دوانيه شلة منتظرات نتيجه عملية اطفال الانابيب والحقن المجهري

[فتاة حالمة]

بنات انا سويت العمليه وفشلت ونزلت علي الدورة 29\9 والحين ما نزلت علي هالشهر ماادري ليش تاخرت مع انها كانت مضبوطة منو صار معاها لخبطة دورة تهقون هالشي طبيعي

حياتي الله يعوض عليك

و يرزقك بالذرية إنه مجيب الدعوات

حبيبتي عادي أحيانا ما تتغير الدورة وتبقى منتظمة

و أحيانا تتلخبط الدورة بفعل الهرمونات اللي ناخذها وقت العلاج

شهرين ثلاثة و ترجع مثل قبل على انتظامها

لكن لو التأخير صار لفترة طويلة لازم تراجعي الطبيب

 

[امواج الكويت]

حياتي فتاه حالمه مشكوره وما قصرتي

اليوم لي ١١ يوم الحمدلله ما بقى شي

 

[بحر الحزن فيني]

امواج حبيبتي الله يتمم لك يارب انا حدي ميته من الخوف وخاصه اني في بلد غربه وبروحي لاونيس ولا حد ومتضايقه موت الله يفرج علي يارب مطولها نت ايام انا توني في ثاني يوم من الترجيع

 

[بحر الحزن فيني]

اختي امواج انتي تاخذين مثبتات شنهي مثبتاتك انا مثبتاتي تحاميل ويويا حقن من اول يو السحب وانا باديه فيها

 

[امواج الكويت]

انا اخذ تحاميل مثبت وبيبي اسبرين وحبوب progyluton قصوا الصوب اللي فيه منع حمل وعطوني القسم الثاني

 

[امواج الكويت]

اي صج كثري من اكل الخيار قد ما تقدرين انا اتريق فيه وقبل الغدا اكل سلطة خيار وخس واتعشى خيار لانه يعتبر مثبت للحمل

 

[بحر الحزن فيني]

انا ماعطوني حبوب وعطوني تحاميل وحقن بس ماري شنو فايده الحقن

 

[امواج الكويت]

اي في شي ابيج تسوينه كل يوم شغلي اليوتيوب وكتب رقيه تثبيت الحمل ماهر المعيقلي هي ٤ اجزاء وحطيها على رحمج طبعاً مو بالابتوب لا بالتليفون كل يوم شغليها

 

[فتاة حالمة]

ربي يكتب لكم التوفيق

و ثبات الحمل و الذرية الصالحة مريت بنفس مواقفكم بعيد عن أهلي بالرياض

لكن ما نسيت انو الله معي هو الأمان الوحيد و ملجأ الخائفين

عليه نتوكل و به نثق

ربي يطمنكم و يريح بالكم حبيباتي

 

[امواج الكويت]

فتاة الحمدلله اليوم حللت منزلي وطلعلي خطين ان شاءالله الصبح بحلل دم

ما شاءالله رب العالمين

والحمدلله حمداً طيباً مباركاً

ربي لك الحمد كما ينبغي لجلال وجهك وعظيم سلطانك

 

[انثى خيالية]

الف مليوووووووووووووووووووون مبروك
الله يتمم فرحتج
انا حلت باليوم ال13 وطلع خطين وارتحت نفسياورحت احلل هرموني بكل ثقه
والله فرحتلج

 

[الزيـــــ^^ـــــن]

امواج الف مبروووووك حبيبتي

وان شاءالله يارب يثبته لج ويقر عينج بشوفت ضناج

والفال للباقين يارب

 

[امواج الكويت]

حياتي الله يبارك فيكم والفال للكل يارب ما تنحرمون من هالفرحه يارب

 

[reem1987]

فتاه حالمه مشكوره جزاج الله خير ويارب الله يرزقج بالذريه الصالحه يارب ويرزق كل محرووووومه

 

[فتاة حالمة]

فتاة الحمدلله اليوم حللت منزلي وطلعلي خطين ان شاءالله الصبح بحلل دم

ما شاءالله رب العالمين

والحمدلله حمداً طيباً مباركاً

ربي لك الحمد كما ينبغي لجلال وجهك وعظيم سلطانك

الحمد لله رب العالمين

الحمد لله حمدا يعجز عن احصائه الخلائق عددا

بكيت و نزلت دموعي يارب يتمم على خير وعقبال الباقي يارب

 

[نكهةالبرتقال]

السلام عليكم


بنات شلونكم


الله يثبت حمل الحوامل و يرزق المنتظرات يا رب

و يعوض عالجميع


بنات ،،، في أحد سوى منظار ؟ ووين بالضبط ، و هل تنصحوني أسويه إذا كانت نتيجة الصبغة سليمة ؟

 

[نكهةالبرتقال]

أمواج الكريت


ماشاء الله


الله يثبت حملج يا الغلا ، فرحت لج حيل


و يرزقج الولد الصالح


بس وين سويتي الحقن المجهري؟

 

[امواج الكويت]

هلا حياتي الله يبارك فيج سويتها عند دكتور ناهض حماديه بالمواساه

فتاة الله يبارك بعمرج يا قلبي

 

[نكهةالبرتقال]

ياكريم ارزقنا


بنات أحس راسي بينفجر و ما أدري أي إجراء اتخذ، مادري شنو اقرر


زوجي كلش مو متعاون ، و لا يرضى بالتلقيح أو الحقن ، كله يسكر الموضوع

مرة سويت التلقيح الصناعي العادي بس فشل اللهم لك الحمد على قضائك


و الف مرة اسوي فحوصات و كله تطلع سليمة ، حتى أشعة الصبغة

الشي الوحيد اللي ما سويته المنظار ، ما أدري أقدم عليه و لا ما منه فايدة إذا الصبغة سليمة


احس فكري مشوش

صار سنة ، تركت كل الدكاترة و المراجعات

مرات أقول خلاص خلها على الله ، و بيرزقني

و مرات أقول ، لازم أبذل السبب و أرد اراجع او اسوي حقن مجهري او اي شي

ما يصير اكتف ايديني ، و ما اتحرك


أشكو لربي وحده ، سبحانه


بس بنات صج ودي استشير أحد ، شنو تنصحوني بهالحالة ؟

 

[نكهةالبرتقال]

هلا حياتي الله يبارك فيج سويتها عند دكتور ناهض حماديه بالمواساه

فتاة الله يبارك بعمرج يا قلبي

الحمد لله على البلاغ

أنا مادري ليش حسبتها بالصباح ( مركز طفل الأنبوب)

حبيبتي استمري عالراحة و الاذكار و المعوذات