قايله استمر ٣ اشهر و اشوفك عاد ريلي استغلى الدوا فشرا حق شهر و ماشالله تبارك الرحمن بشهر زاد ٨ مليون بس الحركه يبيلها بعد شوي
المهم و عملية الدكتور هم غاليه فقال بشوف الحكومه و احنا تبع مستشفى مبارك فخذا موعد هناك و راح و قايله استمر عالحبوب دام نفعتك و بس
امس قاله عندك دوالي صوب خفيف و الثاني من الدرجه الثالثه يعني متوسط بس قاله مو مأثر وايد

 

[BARBI]

يالله حبيبتي خيره ..

 

[Libroo]

زوجي راح احمد الكندري وما اقتنع فيه وتشخيصه كان غلط
شنو اسم الدوا اللي ارفعه ٨ مليون؟
انا زوجي ما تم نوع حبوب ما جربها والحين قاعد يستخدم حبوب من المانيا اسمها ارثمول بلس

 

[Om_HoBi]

اعتقد motility boost و count boost لأن ريلي لقاه بموقع تقريبا نفسه و ارخص طلبه فاللي عطاهياه الدكتور نفسه بس شركه ثانيه فمادري شنو اسمه بالضبط بس اعتقد كان نفس الاسم عشان جذي ريلي طلبه و مستمر حاليا ماندري شنو النتيجه الثانيه بس هم مخليته ياكل رويال جيلي

تصدقون مساع وانا امسح عزكم الله حسيت ان الافراز شوووي وردي شي وااايد خفيف و اصلا الكلينكس مالنا اصفر ههه
المهم حان ارد امسح شوي لي داخل ولا نقطه دم صايره غامجه مثل افراز بس نتتتتتفه
وانا باليوم العاشر هل ممكن توه تنغرس البويضه بما اني مرجعه اجنة ثاني يوم
و توه بيبدي هرمون الحمل ؟؟

مابي اعطي نفسي ولا ١% امل بس اصلا بعتها و شربت كابتشينو اليوم هههه لأن بلاعيمي تعورني و ابي شي حار و فاقده الامل

 

[Libroo]

المفروض باليوم العاشر يصير الغرس يعني اليوم يبين اذا في هرمون
فا انتي باجر سوي التحليل وانا كنت مثلج بالضبط الارجاع ثاني يوم واستمري علا الحبوب والتحاميل

 

[BARBI]

حبيبتي ام هوبي نطري جم يومين وحللي لانج محلل قبل جم يوم ..
انا حيييييل انتفخت من الكيرتزون مادري متى يوقفونه

بنات اللي تاخذ حبوب كيرتزون متى وقفوا الحبوب عنكم ؟

 

[Libroo]

باربي عندج اجسام مضاده؟

 

[BARBI]

اي معاي اجسام مضاده مالت الغده الدرقيه

 

[عيون عمشة]

شلونكم بنات شخباركم ...
غطيت عنكم لهيت .. باربي زين تسوين اخذي مجلس طبي انا خذيت من حملت طاف مابي اداوم واتعب .. وشصار معاج بعد النزيف؟؟
واذا عن الحبوب انا كنت اكل حبوب كورتيزون مره باليوم ووقفتها من زمان والحين بس وقفت سيوله يا ربي لك الحمد لانها جدا متعبه وتترك اثر بالجلد ..
ام هوبي الله يرزقج حبيبتي وليتج سويتيها برويال حياه بعد الله طبعا وعلاجهم ان شاءالله يصير حمل ،. والله يرزق كل محروم يا رب وان شاءالله يرزقنا بحمل طبيعي اللهم امين

 

[Libroo]

هلا عيون عمشه اشلونج ووين وصلتي انتي بأي شهر الحين؟

باربي انا توني مسويه التحليل لان الغده الدرقيه عندي وايد نشطه وبشوف الاجسام المضاده فيها يعني بعدي ما خذيت علاج لها وماكنت ادري ان لازم علاج والله يستر النتيجه بعد ١٠ ايام تطلع

 

[BARBI]

هلا عيون عمشه .. انا بخير الحمدلله وقف النزيف .. اخذ ابرة مثبت كل اسبوع ومستمره على العلاجات .. ليبرو اي لازم تشوفين الاجسام المضاده ..

 

[Om_HoBi]

ما بقى شي علةى تحليلي مع المستشفى الاحد فبنطر و حتى عوار صدري راح و ماعندي عوار دوره يعني بس ظهري اذا تعبت


عيون عمشه ماقدر اجازف بمبلغ كبير بشي مو مضمون خاصه اول تجربه الجسم مو متعود و حتى الحين كنت قايله حق ريلي ترى بسويها بالخاص و اذا مانجحت هم اكون اختصرت من الوقت يكون بيي موعدي الياي ويا الحكومه لأن قالولي احتمال اعيدها عقب ٦ اشهر اذا مانجحت
بس رويال حياه حيييل غالي
انا رايحه حق مصطفى تومسو صار بعياده خاصه عيادة قطينه و قالي تكلفتها ١٧٠٠ و عندهم نظام اقساط بدون ارباح على سنتين يعني القسط ٧٠ دك تقريبا
فقلت اذا طولت احتمال اروح له

بس عندي امل اني راح احمل طبيعي انشالله و اصلا كلش مو حابه فكرة العمليه تعب وايد فانشالله انشالله احمل طبيعي و ارتاح
بس يمكن يمكن اجرب تلقيح صناعي بالحكومه الفتره اليايه دام تحليل ريلي زين بس انا بجهز جسمي اول يعني بعد شهرين جذي

 

[Libroo]

ام هوبي ترا التلقيح الصناعي هم يعتمد على السرعه عند الريال يعني فوق ٤٠% وانشالله تكونين حامل لان اللي احملت من قبل لها قابليه تحمل غير اللي اول مره وداشه بعمليات الخصوبه.. والحين اذا صارلج فوق ١٠ ايام ترا يبين بالتحليل الهرموني الرقمي.. سويه واذا في حمل ريحي واذا ماكو عيشي حياتج الطبيعيه وبعدج صغيره لا تفكرين بعمليات لين تطوفين ال٣٠

 

[BARBI]

والله انا عملياتي كلها بالخاص مافكرت اتآخر .. سويت عند مصطفى تومسو وكان بالجابريه ونجحت العمليه بس اجهضت .. لاني ماسويت فحص اجنه .. ورجع لي اجنه مو طبيعيه وبجذيه صار الاجهاض ..

ام هوبي تومسو يسوي هالسعر بدون فحص اجنه لازم تسوون فحص اجنه عشان يرجعون الطفل السليم .. واهم شي ترى بالعمليه هو المختبر مو الدكتور وافضل مختبر السيف على الشرق الاوسط ..