دوانيه شلة منتظرات نتيجه عملية اطفال الانابيب والحقن المجهري

[دمعه وفه]

دكتورتي تقول ما في علاقه حتى لو رحتي الحمام على طول
والله واعلم

 

[كتكوته22]

بنات تتوقعون إذا استحملنا أكثر واحنا متحصرين
وما رحنا الحمام بسرعه له علاقة بثبات الأجنة


لأن خالتي طلعت بعد ربع ساعه من المستشفى
لكن ما راحت الحمام إلا بعد ما وصلت البيت


يارب يرزقنا كلنا يارب

مادري والله بس عموما ماراح تقدرين تتحملين يبون قصريه اغلب المستشفيات?

 

[ياحلاتي قمر]

ماشاء الله بنات انا سويتها السبت يعني اليوم الرابع

لا تسوون مبجر تحليل اول مرة سويت تحليل منزلي اليوم التاسع طلعلي خط خفيف ماصدقت روحي عقبها سويت تحاليل طلع مافي حمل اكيد كان تاثير الابرة التفجيرية

الي حملوا قبل من الانانبيب خل يقولون لنا الاعراض

مع ان الاعراض تختلف ويقولون تشابه الدورة اول مرتين سويتهم ماحسيت بشي بس اعراض الدورة ويتلي

 

[ياحلاتي قمر]

سالفة الحصرة انا دكتورتي تقولي شربي قبل بساعة او ساعتين مفروض ادخل الساعة 12 حق الترجيع بس كان زحمة وانا من الساعة عشر اشرب ماي عقب ماتحملت رحت الحمام ودخلت الساعة وحده مو وايد حصرانة وعادي مشى الوضع

المرات الي قبل مثانتي تعورني من الحصرة والسستر تحط الجهاز على مثانتج وتضغط حييل جنه تعذييب والجو بارد يخليج تنحصرين زيادة هههههههه

 

[دمعه وفه]

سالفة الحصرة انا دكتورتي تقولي شربي قبل بساعة او ساعتين مفروض ادخل الساعة 12 حق الترجيع بس كان زحمة وانا من الساعة عشر اشرب ماي عقب ماتحملت رحت الحمام ودخلت الساعة وحده مو وايد حصرانة وعادي مشى الوضع

المرات الي قبل مثانتي تعورني من الحصرة والسستر تحط الجهاز على مثانتج وتضغط حييل جنه تعذييب والجو بارد يخليج تنحصرين زيادة هههههههه

في بعض المستشفيات يسحبون البول بقسطره يعني المريضه ما تقوم بسرعه

 

[mraamy]

انا حللت سادس ماطلعلي خط يعني الحمدلله تاكدت الادويه طلعت من جسمي
ناطره يومين وارجع احلل اذا في خط خفيف يعني مو من الادويه

 

[ملاك صغيرون]

بنات انتو تحللون متى عادةً؟
أنا المره ألي فاتت خلتني دكتورتي أحلل باليوم 11


أنا طبعاً طقيت الابره الثامنه حالياً
يعني قربت عملية السحب


انتو شخباركم؟

البنات لمرجعين كم صار لكم الحين؟
كتكوته
مرامي
دمعة وفه

يارب كلكم تبشروني قبل ما أدخل عمليتي

متفائلة لكم
يارب يثبت أجنتكم ويرزقكم
بقدرته على كل شي

 

[ملاك صغيرون]

يا حلاتي قمر

ربي يرزقك بقدرته على كل شي

 

[ملاك صغيرون]

كتكوته
قولي لنا تجربتك حبيبتي في المره ألي حملتي فيها

من حيث الاستحمام
الأكل
الحركة


يارب يحفظ بنتك بحق محمد وآل محمد
ويرزقك بأخت أو أخو لها

ويفرح قلبك يارب

 

[ملاك صغيرون]

عجيب المنتدى نشيط حلو
شجعوا بعض

يارب يرزقنا كلنا

 

[دمعه وفه]

انا في يوم التاسع
رجعت تاريخ 15 /3
3 اجنه مجمده

 

[ملاك صغيرون]

دمعه وفه
في اليوم ١١
دكتورتي تخليني أحلل لكن تحليل دم طبعاً

ربي يرزقك

 

[كتكوته22]

حياتي ملاك صغيرون يارب يثبتهم ويفرح قلوبنا جميعا يارب يرزقنا بالذريه الصالحه الباره يا الهي العالمين
الله يرزقكم جميعا ملاك صغيرون ومرامي ودمعة وفه وحلاتي قمر ويرزقني وكل خواتي المحرومات يارب وهو عليك هين يارب العالمين ����
انا في المره الي نجحت فيها كنت متوكله على رب العالمين وحده وكنت قبلها فاشله عمليتي مرتين بس ما يأست عندي ثقته كبيره ان الله راح يرزقني قال تعالي انا عند حسن ظن عبدي بي ) والحمدلله رب العالمين رزقني حللت باليوم 12 وبين حللت هرموني وما تسبحت الا في يوم التحليل وكنت اكثر من الماي والحليب وبرتقال وخيار وسفرجل وبروتينات ومنتظمه على وقت الادويه واغلب الوقت مريحه على ظهري بس أتحرك حركه خفيفه عشان الدم يوصل واصلي وانا قاعده وكل يوم اقرى سوره البقره ويس ومريم وآيات التثبيت اذكر باليوم الخامس يمكن يتلي نغزات في رحمي وصدري والحمدلله رب العالمين على عطاياه يارب يحفظها ويفرح قلبها بأخو او اخت يارب العالمين������ هذا الي اذكره بالضبط ويارب ما يخيب املنا. يارب العالمين

 

[كتكوته22]

بنات رفعتلكم موضوعين ثنتين حملو بأطفال أنابيب شوفو تجاربهم ما شالله ربي يرزقكم جميعا ويرزقني يارب

 

[mraamy]

انا رجعت الاجنه ب١٦-٣ اليوم لي ثامن بس الشعور اللي يايني شعور الدورة والحر شي مو طبيعي قعدت من النوم عرقانه واااايد مع ان الغرفه مثلجة وهالشي ما اذكر صار فيني باول مرة اللي حملت فيها صار فيني المره الثانيه وعقبها نزلت الدوره

 

[ملاك صغيرون]

مرامي الله يرزقك حبيبتي

تختلف الأعراض حتى عند نفس الشخص
وأعراض الحمل نفس أعراض الدورة في البداية

 

[ملاك صغيرون]

بعد يومين يبين حملك بالدم مرامي

يارب يرزقك وتبشرينا

 

[دمعه وفه]

يعني لو حللت باجر يبين

 

[ملاك صغيرون]

هلا دمعه وفه

أنتين اليوم 11

إذا يوم 11

يبين بالدم

دكتورتي تسوي لي في اليوم 11 تحليل دم

 

[ملاك صغيرون]

دمعه وفه
تاريخ ٢٥ يبين عندك بالدم إن شاء الله

يارب يفرح قلبك بحق محمد وآل محمد