دوانيه شلة منتظرات نتيجه عملية اطفال الانابيب والحقن المجهري

[بنفســـــج]

السلام عليكم اخواتي
يارب يرزقكم بالذريه الطيبة

عندي استفسار

الحين الوحدة بعد ما تاخذ ابر التويض متى تكون عمليه سحب البويضات
أقصد بعد كم يوم ؟

 

[عسل حدي]

انشالله تاسع من دوره او عاشر
ربي يكتبلنا الحمل يارب

 

[بنفســـــج]

ودّي أروح العمرة نهايه الاسبوع الياي , وموعد السونار حتى يشوفون التبويض بعد 6 ايام من الابر يكون الخميس . يعني لو يسحبون الاحد او الاثنين اروح لي يومين عمره , مشتاقه لها وااااااايد

بموعدي السبت راح أسألهم عن المواعيد وتوقعاتهم

 

[عسل حدي]

لاتجازفين
الارجاع يمكن بعد يومين من السحب او ثلاث او خمس

 

[بنفســـــج]

مو انا مو عارفه متى يصير السحب ؟
ربي يكتب الخيره

 

[شمخانيه]

مني


سويتي تحليل مخزون البويضات

 

[عسل حدي]

مانزلت الدوره والمفروض باجر مراجعتي بنفسج اذا رحت ومانزلت الدوره عادي تعطيني موعد ثاني يوم بتشوفني سونار ولا شلون انا اليوم سويت تحاليل

 

[بنفســـــج]

مانزلت الدوره والمفروض باجر مراجعتي بنفسج اذا رحت ومانزلت الدوره عادي تعطيني موعد ثاني يوم بتشوفني سونار ولا شلون انا اليوم سويت تحاليل

انا رحت لها والدورة ما نزلت وسو سونار
وقالت لي بس تنزل الدورة اول يوم اسوي تحاليل والثاني مراجعه معاها , تبلغينهم بالتلفون وعلى طول تراجعين ثاني او ثالث يوم على حسب الي تحدده حالتج

عادي توقعي تراجعين كل يوم او يومين

 

[عسل حدي]

طمنتيني الله يطمنج

 

[ayisha]

شلووونكم كويتيات انشالله بخير
اليوم وصلت اليوم التاسع الحمدالله عدت الايام بسرعه والحمدالله يارب
النفخه الي كانت فيني كاني حامل بالخامس طاااارت رديت مثل اول
والله يعين بعد باقي اسبوع احس مليت ودي اطلع واتمشى بس زوجي موراضي
وانا يوم رحت للدكتوره من كم يوم قالت عادي تسبحي بماي فاتر بارد وتبين تطلعين تمشين هم مافي مشكله
كلش بالعكس احسن لج واحسن للنفسيه والحمدالله كل المولات فيها اصنصير ولادرج متحرك
بس شنقول الحين لي نزلت الدرج شوي وبيموت اقوله عاادي حبه حبه مو قاعده اركض وهم الدكتوره قالت الدرج
نزلي شوي شوي وصعدي شوي شوي مافيها اي مشكله بس يلا كلها كم يوم ونخلص
الله يرزقني ويرزقكم يارب ويفرحنا ان شاءالله

 

[عسل حدي]

الله يثبته يارب ويفرح قلبج ولا يخسرلج تعب والله يعينج

 

[عسل حدي]

رحت موعدي سوتلي سونار وقالتلي عندي هرمون مرتفع وراح ننطر اسبوع نعيده
اكمل على الابرلتحضيريه
والاربعا اعيد التحليل والخميس موعدي ويمكن ابتدي تنشيط والله كريم
احس اليوم بليل او باجر بانزل الدوره

 

[mona777]

هلا شمخانيه لا ماسويته

 

[ام محمدًُ]

سلام عليكم


الله يرزق. كل من ينتظر الحمل يارب

بنات انا الدكتوره طلبت مني تحاليل وإذا ربي يسر أسوي طفل أنابيب

ايش. تنصحوني في هذه الفترى الحين أخذ فوليك أسيد

والله يوفقنا. جميعا

 

[عسل حدي]

حبوبه برقنا بلان وفوليك اسد اخذيهم الحين وعقب التحاليل بتعطيج الابر التحضيريه ضروري تبدين فولك اسد وبريقنا بلان

 

[qoot]

انصحج برويال جيلي وفيتامينات برجنابلان

 

[شمخانيه]

لا اله الا انت سبحانك اني كنت من الظالمين

 

[عسل حدي]

رب لا تذرني فردا وانت خير الوارثين

 

[ayisha]

صباح الخير شلوونكم انشاءالله بخير
اليوم لي ١٢ يوم من ترجيع الاجنه باقي يومين ع موعد التحليل
حييييييل بديت اتوتر معني اول مابديتها كان ماهمني ولاكنت اصلا ابي اسويها
حتا وقتها عند الدكتوره قلت مابي ابدا علاج قالت ليش قلت بس ماني مرتاحه وزوجي قالي توكلي علا ربج
وسويتها وانا كاااارهتها لين اسحبوا لي ونوموني عندهم تحت الملاحظه لان هرموني عاالي وكرهت العمليه زياده صج ماكنت مرتاحه وتعبت وتاذيت
بس الحمدالله والحييين بديييت اتووتر حيل موشوي علا اتفه الاسباب ازعل وابجي بنات بلييز
ادعولي بثباات الاجنه وان الله مايضيع تعبي وتعبكم وصبرنااا

 

[ayisha]

بناات تو الساعه ٣ العصر نزل مني دم بني علا احمر شي بسيط ولما امسح يطلع
حدي متوتره وخايفه من صارلها جذي حيل متضايقه ومتوووتره كله مني طلعت اليوم الصبح
رحت السوق بس والله مامشيت واجد شي بسيط وقعدت قلت اغير جو تحسفت حييييل وشريت تحليل حمل باجر بسوي او الي عقبه
بس بعد الي شفته طقتني الكااابه بنات ادعوا يثبت حملي ويكون الدم علامه خير
يااااارب ثبت اجنتي