دوانيه شلة منتظرات نتيجه عملية اطفال الانابيب والحقن المجهري

[سمو النفس]

نكه البرتقال بالنسبه لي خذيت اجازه من الدوام قلتلهم برتاح شوي وما اقولهم كل شي بالتفصيل بس اجازه وخلاس ،،، وقت الترجيع الاجنه كنت عند امي ومرتاحه عالاخر وكانوا يجون خالاتي وبناتهم عادي اقعد معاهم يسالوني شفيش اقولهم تعبانه دوره وحراره ومايدرون اني مسويه انابيب

 

[نكهةالبرتقال]

الله يتمم عليج عل خير ، و يرزقج الذرية الصالحة

أنا مرتاحة هالفترة ، بس ذبحوني يسألون شفيج شفيج غايبة . . . إلا بعرفون بالضبط شنو فيني

و بعدين أفكر إذا طلع التحليل بوزتف باذن الله يارب يارب ، و يرزق الجميع يارب


شلون عادي أداوم بأول أيام الحمل خصوصا إن ماراح أعلم الدوام عن حملي عل طول باذن الله، لأن مرضياتي خلصت

 

[rachaaa]

نكهة البرتقال انا اخديت مرضيه وقالتهم بالدوام مسويه عمليه برجلي وبالبيت كنت قاعده بشقتي ماحد يدري عندي بس انا وزوجي وخلاص
اخدي اجازة وقولي نفسيتك تعبانه وخلص

 

[FaRa7-q8]

فرح انتي تراجعين عند اي دكتور ؟؟؟؟؟

المفروض يسويلج تحليل هرموني ويريحج من الحيرة اللي انتي فيها

انا صار معاي ينزل دم خفيف باليوم الثامن من الترجيع واول ما كلمت دكتورتي قالتلي تحليل على طول وبين انا مافي حمل لان الهرمون كان واحد وهم كانت مستغربة ان الدم نزل مبجر

انا مابي احبطج بس عشان انتي ترتاحين سوي تحليل

حبيبتي انا عند حازم الرميح

قال لي اذا حللتي مايبين نطري عالقليله 12 يوم ممن الترجيع وانا ناطره الحين

عندي احساس اني مو حامل طبعاً النفسيه الله لا يوريكم ما ابي احد يكلمني ابجي

وصداع ماسك براسي بينفجر وجبدي كله تلوع يعني حالتي حاله والله

بنطر لي اليمعه وبحلل ان شاالله

 

[FaRa7-q8]

فرح ، ان شالله تكونين حامل يارب ، استمري على العلاج إذا كانوا معطينج علاج او تحاميل او حبوب مثبتة

اي حبيبتي عطوني تحاميل اندوماترين وحبوب دفستون قاعده اخذهم مع اني متهدده اتركهم لان عندي احساس اني مو حامل احس خلاص مالهم داعي

 

[سمو النفس]

نكه البرتقال عادي انا داومت اول الايام عقب التحليل وماقلتلهم بس كنت مقزرتها استآذانات احيانا واحيانا طبيات وعقبها خذيت اجازه بعد اسبوعين وبعدين سويت مجلس طبي

 

[نكهةالبرتقال]

اي حبيبتي عطوني تحاميل اندوماترين وحبوب دفستون قاعده اخذهم مع اني متهدده اتركهم لان عندي احساس اني مو حامل احس خلاص مالهم داعي

هذا الاحساس من الشيطان و النفس الأمارة بالسوء اشدعوة جذي يحبطج ، قبل النتيجة .

أنتي خلي عندج إيمان و حسن ظن بالله و ان شاالله حامل

لي آخر لحظة سوي اللي تقدرين عليه ، لي يوم التحليل ، ممكن الله يجعل الدوا سبب

و ارتاحي و تمددي و اقري الرقية الشرعية ، و الله يرزقني و يرزقج و يرزق كل منتظرة

 

[نكهةالبرتقال]

سمو النفس ، شكلي بسوي نفسج ... الله يسهل الأمور يارب

 

[last piece]

الدوام انا قلت حق مديرتي لاني قطاع خاص وخفت اني احتاج امدد اجازتي

ولم داومت يحسبوني ماخذه سنويه ، واللي قراب ويدون اني مرضيه قلت لهم عمليه نسائية وبس بدون تفاصيل
اروح جمعات اهلى بس ماعلمت احد حتى امي وخواتي لاني متفقه مع زوجي على جذي

ربي لايضيع لنا تعب ويرزقنا الذرية الصالحة السليمة المعافاه

 

[qoot]

السلام عليكم بنات شخباركم

اليوم كان عندي موعد سونار متابعة المبايض بنات الدكتور استغرب يقول ليش استجابتج للعلاج بطيئه مع انه عمرج صغير

زاد الجرعه عطااني اثنين بودره واحد مايً

صكت فيني الدنيا وقعدت ابجي والله نفسيتي بالحظيظ

بنات انتوا شلون استجابتكم للعلاج ؟

ومن اول اسبوع بين معاكم بويضات حجمهم زين ولا ثاني اسبوع ؟

ربي لاتذرني فردآ وانت خير الوارثين

 

[last piece]

لا مو مقياس الاسبوع الاول

الاسبوع الثاني يزيد
اكلي بروتينات
شربي زنجبيل وانناس بس عقب الترجيع لا تشربين دارسين والانناس نهائي
وكثري من الاستغفار والدعاء بالسجود والصدقه

ربي يسهل امرج وامرنا

 

[mona777]

سلامي للكل
نكهه البرتقال يارب حامل وقت العمليه من السحب يعطونج اسبوعين المشفي وهي اعفا يعني مو محسوبه ضمن طبياتج ال٣٠ تبع المشفي
وان الله تمم وحصل حمل تاخذين طبيات تالي من يبان النبض تجهزين كتاب من داوامج للمكتب الطبي وهلكلام من يبان النبض مو قبله وعشان تخرج الورقه من دوامج ما يحتاج تقرير دكتور لكن لتقديمه للمجلس لازم مرفق بتقرير دكتورج الي ما يكتبه الا لما يسمع النبض
وتعتبر حاله حمل طفل انبوب حاله خاصه بلتالي يكون موعدج خلال اسبوع وحزتها يعتمدون الطبيات الي خذتيها من قبل فما تنعد من طبياتج فما ينخصم عليج
ويعطونج اجازه شهرين او ثلاثه وورقه معاها بحيث تجدد بلمراجعه التاليه للولاده
بلتالي الدوام لو ماعندهم تقرير ما يعرفونون شلسالفه بس بيشكون

 

[نكهةالبرتقال]

السلام عليكم بنات شخباركم

اليوم كان عندي موعد سونار متابعة المبايض بنات الدكتور استغرب يقول ليش استجابتج للعلاج بطيئه مع انه عمرج صغير

زاد الجرعه عطااني اثنين بودره واحد مايً

صكت فيني الدنيا وقعدت ابجي والله نفسيتي بالحظيظ

بنات انتوا شلون استجابتكم للعلاج ؟

ومن اول اسبوع بين معاكم بويضات حجمهم زين ولا ثاني اسبوع ؟

ربي لاتذرني فردآ وانت خير الوارثين

الله كريم
أنا مريت بنفس هالظروف وحدة من محاولات التلقيح الصناعي من زمان فشلت

كانت استجابتي بطيئة ، بعدين الحمد لله استجبت و تم التلقيح

بس الله ما كتب لي حمل وقتها

لا يضيق خلقج ، هذي اسباب و الله الرزاق

 

[نكهةالبرتقال]

سلامي للكل
نكهه البرتقال يارب حامل وقت العمليه من السحب يعطونج اسبوعين المشفي وهي اعفا يعني مو محسوبه ضمن طبياتج ال٣٠ تبع المشفي
وان الله تمم وحصل حمل تاخذين طبيات تالي من يبان النبض تجهزين كتاب من داوامج للمكتب الطبي وهلكلام من يبان النبض مو قبله وعشان تخرج الورقه من دوامج ما يحتاج تقرير دكتور لكن لتقديمه للمجلس لازم مرفق بتقرير دكتورج الي ما يكتبه الا لما يسمع النبض
وتعتبر حاله حمل طفل انبوب حاله خاصه بلتالي يكون موعدج خلال اسبوع وحزتها يعتمدون الطبيات الي خذتيها من قبل فما تنعد من طبياتج فما ينخصم عليج
ويعطونج اجازه شهرين او ثلاثه وورقه معاها بحيث تجدد بلمراجعه التاليه للولاده
بلتالي الدوام لو ماعندهم تقرير ما يعرفونون شلسالفه بس بيشكون

اها ، مشكورة حبيبتي الحين فهمت الخطوات

الله يتمم عل خير ، و يرزقنا الذرية الصالحة كلنا

اللي فهمته ان دخول المستشفى و الفترة اللي بعدها ما تنحسب من مرضياتي

 

[فدوتك عمري]

اخباركم بنات ان شاء الله بخير تكفون بنات احد مر عليه نفس حالتي:eh_s(2)::eh_s(2): انا يوم الاحد نز ل علي دم احمر تكرمون ورحت للطوارى وفحص الدكتور بالسونار وقالت كيس الجنين موجود ودخلت يده داخل علشان تشوف الرحم مسكر والحمد لله مسكر واخذت تحليل علشان تشوف هرمون الحمل واليوم بعد تحليل دم ويوم السبت موعدي عند العياده البارحه نزل معي دم احمر وقطعة دم جامده سوداء تخوووف تقريبا حجمه بحجم اصبعين وانا مستمره على تحاميل السكيولو جيت ودافستون والاسبرين وحمض الفوليك وفورميت بنات الله يرزقكم الذريه الصالحه واللي حوامل الله يثبت حمالهم:yaaaaaarb::yaaaaaarb:

 

[فدوتك عمري]

يارب رحمتك ياحي ياقيوم

 

[rachaaa]

شكو تدخل ايديها ؟ منو المتخلفه هدا

حبيبتي ضلي ع فحص الهرمو افحصي اليوم وبعد يومين ادا النسبه بتضاعف خلص تطمني

 

[فدوتك عمري]

مشكور ه ياقلبي تدرين انا استغربة يوم دخلت يده حتى امي قالت المفروض مادخل يده

 

[rachaaa]

طبعا المفروض ماادخل ايدها اهم السونار يدخون ويخفون يحطول جل وشوي شوي شلون ادخل ايده ليش سكتي احنا تعبنين في هالحمل حرام عليه
قطعة الدم انا نزلت مني والحمدالله مافيني الشي لا تخافين توكلي عالله

 

[rachaaa]

شلونكم بنات وينكم ؟؟

ربي لا تذرني فردا وانت خير الوارثين