دوانيه شلة منتظرات نتيجه عملية اطفال الانابيب والحقن المجهري

[مهاويه الحلوه]

حبي رااشد وووووووينج طمنينا عليج؟!

 

[عسل حدي]

بشرونا بنات اعصابي تلفت وانا اقرا الله لا يضيع لكم تعب ويعوض عليكم يا ب

 

[gmar al-kuwait]

شمخانيه شلونج الحين

كثري من اللهم اجرني في مصيبتي واخلف لي خيرا منها

ما الله كتب ولا اعتراض على كتبة الله

قدر الله وماشاء فعل

وسوري على السؤال انتي وين مسويتها بالصباح ؟ واذا بالصباح شسم دكتورج

 

[عسل حدي]

ياكريم
يارحيم
ياوهاب
يارزاق

 

[حبي راشد]

شمخانيه الله يعوض عليج .. ان لله ... انا مانعيني والله من المششاركات .. يالله يالله .. وغير جذي نزل علي دم

 

[last piece]

لاست شلون تقضين حياتك عادي ولا اكتر مرتاحه

حياتي انا دوامي ماخذ اغلب يوميلانه لي الساعه 4 العصر وعندي محاضرات مسائيه
يعني لغب يومي مشغوله بس والله تعب خاصهمع لوعة الجبد خاصة ان انا بدت معاي النساه حيل مبجر
ربج يسهلها من عنده




شمخانيه وينج طمنينا عليج
ربي يمسح على قلبج مسحت الرحمن
ويرزقج الذرية الصالحة السليمة المعافاه

 

[مهاويه الحلوه]

حبي الله يثبته لج ي رب

انا بعد نزل مني دم احمرررر مع اني بليوم12 الله يستر ي رب
يااارب بشارة خير لنا اللهم امييين

 

[مهاويه الحلوه]

لاست الله يعينج ي قلبي
ويثبت حمالتج ويقر عينج اللهم امين

 

[last piece]

مهاوي ورشا و حب راشد الدم ينزل من ابر السيوله او الاسبرين وقفوهم يومين ويوقف الدم

ربي يتمم عليكم ويرزق خواتنا الباقين معانا بالقسم

 

[حبي راشد]

مها ماححللتي غريبه .. امبيه ليش يمنعوني ياربي زهقت

 

[مهاويه الحلوه]

حبي ماحللت بحلل الاثنين زوجي مو راضي احلل
الا بيوم التحليل الله المستعان الله يصبرني ي رب

لاست دقيت ع الدكتور قال لاتوقفين شي؟!؟؟؟
الله يستر ي رب

 

[rachaaa]

لاست مايصير انوقف لانها وايد زين يساعد ع تكوين المشيمة بسرعه

 

[rachaaa]

ربي لا تذرني فردا وانت خير الوارثين

 

[شمخانيه]

جزاكم الله خير بنات علي سؤالكم عني
والله دمعتي ما نشفت
بس كله استغفر واسترجعت وقريت البقرة

خﻻص سلمت امري لله ﻻن اغلب اﻻطباء ما يرضون يعالجوني
كلهم يقولون كبرتي

 

[last piece]

شمخانيه حياتي ربي قادر يرزقج وانصحج بدعااء سيدنا زكريا اللي فبدايه سورة مريم
لانه طلب من رب العالمين وقال " ربي اني وهن العظم مني واشتعل الرأس شيبا" فهي تخص الكبير بالعمر
انا كنت اقوله بكل سجود
جربي تروحين لدكتور ناهض دام وايد يمدحونه يمكن ربج يجعله سبب
الحين الدكاتره ما قالولج شنو السبب ليش ماثبت الحمل كل مره ؟

 

[last piece]

رشا ادري انها تساعد المشيمه لكن هي بنفس الوقت تسبب نزيف لانها تسوي سيوله
عشان جذي افضل الوحده تتركه يومين وترجع له
بس اذا دكتورج شايف انج ما تتركينه اسمعي كلامه
ربي يتمم لج على خير

 

[rachaaa]

حبيبتي شمخانيه ربي يعوض عليج حبيبتي انشالله ربي يعوض عليج بالاحسن

لاست شلون تعيشين حياتج اللحين تطلعين ولا بس دوام وترجعين البيت

 

[عسل حدي]

الله يثبت اجنتكم يارب

 

[last piece]

والله رشا انا من ثالث يوم ترجيع الاجنه وانا اطلع عادي
اروح مطاعم اروح سينما واتسوق وازور اهلي الجمعه
ودوامي ومحاضراتي خذت اجازه اسبوعين
بس كل شي مخليته بالمعقول
يعني احاول ما اجهد نفسي
واخلي معاي كلينكس ديتول عشان عزج الله اذا استخدمت حمامات عامه ما القط فايروسات


وانتي شلون ؟؟!!

 

[last piece]

مشكوره ياعسل عالدعوه ربي يرزقج
ويفرحنا فيج