دوانيه شلة منتظرات نتيجه عملية اطفال الانابيب والحقن المجهري

[مسك أبيض]

بنت ابوها يمكن الوجع بسبب التنشيط يمكن قلبي حساس كانت تحس بوجع قبل التحليل ، الله لا يضيع لك تعب ويرزقك ويرزقنا يارب

 

[glby7sas]

سله تفاح حبيبتي الاكل الدسم يعني اللي مقلي وفيه دهون كنت اكل كل شي مشوي وبعد كثرت من السمك وايد والربيان
والماء دايم خليه يمج يعني حسبي حسابج ماتحسين بالعطش كلش لازم تشربين لتر ماي باليوم هذا غير لتر الحليب وروب وخيار وتفاح عاد انتي قسمي اكلج وبيض ساعات ما اتعشى اكل بس بيض مفيوح وانام حتى بدون خبز ومادري عن العلاج الطويل انا بدى معاي علاج غير انا بدايه عطاني ابره وحبوب منع حمل بعدين بلش معاي ابر تنشيط مادري شسمونه هالعلاج


بنت ابوها روحه الحمام عاديه هذي من كثره السوائل والعوار هم عادي انا من يوم السحب لي يومج والعوار موجود معاي والدكتور قالي عادي عذي لانه المبايض متضخمه بس عادي مايأثر على وله شي بروحها تروح

قوووت ربي يرزقج ياارب شووفي ادعي بصلاتج واللي فيه الخير ربي يجدمه لج يارب

مسك و سحابه اشلوونكم اليوم
سحاب متى تحليلج باقيلج جم يوم بشرينا يااارب حامل يارب

 

[مسك أبيض]

الحمدلله بخير حبيبتي قلبي

 

[شمس خلف السحاب]

انا حللت تحليل منزلي بيوم التاسع طلع خط مافيني انطر

 

[مسك أبيض]

أحس انه مرررره بدري عالتحليل الله يكتب لك الخير شمس

 

[شمس خلف السحاب]

مادري تعبانه وايد

اييلي عوار بطن مثل الدوره وحدي خايفه

الله يثبت الاجنه

 

[برنسيسة2007]

بناااات اسألكم بالله اللي مو لاجئه لله لااااا تعالج
لاتعالجون الا بعد ماتلجئوت لله والله لما اشوفكم تكتبون الام وسحب وابر وامحاتات قلبي يعورني عليكم وادعي الله انه يرزقكم لذة الدعاء
بنات صدقوني لو الله مو كاتب انج اتحملين ماراح اتحملين والدعاء يرد القضاء واذا تعبتي وعالجتي مرض والم وامحاتاة والله نا ارزقج الحمل مو معناته ان الله غاضب عليج لاااا معناته الله يحبج يبي يكفر ذنوبج والحياة الحقيقيه بالاخره

لذلك اسألكم بالله قبل العلاجات حسني علاقتج مع الله والله كريم غفور رزاق يرزقج الحمل الطبيعي باذنه بدون علاجات وهساير
كفري ذنوبج بالتوبه بالاشياء البسيطه قبل الكبيره من نميمه وسماع اغاني وتأخير صلاة وعقوق وقطيعة رحم بس ركعتين توبه وتعاهدين نفسج تتركين هذا الامر لوجه الله وماترجعينه واتقولين سيد الاستغفار مع دعاء استغفر الذي لا الاه الا هو الحي القيوم واتوب اليه (ثلاثاً)بنيه صافيه يغفر الله عنج اقلعوا عن نتف الحواجب والشعر الصناعي وغيره من الذنوب بتقولون انعرف بنات بلاوي الدنيا امسوينه وبدال الطفل عندها عشره اقولج ان الله يبلا عباده اللي يحبهم اما غيرهم يمدهم في طغيانهم يعمهون فانتي كفري ذنوبج وارضي الله وادعيه انه يرزقج من جيث لاتحتسبين اقري عن(اداب الدعاء-والادعيه التي لايرد بعدها الدعاء ومأثوره عن الرسول)بنات حبيباتي تكون مأثوره عن الرسول او باثبات من القران لان فيه ادعيه بدعه واقري ايضا عن اوقات يستجاب فيها الدعاء

بنات اقسم بالله الذي لا الاع الا هو اني شخص قريب مني حيل قالوله انت عقيم مالك الا اطفال انابيب وزوجته كذلك عندها ضعف فجأه صاروا سليمين ونفس الناس الطبيعيه خلاص الحين مايعرفون مستشفيات والله العظيم الحمل الثاني لهم تفاجئوا فيه وكان مابينه وبين اخوه شيء حاجه بسيطه طبعا بعد ما الجئوا لله مارضوا يسوون اطفال انابيب واغسلوا يديهم من الاطباء واقربوا لله صيام اثنين وخميس وعمره ودعاء وصلاة استخاره وفي فتره قصيره جدا من الله عليه بالشفاء بدون ولا علاج نهائياً للامانه لاني حلفت لكم بالله فقط ترك الزوج البيبسي نعائيا وع فكره بعد الطفل الاول رجع علببسي والحين امورهم طبيعيه


حبيباتي اصلاً اذا لجئتي لله ماتحاتين النتيجه خلاص انتي موكله الله


واستغفروا ماراح اذكر فضله كلكم عارفين الايات والاحاديث اللي تتكلم عن فضل الاستغفار ارجوكم مو اقل من١٠الاف مره باليوم

انا ادري ان اغلبكم لاجئين لله لكن انا اقول الجئي لله امثر واكثر بكل شيء راجعي نفسج احيانا عندنا ذنوب غافلين عنها

اسال الله ان يمن عليكم جميعا الحمل السليم

 

[qoot]

مسك اميين ويرزق كل محرومه

قلبي حساس امين حبيبتي

شمس تو الناس على التحليل دامج حسيتي بأعراض الدوره يمكن فيه حمل واعراض الدوره نفس اعراض الحمل راح الكثير مابقى الا القليل وان شاءلله بتفرحين وتفرحينا معاج

برنسيسه ماشاءلله عليج والله عطيتيني امل انا الايام هذي استغفرالله استغفرالله حيل يائسه وكارهه الحياة وهم زوجي نفسي اثنينا يائسين يارب تصبرنا وترزقنا بالحمل ياكريم

 

[مسك أبيض]

برنسيسة الله يجزاك خير والله يجعلنا من المستغفرين ويتقبل منا يااارب
قووت حبيبتي ليش الضيقة واليأس بسم الله عليك سوي لك برنامج غيري روتين سوي شي جديد اذا عندكم اجازات سافري مع زوجك او سجلي نادي ، الله يفرجها عليك وعلينا يارب حاولي تقنعين زوجك تراجعون مرة ثانية هالفترة

 

[مسك أبيض]

شمس الله يثبت اجنتك ويفرحك بشوفتهم سليمين معافين

 

[شمس خلف السحاب]

امين يارب

 

[ملح مكتت]

ولا تياسوا من وحمة ربكم بنات ترا رب العالمين قاعد يختبركم لازم تصبرون لان رب العالمين قادر على كلشي
ربي لاتذرني فردا وانت خير الوارثين

 

[مسك أبيض]

ونعم بالله ربي لا تذرني فردا وانت خير الوارثين

 

[سله تفاح]

glby7sas مشكوره اختي علي التعاون

حبيت اقول لكن عن تجربتي باطفال الانابيب كل ما اسويها تفشل والله يا بنات اش كثر سويتها وفشلت بس سويتها مرتين وراء بعض ونجحت مرتين صار حمل بس اول مره توقف النمو ثاني مره الحمل ضعيف

وهسنه 2013رديت احاوله المحاوله الاولي ارتفع هرمون البروجستون وثاني محاوله فشلت الحين في الثالثه

بس بخبركم عن تجربتي اول مره وثانيه مره وناجحه
اول ما ياتني الدوره اول يوم شربت قرفه في اليوم كوبين وكنت اسوي حلبه مع زنجبيل مع حلييب والحبه الحمره اثورهم مع بعض واكل ربع معلقه الحبه السوده واشرب عليها حليب وفطوري بيضه مقليه عليها فلفل اسود وملح وكمون وكنت اشرب اناناس وحليب يومي هذا البرنامج اول الدوره لين ما تخلص والحمد الله صار حمل في المرتين

هالمره الما حاولت ما سويت هالبرنامح في الدوره عيازه مني ومثل ما كتبت لكم ما سويت هالبرنامج سبحان الله كنت كاتبه في دفتره هالبرنامج وهالمره طاحت عيني عليه قلت في نفسي ليش ما اهتم يوم تنزلي الدوره مثل اول بجرب ارجع اسوي نفس الشي ورجعت سويت نفس الشي بس بصراحه ما كملت 7 ايام بس 4 ايام وان شاء الله اكون فدتكم بهشي والحين بخبركم لو صار حمل لاني بعدني علي الابر

والرقيه الشرعيه وقيام الليل والدعاء كنت ادعي وابجي سبحان الله هالمره ما ابجي بس ادعي ويارب الله يحقق لي واحمل وعليكم يالاستغفار وسوره البقره

انا جربت هالشي وحملت والله يعلم بس رديت اهتم في دورتي هالمره وياليت بعد الله يكون هالسبب

 

[glby7sas]

حبيبتي سله تفاح سوولج تحاليل الكروموسومات والاجسام المضاده عشان يعرفون سبب الاجهاض والله يعوضج خير اختي وانشوفين ضناج بين اييدينج ياارب
السحاب ادري مافيج صبر بس وايد تو الناس واذا بتسوين تحليل لا تفكرين الا بالدم اما تحليل البيت مو كل وقت يبين

 

[شمس خلف السحاب]

يارب الله يعطيني الصبر ان شاءالله
حدي تعبانه والله

 

[مسك أبيض]

سلة الله يجزاك خير ويعوضك ويفرح قلبك عاجلا غير آجل

 

[qoot]

مسك حبيبتي ان شاءلله بسمع كلامج وامييين الله يسمع منج

 

[ماي زهر]

عنْ شَدَّادِ بْنِ أَوْسٍ رضي اللَّه عنْهُ عن النَّبِيِّ صَلّى اللهُ عَلَيْهِ وسَلَّم قالَ : « سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ . منْ قَالَهَا مِنَ النَّهَارِ مُوقِناً بِهَا ، فَمـاتَ مِنْ يوْمِهِ قَبْل أَنْ يُمْسِيَ ، فَهُو مِنْ أَهْلِ الجنَّةِ ، ومَنْ قَالَهَا مِنَ اللَّيْلِ وهُو مُوقِنٌ بها فَمَاتَ قَبل أَنْ يُصْبِح ، فهُو مِنْ أَهْلِ الجنَّةِ » رواه البخاري .

 

[مسك أبيض]

قووت الله يكتب لك الخير ويرزقك يارب