دوانيه شلة منتظرات نتيجه عملية اطفال الانابيب والحقن المجهري

[rachaaa]

ربي لا تذرني فردا وانت خير الوارثين

 

[أمة الجليل]

الف مبرووووووك احساس حبيبتى ربى يثبت حملك يارب ويرزقق تؤم تقر بيهم عينك قادر رحيم ويارب عقبال كل البنات فى القروب المنتظرات العمليه عسل

 

[حبي راشد]

مههاوي موعدج اليوم بششششري عنج

 

[حبي راشد]

حصصه الله يجززززاج خير ويوسع لج الرزق



انا وقف الدم الحمد لله

 

[rachaaa]

مهاوي شصار بسونارك

 

[أمة الجليل]

حبى راشد طمنينى عليكى عامله ايه حبيبتى وينك بالمستشفى ولا خرجتى والدكتور قالك ايه كنينى عليكى

 

[Hessa2626]

حبي راشد الحمد الله الله يثبتهم للج وتفرحين بشوفتهم
اختي والله عليج بالنشا زين للعلم يستخدم مع حبوب دفستون

 

[روح &الورد]

مساء الخير شلونكم شخباركم
مبروك إحساس السعودية عال حمل الله يثبتهم لج ويرزقج يارب
شخبارج مهاوية وشمخانية وكل البنات
حبي راشد وينج اختفيتي طمنينا عليج عساج بخير

 

[~TRTR]

بنات انا اخذ ابرة بريموليت ديبوت بالعضل بس احس بالمها معنى امس ماخذتها عباره عن ماده مثل الزيت واحسها ثابته الدوا ثبت بعد ماغزيتها هل هشي طبيعي طمنوني

 

[last piece]

حب راشد وينج
طمنينا شصار معاج


ربي يسهل لج ولك بنات القسم

"ربي لا تذرني فردا وانت خير الوارثين "
"ربي هب لي من لدنك وليا "

 

[rachaaa]

مهاوي شصار سمعتي النبض طمنينا عليج

 

[FaRa7-q8]

بنات انا نفسيتي حيل تعبانه والله ������

احس مخي بروحه يشتغل والله

طلع لي بويهي حبوب قلت اكيد حبوب الدوره

وااايد ضايق خلقي ودي احلل بالبيت

قلت اييب التحليل الديجتال يمكن يبين

 

[rachaaa]

حبيبتي تحليل البيت ما يبين
والحبوب انا طلعتلي حبوب فعادي

 

[last piece]

انا بعد طلعتلي حبوب وعادي مالها اي دور قالي الدكتور طبيعي
بسبب تغير الهرمونات


بنات انا امس جاني عوار مثل الدوره رحت رويال حياة
الدكتوره قالتلي لازم ابر تثبيت
اتصلت بدكتوري قالي لاتاخذينهم وخلج هالتحاميل لانهم افضل شي فما خذت الابر

 

[rachaaa]

لاست التحاميل احسن وايد و3 تحاميل عن ابره

لاست انا بحس بمغص الدورة يعني هذا خطر

 

[روعة زماني]

مرحبا شلةنكم
مبروك لكل حامل والله يثبته يارب

انا كنت معاكم. العام وفسلت التلقيح
امس رحت لفوريه دكتورتي من الم بالجهه اليمين وقالت مافيج شي هي اول سوتلي منظار وشالت جيس دم. وقالتلي لازم اشيل الانبوب اليمين كله ماي وما منه فايده المهم اني ما شلته وسويت اطفال انابيب وفشلت والحين تقول يمكن الفشل بسبب الاانبوب نينزل ماي على الاجنه. قالتلي عندج. خياريين يانج تجربين اطفال انابيب مره ثانيه ونجرب او اسويلج منظار ونشيل الاانبوب و نعدين نسوي اطفال انابيب. انا محتاره مادري شنو اسوي

وقبل لما سويت اطفال الااابيب نبدت معاي من 21 من الدوره الحين تقول لا عادي نبدا من اول يوم دوره

امانه يا بنات شورو علي شنو اسوي انا تعبانه نفسيا

 

[last piece]

لاست التحاميل احسن وايد و3 تحاميل عن ابره

لاست انا بحس بمغص الدورة يعني هذا خطر

حياتي رشا الم الدوره يقولون طبيعي
بس انا كان عندي مشاكل وضغط نفسي وعقبها صار معاي مغص والن بالظهر
قالي زوجي نروح المستشفى ونشوف
والدكتوره قالت لازم ابر ودكتوري قال لا تاخذينهم وبصراحة اثق فيه لاني احسه فاهم
عاد اتكلت على الاه ورجعت البيت حتى الدري ما اخذته خفت .

 

[الحلا والملح __]

بنات انا سويت انابيب مرتين وصار حمل بس يوقف النبض بالثاني خذيت عﻻج اجسام مضاده بس مانفع والدكتور محتار فيني ماكو سبب واضح
زووجي تعبانه نفسيته ويقول برجع اﻻجنه المجمده وان صار نفس الحاله احنا ﻻزم ننفصل تعبانه مدري شسوي صارلنا 3سنين والناس يضايقونا حتى ربعه ﻻجا عليهم عيال ما يعلمونه شي يحز بااخاطر

 

[FaRa7-q8]

مشكورين على ردودكم حبيبات قلبي والله يطمنكم


انا اليوم سادس من ترجيع الاجنه نزل علي شويه دم����

دقيت عالسستر قالت لي اخذي ثلاث تحاميل كل يوم

بنات ضايق خلقي حدي والله معقوله هذي الدوره لان هذا موعدها

انا اليوم مشيت شوي رحت مدرسة بتتي ورحت ماكس شريت لها ملابس معقوله الدم لاني مشيت

الدكتور قال لي عادي عيشي حياتج طبيعيه

 

[الحلا والملح __]

يقول انا تعبت من المراجعات وكل شي جربناه مافي اﻻ ننفصل الدكتور طلب تحليل للامراض الوراثيه بس للحين ماسويته واحنا مو قراب من بعد