دوانيه شلة منتظرات نتيجه عملية اطفال الانابيب والحقن المجهري

[حلوة الاخدود]

نفس الحال ماكو اي شي الحمدلله راضين بقسمة الله

 

[q8nina]

الحمدلله على كل حال

 

[mona777]

نينا والخدود يارب تبشرونا بحملكم
اجنه يوم خامس فرص الحمل اكبر وطبعا ان زاد عدد الاجنه المنقوله فرص الحمل اكبر
انا رجعت جنه خامس وحملت وما كمل
وابنى رجعت اجنه يوم رابع والدكتوره قالت انا متاكده لو ننطر لخامس راح يبقي علاقل 2
بس الدكتوره رغبت ترجع لى يوم رابع لتنقل عدد اكبر من الاجنه لتضمن الحمل
وكله توافيق من الله
صدبقتى رجعو لها يوم ثالث جنين واحد وثبت وجابت ولد
وبحملى بابنى كان عندى التهاب بول فخذو عينه بلمستوصف للاتهاب وبلمره قلت حللو حمل وبان وقتها وكان يوم سابع

 

[q8nina]

منى 777
سبحان الله الله يخليلج ولدج والله يرزقج ان شالله
اليوم الثامن مافي اي شي ولا اعراض شي
يبين لو احلل منزلي او انطر

 

[حلوة الاخدود]

هلا منى ماتقصرين زديتا تفائل
انا تليقفت وحللت بيوم سادس
مادري حيل مبجر وطلع ماكو حمل
حمدلله على كل حال

تحليلي الهرموني يوم الاحد الجاي

اليوم لي اليوم الثامن

 

[q8nina]

سادس مستحيل يبين
انا قالي احلل الجمعه ان شالله يكون لي 12 يوم
موعدي الساعه 11
الله يكتب اللى فيه الخير

 

[حلوة الاخدود]

ان شااااءالله نتيجه غلط املي بالله كبير
انا بحلل الخميس الصبح ان شاااءالله

 

[q8nina]

ان شالله على خير

 

[q8nina]

شلون حياتج
انا امس واليوم طلعت
مليت والنفسيه صفر

 

[حلوة الاخدود]

عادي انزل تحت
اروح لاهلي اقعد عند خواتي
طلعت مرتين
وماشيه حياتي طبيعي
ماكو اي شي ماحس بشي
وان شااءالله حوامل يارب

 

[mona777]

الله يرزقكم الحمل الثابت يارب
تحليل الحمل يختلف من وحده لوحده حسب هرمون الحمل
يعنى ناس ممكن يبان بدرى ان في حمل وناس يبان متاخر

 

[Pink_Roses]

انشاءالله تبشرونا بالحمل هانت مابقى شي شغلوا نفسكم باشياء ثانية ولا تفكرون وايد

 

[فنر 7]

السلام عليكم
الله يرزقكم كلكم يابنات مثل ماتحبون ويجعل ذريتكم صالحه تامه الخلق والخلقه
وان شاءالله تبشرونا بحملكم قريب

للامانه انا عندي عيال احمل عادي او تلقيح صناعي
هالمره عشان ابي اختار نوع الطفل بامر الله وقدرته طبعا وبمساعده الطب ثانيا
الدكتوره نصحتني بطفل الانبوب لاني جربت باجي الطرق ومانفعت

حاليا بمرحله التنشيط ويوم الخميس مراجعتي مع الدكتوره يشوفون استجابتي للعلاج ويقررون يدبلون الهرمون او يخلونه
مو مرتاحه مع دكتورتي نهائي بس كل من رشحها والله كريم
ماهقيت الموضوع متعب جذي

 

[Pink_Roses]

فنر الله يتمم لج على خير منو دكتورتج ؟؟؟؟

نينا انتي تراجعين عند منو ؟؟؟

انا للحين ما استقريت عند منو اراجع محتارة اروح حق فوزية والا رائدة

 

[فنر 7]

كانت دكتورتي رائده
والحين دكتورتي فوزيه القطان
مو مرتاحه عند فوزيه ورائدة زينه خوش دكتوره بس اضطريت اغيرها لان المستشفي نفسه سيئ جدا جدا جدا

 

[حلوة الاخدود]

بنك عندج اعيال
وجم عمرج
وجم لج متزوجه

 

[mona777]

د رائده ممتازه والمشفي ممتاز والاهم المختبر وفنى المختبر فراس ممتاز بمشفي السيف
المختبر مهم والدكتوره مهمه وهذيلا اهم شي لنجاح العمليه

المختبر الخاص بلاجنه عندهم تقنيات مو متوفره بمختبرات ثانيه
عندهم ميزه انضاج البويضات بلمختبر الى ما كملت نضجها وهى برحمج

بعدين ان بغيتً تسوين تحاليلج بمختبرات ثانيه عادي الدكتوره ما تمانع وانا كنت اسوى جذيه
فى تحاليل لى من الحكومه
وفي تحاليل اسويها بمختبر ارخص عادي

طبعا هذا غير عن المختبر الخاص بلاجنه الى كنت اتكلم عنه

 

[حلوة الاخدود]

الله يجيب الخير
انا اول تجربه لي وبالحكومه
..............
لي ٤سنين بخاص من دكتور لدكتوره
ومستشفيات الكويت الخاصه كلها
ولا شي فاد بين ابر منشطه وكلوميد ومراجعات ولا حملت والحمدلله ع كل حال

...........بعد هالاربع سنين
اكتشفت بانسداد انابيبي والحمدلله الله يصبرني ويعوضني
واتوكلنا على الله وراجعنا بالصباح قسم طفل الانبوب
هذي اول تجربه لي ويارب اكون حااامل وثابت جنيني

 

[Fashion]

يارب اتبشرونا بالخير ونسمع خبر حمالكم على خير
بنات شنو احسن مختبر فالكويت .. ناس تمدح وناس اتذم
ياليت اتفيدونا

 

[حلوة الاخدود]

ان شااءالله يفيدونج